অহা ২২ জুনৰ পৰা কামাখ্যা মন্দিৰত অনুষ্ঠিত হ’ব মহা অম্বুবাচী মেলা।

অহা ২২ জুনৰ পৰা ২৬ জুনলৈ নীলাচলৰ বুকুত অনুষ্ঠিত হ’ব মহা অম্বুবাচী মেলা। ২২ জুনৰ ৰাতি ৯ বাজি ১০ মিনিটৰ প্ৰবৃত্তিৰ পিছতেই বন্ধ হ’ব কামাখ্যা মন্দিৰৰ দুৱাৰ। ২৩, ২৪ আৰু ২৫ জুনলৈকে বন্ধ থাকিব মন্দিৰৰ দুৱাৰ। ২৬ জুনৰ পুৱাহে ভক্তৰ বাবে খোল খাব মন্দিৰৰ দুৱাৰ।

মন্দিৰ কৰ্তৃপক্ষই অম্বুবাচী মেলাৰ বাবে ইতিমধ্যে প্ৰস্তুতি আৰম্ভ কৰিছে আৰু নিৰাপত্তা, ভিৰ ব্যৱস্থাপনাক লৈ জিলা প্ৰশাসনৰ সৈতে আলোচনাত মিলিত হৈছে।এই অম্বুবাচী মেলাত দেশ-বিদেশৰ বিভিন্ন প্ৰান্তৰ পৰা লাখ লাখ ভক্ত, তপস্বী আৰু তীৰ্থযাত্ৰী উপস্থিত হোৱাৰ সম্ভাৱনা আছে।

যানজঁট লাঘৱ কৰা আৰু তীৰ্থযাত্ৰীৰ বাবে এইবাৰ পাণ্ডু পথটোও খুলি দিয়াৰ কৰ্তৃপক্ষই সিদ্ধান্ত গ্ৰহণ কৰিছে।অম্বুবাচী মেলাৰ সময়ত নিৰাপত্তা শক্তিশালী কৰাৰ বাবে মন্দিৰ চৌহদত চিচিটিভি কেমেৰাও স্থাপনৰ ব্যৱস্থা কৰা হৈছে। যদিও অম্বুবাচী মেলালৈ এতিয়াও এমাহ বাকী আছে কিন্তু ইতিমধ্যে বহু সাধু-সন্ত কামাখ্যা ধামত উপস্থিত হৈছে।

লগতে পঢ়ক: ‘জুবিনক লৈ যাতে ভৱিষ্যতে কোনেও ৰাজনীতি কৰিব নালাগে ’;জুবিনক্ষেত্ৰত মুখ্যমন্ত্ৰীৰ স্পষ্ট বাৰ্তা