দিল্লীয়ে লাভ কৰিছে নতুন মুখ্যমন্ত্ৰী । ভাৰতীয় জনতা পাৰ্টিৰ নেত্ৰী ৰেখা গুপ্তাই বৃহস্পতিবাৰে (২০ ফেব্ৰুৱাৰী, ২০২৫) ৰামলীলা ময়দানত মুখ্যমন্ত্ৰীৰ শপত গ্ৰহণ কৰিব । বিশেষ কথাটো হ’ল ৰেখা গুপ্তা দিল্লীৰ চতুৰ্থগৰাকী মহিলা মুখ্যমন্ত্ৰী হ’ব, কিন্তু মুখ্যমন্ত্ৰী হোৱাৰ পূৰ্বে ৰেখা গুপ্তাই দলত কি ডাঙৰ দায়িত্ব পালন কৰি আছিল, জানক ।
বিধায়িকা হোৱাৰ পূৰ্বে ৰেখা গুপ্তাই সাংগঠনিক পৰ্যায়তো গুৰুত্বপূৰ্ণ দায়িত্ব চম্ভালিছে । ৰেখা গুপ্তা মহিলা মৰ্চাৰ ৰাষ্ট্ৰীয় উপ-সভানেত্ৰী । দিল্লী বিজেপিৰ সাধাৰণ সম্পাদক হিচাপেও কাৰ্যনিৰ্বাহ কৰি আহিছে তেওঁ । বিশেষ কথাটো হ’ল ৰেখা গুপ্তাই দীৰ্ঘদিন ধৰি ৰাষ্ট্ৰীয় স্বয়ংসেৱক সংঘৰ সক্ৰিয় সদস্য হিচাপে পৰিগণিত হোৱাৰ লগতে সংঘৰ কাৰ্যসূচীত প্ৰায়ে সক্ৰিয়ভাৱে অংশগ্ৰহণ কৰা দেখা গৈছে ।

প্ৰথম দুটা বিধানসভা নিৰ্বাচনত প্ৰতিদ্বন্দ্বিতা কৰিছিল যদিও পৰাজয়ৰ সন্মুখীন হৈছিল-

২০১৫ চনৰ বিধানসভা নিৰ্বাচনত ৰেখা গুপ্তাই শালিমাৰ বাগ আসনৰ পৰা প্ৰতিদ্বন্দ্বিতা কৰিছিল যদিও ১১ হাজাৰ ভোটত পৰাস্ত হৈছিল । ২০২০ চনতো শালিমাৰ বাগৰ পৰা বিধানসভা নিৰ্বাচনত প্ৰতিদ্বন্দ্বিতা কৰিছিল যদিও চাৰে চাৰি হাজাৰ ভোটত পৰাজয়ৰ সন্মুখীন হ’বলগীয়া হৈছিল । ইয়াৰ পিছত ২০২২ চনত শালিমাৰ বাগ-বি ৱাৰ্ডৰ পৰা কাউন্সিলাৰ নিৰ্বাচিত হয় তেওঁ । ৰেখা গুপ্তাই ২০২৫ চনত এইবাৰ শালিমাৰ বাগ বিধানসভা নিৰ্বাচনত প্ৰতিদ্বন্দ্বিতা কৰি জয়ী হৈছিল আৰু এতিয়া দিল্লীৰ মুখ্যমন্ত্ৰী হিচাপে শপত গ্ৰহণ কৰিবলৈ ওলাইছে ।

মুখ্যমন্ত্ৰী পদৰ বাবে আছিল বহু প্ৰতিদ্বন্দ্বী-

দিল্লীত মুখ্যমন্ত্ৰী পদৰ বাবে বহু প্ৰতিদ্বন্দ্বী আছিল । আম আদমী পাৰ্টিৰ ডাঙৰ ডাঙৰ নেতাক পৰাস্ত কৰাৰ পিছত মুখ্যমন্ত্ৰী পদৰ বাবে নাম বিবেচনা কৰা হৈছিল বিজেপিৰ বহু প্ৰাৰ্থী । মুখ্যমন্ত্ৰী পদৰ প্ৰধান প্ৰতিদ্বন্দ্বীসকলৰ ভিতৰত প্ৰথম নাম আছিল নতুন দিল্লীৰ বিধানসভাৰ আসনৰ পৰা অৰবিন্দ কেজৰিৱালক পৰাস্ত কৰা প্ৰৱেশ বাৰ্মা, তাৰ পিছতে ৰেখা গুপ্তাৰ নাম । বিজেন্দ্ৰ গুপ্তা আৰু সতীশ উপাধ্যায়ৰ নামো চৰ্চা চলিছিল ।

আজিৰে পৰা দিল্লীত আৰম্ভ হ’ব ভাৰতীয় জনতা পাৰ্টিৰ চৰকাৰ । মাত্ৰ এদিন পূৰ্বে বিজেপিৰ বিধায়িনী দলৰ বৈঠকত ৰেখা গুপ্তা নেত্ৰী নিৰ্বাচিত হৈছিল । দিল্লীৰ নতুন চৰকাৰৰ শপত গ্ৰহণ অনুষ্ঠানত মুখ্যমন্ত্ৰীৰ লগতে ছয় মন্ত্ৰীয়েও পদ আৰু গোপনীয়তাৰ শপত গ্ৰহণ কৰিব । মন্ত্রীসকলৰ নামো প্রকাশ কৰা হৈছে ৷ মন্ত্রীসকলৰ তালিকাত মুখ্যমন্ত্রীৰ প্রতিদ্বন্দ্বিতাত অংশগ্রহণ কৰা প্রৱেশ বার্মা আৰু আশীষ সুদৰ লগতে মঞ্জিন্দৰ সিং ছিৰছা, কপিল মিশ্র, পংকজ সিং আৰু ৰবীন্দ্র ৰাজৰ নাম সন্নিবিষ্ট কৰা হৈছে ৷

দিল্লী চৰকাৰত মন্ত্ৰী হিচাপে শপত গ্ৰহণ কৰিবল গা ৬ জনৰ তালিকাত প্ৰথম নাম প্ৰবেশ বাৰ্মা । দিল্লীৰ প্ৰাক্তন মুখ্যমন্ত্ৰী চাহিব সিং বাৰ্মাৰ পুত্ৰ প্ৰবেশ বাৰ্মা নিৰ্বাচনত দিল্লী বিধানসভাত বিজেপিৰ অন্যতম ডাঙৰ মুখ । নতুন দিল্লী বিধানসভাৰ আসনৰ পৰা আম আদমি পাৰ্টিৰ ৰাষ্ট্ৰীয় আহ্বায়ক তথা মুখ্যমন্ত্ৰী প্ৰাৰ্থী অৰবিন্দ কেজৰিৱালক পৰাস্ত কৰি তেওঁ বিধানসভাত উপস্থিত হয় । অৰবিন্দ কেজৰিৱালক পৰাজিত কৰি বিধানসভাত উপস্থিত হোৱাৰ পিছত প্ৰবেশক মুখ্যমন্ত্ৰী পদৰ বাবে শক্তিশালী প্ৰতিদ্বন্দ্বী হিচাপে বিবেচিত হৈছিল । এতিয়া ৰেখা গুপ্তাৰ মন্ত্ৰীসভাত তেওঁ মন্ত্ৰী হ’বলৈ গৈ আছে ।

ৰামলীলা ময়দানত বিজেপিৰ মুখ্যমন্ত্ৰীৰ শপতগ্ৰহণৰ প্ৰস্তুতি পূৰ্ণগতিত চলি আছে । অৱশ্যে পৰৱৰ্তী মুখ্যমন্ত্ৰী কোন হ’ব সেই সন্দৰ্ভত এতিয়াও আলোচনা চলি আছে । বুধবাৰে সন্ধিয়ালৈ মুখ্যমন্ত্ৰীৰ নামত মোহৰ লগাৰ সম্ভাৱনা আছে ।

আজি বিধায়িনী দলৰ বৈঠক-

বহু বিধায়ক মুখ্যমন্ত্রী পদৰ দৌৰত নামিছে যদিও বুধবাৰে বিধায়িনী দলৰ বৈঠকত চূড়ান্ত সিদ্ধান্ত লোৱা হ’ব ৷ ইয়াৰ পিছতে বিজেপিয়ে উপ-ৰাজ্যপাল ভি কে ছাক্সেনাক সাক্ষাৎ কৰি দিল্লীত চৰকাৰ গঠনৰ প্ৰস্তাৱ দাখিল কৰিব । নৱ-নিৰ্বাচিত বিজেপি বিধায়কৰ তালিকাও তেওঁক গতাই দিয়া হ’ব । ইয়াৰ পিছত লেফটেনেণ্ট গৱৰ্ণৰে প্ৰস্তাৱটো ৰাষ্ট্ৰপতিলৈ অনুমোদনৰ বাবে প্ৰেৰণ কৰিব ।

চৰ্চাত আছে এইসমূহ নাম-

বিজেপিৰ সূত্ৰই জনোৱা মতে, কেন্দ্ৰীয় দলৰ পৰা নিযুক্ত পৰ্যবেক্ষক বিধায়িনী দলৰ বৈঠকত উপস্থিত থাকিব যিয়ে এই প্ৰস্তাৱৰ বিষয়ে হাইকমাণ্ডক অৱগত কৰিব । লগতে নিয়ম উলংঘা নকৰাটোও নিশ্চিত কৰা হ’ব । মুখ্যমন্ত্রী পদৰ বাবে প্রৱেশ বার্মা, বিজেন্দ্র গুপ্তা, সতীশ উপাধ্যায়, পৱন শর্মা, আশীষ সুদ, ৰেখা গুপ্তা, শিখা ৰায়, ৰবীন্দ্র ইন্দ্রজ সিং আৰু কৈলাশ গংগোৱালৰ নাম চর্চা চলি আছে ৷ লগতে কোৱা হৈছে যে বিজেপিয়ে মুখ্যমন্ত্ৰী হিচাবে নতুন মুখ প্ৰকাশ কৰি আচৰিত কৰিব পাৰে । ৰাজস্থান, হাৰিয়ানা, মধ্যপ্ৰদেশ আৰু ছত্তীশগড়তো এই ধৰণৰ ধাৰা দেখা গৈছে ।

ৰামলীলা ময়দানত অভূতপূৰ্ব নিৰাপত্তাৰ ব্যৱস্থা-

বৃহস্পতিবাৰে শপতগ্ৰহণৰ পিছত দিল্লীবাসীয়ে তেওঁলোকৰ নতুন মুখ্যমন্ত্ৰী লাভ কৰিব । বৃহস্পতিবাৰে অৰ্থাৎ ২০ ফেব্ৰুৱাৰীত ৰামলীলা ময়দানত অনুষ্ঠিত হ’বলগীয়া এই কাৰ্যসূচীৰ বাবে প্ৰস্তুতি পূৰ্ণগতিত চলি আছে । শপতগ্ৰহণৰ পৰিপ্ৰেক্ষিতত দিল্লী আৰক্ষীয়ে সভাস্থলীত অভূতপূৰ্ব নিৰাপত্তাৰ ব্যৱস্থা কৰিছে ।

বহু ৰাজ্যৰ মুখ্যমন্ত্ৰীয়ে কৰিব অংশগ্ৰহণ-

প্ৰধানমন্ত্ৰী নৰেন্দ্ৰ মোদীৰ উপৰিও বিজেপি-এন ডি এ শাসিত ৰাজ্যসমূহৰ মুখ্যমন্ত্ৰীসকলেও এই কাৰ্যসূচীত অংশগ্ৰহণ কৰাৰ সম্ভাৱনা আছে । এনে পৰিস্থিতিত দিল্লী আৰক্ষীয়ে নিৰাপত্তাৰ বাবে যৎপৰোনাস্তি চেষ্টা কৰিছে । যিহেতু এই অনুষ্ঠানত প্ৰধানমন্ত্ৰী উপস্থিত থাকিব, সেয়েহে তেওঁৰ নিৰাপত্তাৰ বাবে এছ পি জি উপস্থিত থাকিব ।

দিল্লীৰ নতুন মুখ্যমন্ত্ৰীৰ শপত গ্ৰহণৰ সময় সলনি হৈছে । ইয়াৰ পূৰ্বে ২০ ফেব্ৰুৱাৰীত বিয়লি ৪.৩০ বজাত দিল্লীৰ নতুন মুখ্যমন্ত্ৰীৰ শপতগ্ৰহণ অনুষ্ঠান অনুষ্ঠিত হোৱাৰ কথা আছিল যদিও এতিয়া এই কাৰ্যসূচী পুৱা ১১ বজাত হ’ব বুলি নিৰ্ধাৰণ কৰা হৈছে । শপত গ্ৰহণৰ সময় নিশ্চিতভাৱে সলনি কৰা হৈছে যদিও তাৰিখ একেই আছে । অৰ্থাৎ এতিয়া ২০ ফেব্ৰুৱাৰীৰ পুৱা ১১ বজাত নতুন দিল্লীৰ মুখ্যমন্ত্ৰীৰ শপত গ্ৰহণ অনুষ্ঠান অনুষ্ঠিত হ’ব ।

উল্লেখ্য যে দিল্লীৰ নতুন মুখ্যমন্ত্ৰীৰ শপতগ্ৰহণৰ প্ৰস্তুতি পূৰ্ণগতিত চলি আছে । অনুষ্ঠানৰ স্থান (ৰামলীলা ময়দান) নিৰ্ধাৰণ কৰা হৈছে । কিন্তু এতিয়ালৈকে মুখ্যমন্ত্ৰীৰ নামক লৈ কোনো ঘোষণা কৰা হোৱা নাই । কাইলৈ ​​(১৯ ফেব্ৰুৱাৰী) অনুষ্ঠিত হ’বলগীয়া বিধায়িনী দলৰ বৈঠকত মুখ্যমন্ত্ৰীৰ নাম ঘোষণা কৰা হ’ব বুলি আশা কৰা হৈছে ।

বুধবাৰৰ ​​নিশাৰ পৰা বন্ধ থাকিব ৰামলীলা ময়দানলৈ যোৱা পথ-

জানিব পৰা গৈছে যে ১৯ ফেব্ৰুৱাৰীৰ নিশাৰ পৰা ৰামলীলা ময়দানলৈ যোৱা সকলো পথ বন্ধ থাকিব । কেৱল ভি ভি আই পি বাহনৰ প্ৰৱেশৰ অনুমতি দিয়া হ’ব । প্ৰধানমন্ত্ৰী নৰেন্দ্ৰ মোদী, কেন্দ্ৰীয় গৃহমন্ত্ৰী অমিত শ্বাহ, মুখ্যমন্ত্ৰী যোগী আদিত্যনাথকে ধৰি ৫০জনৰো অধিক উচ্চ নিৰাপত্তা থকা নেতা ৰামলীলা ময়দানত উপস্থিত হ’ব । ২০খন ৰাজ্যৰ মুখ্যমন্ত্ৰীয়েও এই শপত গ্ৰহণ অনুষ্ঠানত অংশগ্ৰহণ কৰিব । সকলো কেন্দ্ৰীয় মন্ত্ৰী আৰু এন ডি এৰ নেতাকো এই অনুষ্ঠানলৈ নিমন্ত্ৰণ কৰা হৈছে ।

শপতগ্ৰহণ অনুষ্ঠানত উপস্থিত থাকিব ৫০ গৰাকী চলচ্চিত্ৰ তাৰকা

শপতগ্ৰহণৰ পূৰ্বে ৰামলীলা ময়দানৰ মঞ্চত সংগীত আৰু গীতৰ বৰ্ণিল অনুষ্ঠান অনুষ্ঠিত হ’ব । কৈলাশ খেৰে অনুষ্ঠান পৰিৱেশন কৰিব । চলচ্চিত্ৰ তাৰকা অক্ষয় কুমাৰ, বিবেক অবেৰয়, হেমা মালিনী, কৈলাশ খেৰকে ধৰি ৫০ জনৰো অধিক চলচ্চিত্ৰ তাৰকা উপস্থিত থাকিব এই অনুষ্ঠানত । মুম্বাইৰ বিখ্যাত উদ্যোগপতি মুকেশ আম্বানী, গৌতম আদানীকে ধৰি এক ডজন উদ্যোগপতিও ৰামলীলা ময়দানত উপস্থিত থাকিব । ইয়াৰ উপৰিও বাবা ৰামদেৱ, স্বামী চিদানন্দ, বাবা বাগেশ্বৰ ধীৰেন্দ্ৰ শাস্ত্ৰীকো শপতগ্ৰহণ অনুষ্ঠানলৈ আমন্ত্ৰণ জনোৱা হৈছে ।

লাদলী বেহনাকে ধৰি ৩০ হাজাৰ অতিথি আমন্ত্ৰণ-

দিল্লী বিধানসভা নিৰ্বাচনৰ বাবে বিজেপিয়ে নিয়োজিত অন্যান্য ৰাজ্যৰ বিজেপি নেতা-কৰ্মীকো আমন্ত্ৰণ জনাইছে । লাডলী বেহনা, কৃষককো এই অনুষ্ঠানলৈ নিমন্ত্ৰণ জনোৱা হৈছে । প্ৰায় ৩০ হাজাৰ অতিথিক আমন্ত্ৰণ জনোৱা হৈছে । এন ডি এ গঠনকাৰী দলসমূহৰ নেতাসকলকো আমন্ত্ৰণ জনোৱা হ’ব ।

দিল্লীত মুখ্যমন্ত্ৰীৰ শপত গ্ৰহণৰ তাৰিখ ঘোষণা কৰা হৈছে । দিনৰ ১২ বজাত ৰাজধানীৰ ৰামলীলা ময়দানত শপত গ্ৰহণ কৰিব দিল্লীৰ নতুন মুখ্যমন্ত্ৰীয়ে । ইয়াৰ পূৰ্বে সোমবাৰে (১৭ ফেব্ৰুৱাৰী) বিজেপি বিধায়িনী দলৰ এখন বৈঠক অনুষ্ঠিত হ’ব, য’ত মুখ্যমন্ত্ৰী নিৰ্বাচিত হ’ব ।

দৰাচলতে বিজেপিয়ে সোমবাৰে (১৭ ফেব্ৰুৱাৰী) বিধায়িনী দলৰ এখন বৈঠক আহ্বান কৰিছে য’ত মুখ্যমন্ত্ৰীৰ নাম নিৰ্ণয় কৰা হ’ব । ইতিমধ্যে সকলো বিধায়কক এই বিষয়ে অৱগত কৰা হৈছে । এই বৈঠক দিল্লী ৰাজ্যিক কাৰ্যালয়ত অনুষ্ঠিত হ’ব । ১৯ তাৰিখে কেশৱ কুঞ্জৰ নতুন কাৰ্যালয় উদ্বোধন কৰা হ’ব । সংঘৰ কাৰ্যালয় উদ্বোধনী অনুষ্ঠানত অংশগ্ৰহণ কৰিব বিজেপিৰ নতুন মুখ্যমন্ত্ৰীয়ে ।

১০ দিনৰ পিছত হ’ব শপত গ্ৰহণ-

উল্লেখ্য যে নিৰ্বাচনৰ ফলাফল ঘোষণাৰ দহ দিনৰ পাছত দিল্লীৰ মুখ্যমন্ত্ৰীৰ শপতগ্ৰহণ অনুষ্ঠান অনুষ্ঠিত হ’ব । ৫ ফেব্ৰুৱাৰীত দিল্লীত বিধানসভা নিৰ্বাচনৰ বাবে ভোটগ্ৰহণ অনুষ্ঠিত হয়, যাৰ ফলাফল ৮ ফেব্ৰুৱাৰীত ঘোষণা কৰা হৈছিল । কিন্তু নির্বাচনৰ ফলাফল ঘোষণাৰ এসপ্তাহৰ পাছতো মুখ্যমন্ত্রীৰ নাম বিজেপিয়ে ঘোষণা কৰা নাই ৷

সোমবাৰে শেষ হ’ব উৎকণ্ঠাৰ-

সোমবাৰে (১৭ ফেব্ৰুৱাৰী) দিল্লীৰ মুখ্যমন্ত্ৰী পদক লৈ চলি থকা জল্পনা-কল্পনা তথা উৎকণ্ঠা শেষ হ’ব । সোমবাৰে বিধায়িনী দলৰ বৈঠকৰ পিছত মুখ্যমন্ত্ৰীৰ নাম ঘোষণা কৰা হ’ব আৰু আগন্তুক পাঁচ বছৰৰ বাবে দিল্লীৰ কমাণ্ড কাক দিয়া হ’ব সেয়া স্পষ্ট হ’ব ।

কোন হ’ব মুখ্যমন্ত্ৰী ?

নিৰ্বাচনৰ ফলাফলৰ পিছৰে পৰা দিল্লীৰ ৰাজনৈতিক মহলত মুখ্যমন্ত্ৰী পদৰ বাবে বহু প্ৰতিদ্বন্দ্বীৰ নাম লৈছে বিজেপিয়ে । অৱশ্যে বিজেপিৰ বহু জ্যেষ্ঠ নেতাই কয় যে মুখ্যমন্ত্ৰীগৰাকী বিজেপিৰ ৪৮জন বিধায়কৰ ভিতৰত এজন হ’ব । এতিয়া দিল্লীৰ মুখ্যমন্ত্ৰী কোন হ’ব সেয়া হ’ব লক্ষণীয় ।

৮ ফেব্ৰুৱাৰীত ঘোষণা কৰা হৈছিল দিল্লী বিধানসভা নিৰ্বাচনৰ ফলাফল । এই নিৰ্বাচনত স্পষ্ট সংখ্যাগৰিষ্ঠতা লাভ কৰিছে বিজেপিয়ে । কিন্তু ফলাফল ঘোষণাৰ এটা সপ্তাহ পাৰ হৈ যোৱাৰ পিছতো মুখ্যমন্ত্ৰীৰ মুখ এতিয়াও চূড়ান্ত হোৱা নাই । তাৰ মাজতে এতিয়া নতুন চৰকাৰ গঠনৰ প্ৰস্তুতি তীব্ৰতৰ হৈ পৰিছে । ইফালে প্ৰধানমন্ত্ৰী নৰেন্দ্ৰ মোদীয়ে বিদেশ ভ্ৰমণৰ পৰা দিল্লীলৈ উভতি আহিছে । প্ৰধানমন্ত্ৰী মোদীয়ে মুখ্যমন্ত্ৰীৰ মুখ সন্দৰ্ভত চূড়ান্ত সিদ্ধান্ত ল’ব বুলি ধাৰণা কৰা হৈছে । সেয়ে প্ৰধানমন্ত্ৰীৰ প্ৰত্যাৱৰ্তনৰ বাবে অপেক্ষা কৰি আছিল বিজেপি নেতাসকলে । এতিয়া শপতগ্ৰহণ আৰু ইয়াৰ পূৰ্বে মুখ্যমন্ত্ৰীৰ মুখ সন্দৰ্ভত সিদ্ধান্তৰ অপেক্ষাত আছে সকলো ।

উল্লেখ্য যে, ১৯ বা ২০ ফেব্ৰুৱাৰীত দিল্লীত শপতগ্ৰহণ অনুষ্ঠান হোৱাৰ সম্ভাৱনা আছে । আজি ১৫ জানুৱাৰী । অৰ্থাৎ ৫ দিনৰ ভিতৰত দিল্লীয়ে নতুন মুখ্যমন্ত্ৰী পোৱাৰ পূৰ্ণ সম্ভাৱনা আছে । ১৭ বা ১৮ ফেব্ৰুৱাৰীত বিজেপি বিধায়িনী দলৰ এখন বৈঠক অনুষ্ঠিত হ’ব পাৰে, য’ত মুখ্যমন্ত্ৰীৰ নাম চূড়ান্ত হ’ব পাৰে বুলিও তথ্য পোৱা গৈছে । সূত্ৰ অনুসৰি ৪৮ জনৰ ভিতৰত ১৫ জন বিধায়কৰ নাম চৰ্টলিষ্ট কৰা হৈছে আৰু তাৰ ভিতৰত ৯ জন বিধায়কৰ নাম চৰ্টলিষ্ট কৰা হ’ব । তাৰ পিছত সেই ৯ জনৰ মাজৰ পৰাই মুখ্যমন্ত্ৰী, মন্ত্ৰী আৰু অধ্যক্ষৰ নাম নিৰ্ণয় কৰা হ’ব ।

এই নামবোৰৰ আলোচনা তীব্ৰতৰ হৈ পৰিছে-

বৰ্তমান মুখ্যমন্ত্ৰী পদৰ বাবে যিবোৰ নাম চৰ্চিত হৈছে সেইবোৰৰ ভিতৰত ৰেখা গুপ্তা, শিখা ৰায়, প্ৰৱেশ বাৰ্মা, মোহন সিং বিষ্ট, বিজেন্দ্ৰ গুপ্তা, সতীশ উপাধ্যায়, আশীষ সুদ আৰু পৱন শৰ্মাৰ দৰে নাম ।

ৰেখা গুপ্তা আৰু শিখা ৰায়…

ৰেখা গুপ্তা আৰ এছ এছৰ বেকগ্ৰাউণ্ডৰ পৰা আহিছে । শালিমাৰ বাগ আসনৰ পৰা প্ৰথমবাৰৰ বাবে বিধায়ক হিচাবে নিৰ্বাচিত হৈছে তেওঁ । তেওঁ দিল্লী পৌৰ নিগমৰ তিনিবাৰৰ কাউন্সিলাৰ আছিল । আন এটা নাম হৈছে শিখা ৰায়, যি তিনিটা কাৰ্যকালৰ বাবে বিধায়ক হৈ আছে । এইবাৰ তেওঁ বৃহত্তৰ কৈলাশ আসনৰ পৰা কেবিনেট মন্ত্ৰী সৌৰভ ভৰদ্বাজক পৰাস্ত কৰিছিল ।

প্ৰবেশ বাৰ্মাও আছে এই দৌৰত-

এইবাৰ দিল্লীৰ হৈ যুঁজত আটাইতকৈ গুৰুত্বপূৰ্ণ মুখ হিচাপে পৰিগণিত হোৱা প্ৰবেশ বাৰ্মাও এই দৌৰত আছে । নতুন দিল্লীৰ আসনৰ পৰা নিৰ্বাচনত কেজৰিৱালক পৰাস্ত কৰিছে তেওঁ । দুবাৰকৈ বিধায়ক আৰু দুবাৰ সাংসদ হৈ আহিছে তেওঁ । তেওঁ দিল্লীৰ প্ৰাক্তন মুখ্যমন্ত্ৰী চাহিব সিং বাৰ্মাৰ পুত্ৰ ।

৬ বাৰৰ বিধায়ক মোহন সিং বিষ্ট-

৬ বাৰৰ বিধায়ক মোহন সিং বিষ্টৰ নামো এই দৌৰত আছে । মূলতঃ উত্তৰাখণ্ডৰ বিষ্টে ছাত্ৰ জীৱনত আৰ এছ এছত যোগদান কৰিছিল ।

বিজেন্দৰ গুপ্তাৰ নামো আছে…

দিল্লী বিজেপিৰ ডাঙৰ মুখ বুলি গণ্য কৰা বিজেন্দ্ৰ গুপ্তাও এই দৌৰত আছে । তেওঁ একেৰাহে তিনিবাৰৰ বিধায়ক । তেওঁ দিল্লী বিজেপিৰ সভাপতি হিচাপে কাৰ্যনিৰ্বাহ কৰি আহিছে । তেওঁ বিজেপিৰ ৰাষ্ট্ৰীয় কাৰ্যনিৰ্বাহকৰো সদস্য ।

কোন সতীশ উপাধ্যায়-

একে সময়তে সতীশ উপাধ্যায়ো প্ৰতিদ্বন্দ্বীসকলৰ ভিতৰত আছে । ব্ৰাহ্মণ মুখ হোৱাৰ বাবে এইবাৰ নিৰ্বাচনতো জয়ী হৈছে তেওঁ । ইয়াৰ পূৰ্বে তেওঁ দিল্লী বিজেপিৰ ৰাজ্যিক সভাপতিও আছিল । ইয়াৰ বাহিৰেও আন এটা নাম হৈছে প্ৰথমবাৰৰ বাবে বিধায়ক হোৱা আশীষ সুদৰ । বৰ্তমান তেওঁ গোৱা বিজেপিৰ দায়িত্বত আছে আৰু জম্মু-কাশ্মীৰত বিজেপিৰ সহ-প্ৰভাৰী । নৱ-নিৰ্বাচিত বিধায়ক পৱন শৰ্মাৰ নামো আগবাঢ়িছে । এইবাৰ তেওঁ উত্তম নগৰৰ পৰা বিধায়ক নিৰ্বাচিত হৈছে ।

আচলতে দিল্লীত বিজেপিৰ মুখ্যমন্ত্ৰী কোন হ’ব সেই চৰ্চা এতিয়াও চলি আছে কাৰণ নিৰ্বাচনৰ সময়ত বিজেপিয়ে কোনো মুখ ঘোষণা কৰা নাছিল ।