‘লিভ ইন ৰিলেশ্বনশ্বীপৰ বিৰুদ্ধে আইন অনাটো সম্পৰ্কৰ গোপনীয়তা ফাদিল কৰাৰ দৰে’।UCCৰ বিৰোধীতা কৰি সদনত অখিল গগৈয়ে মন্তব্য কৰিছে।

বিধায়ক অখিল গগৈয়ে অসম বিধানসভাত প্ৰস্তাৱিত UCC বিধেয়কক তীব্ৰ সমালোচনা কৰি অভিযোগ কৰে যে ইয়াৰ ফলত নাগৰিকৰ ব্যক্তিগত জীৱনত চৰকাৰী হস্তক্ষেপ আৰু চোৰাংচোৱাগিৰি বৃদ্ধি পাব।

গগৈয়ে কয়, “অসমৰ মানুহৰ ব্যক্তিগত জীৱন সম্পৰ্কে UCC-এ কি কৈছে আৰু চৰকাৰে কি কৈছে, তালৈ লক্ষ্য কৰক। চৰকাৰে মানুহৰ জীৱনৰ অন্তৰংগ আৰু ব্যক্তিগত দিশসমূহ নিৰীক্ষণ কৰিবলৈ এটা আমোলাতন্ত্ৰ সৃষ্টি কৰিছে।”

তেওঁ অভিযোগ কৰে যে প্ৰস্তাৱিত এই ব্যৱস্থাৰ ফলত প্ৰশাসনে “প্ৰতিটো মুহূৰ্ততে আপোনাৰ ওপৰত চোৰাংচোৱাগিৰি কৰিব। আপুনি কেনেকৈ বাস কৰে, কেনেকৈ নিজৰ জীৱন চলায় আৰু আপোনাৰ ব্যক্তিগত জীৱনৰ ওপৰত অহৰহ নজৰ কৰি থাকিব। ইয়াক কেনেকৈ অনুমতি দিব পাৰি বুলিও তেওঁ প্ৰশ্ন কৰে।

বিধায়কগৰাকীয়ে যুক্তি দৰ্শায় যে আগবঢ়ায় যে এনে বিধানে সাংবিধানিক নীতি উলংঘা কৰে আৰু গোপনীয়তাৰ অধিকাৰ সন্দৰ্ভত উচ্চতম ন্যায়ালয়ে বাৰে বাৰে কৰা পৰ্যবেক্ষণৰ বিপৰীতে গৈছে।

গগৈয়ে কয়, “ভাৰতীয় সংবিধানে কি কয় আৰু উচ্চতম ন্যায়ালয়ে বাৰে বাৰে কি কৈ আহিছে? উচ্চতম ন্যায়ালয়ে বাৰে বাৰে কৈছে যে বিধানসভা আৰু সংসদে এইদৰে ব্যক্তিগত জীৱনত হস্তক্ষেপ কৰিব নোৱাৰে।”

বিজেপি নেতৃত্বাধীন অসম চৰকাৰক লক্ষ্য কৰি তেওঁ অভিযোগ কৰে যে প্ৰশাসনে চৰকাৰী যন্ত্ৰ ব্যৱহাৰ কৰি মানুহৰ ব্যক্তিগত জীৱনৰ ওপৰত নিয়ন্ত্ৰণ জাপি দিবলৈ চেষ্টা কৰিছে।কিন্তু এতিয়া, ৰাজ্য চৰকাৰে এক হিটলাৰী মানসিকতাৰে মানুহৰ ব্যক্তিগত জীৱনৰ ওপৰত চকু ৰাখিব বিচাৰিছে ।

তেওঁ লগতে কয়, “এয়া আমাৰ ব্যক্তিগত জীৱন আৰু আমাৰ জীৱন ধাৰণৰ পদ্ধতিৰ ওপৰত এক আক্ৰমণ, আৰু ইয়াক বাতিল কৰিবই লাগিব।” প্ৰস্তাৱিত আইনখনক ব্যক্তিগত স্বাধীনতাৰ ওপৰত এক “আক্ৰমণ” বুলি অভিহিত কৰি গগৈয়ে এনেধৰণৰ ব্যৱস্থাসমূহ প্ৰত্যাহাৰ কৰিবলৈ দাবী জনায়।

লগতে পঢ়ক: ‘UCCৰ পৰা মুছলমান সমাজক বাদ দিয়ক’; বিধায়ক মজিবুৰ ৰহমান