চিনাকি জোনবাইলৈ যাব আৰ্টেমিছ-২… ৫৩ বছৰৰ পাছত চন্দ্ৰৰ কাষলৈ মানৱ অভিযান
আৰ্টেমিছ-২ অভিযান সন্দৰ্ভত এক বৃহৎ ঘোষণা কৰিছে নাছাই ।নাছাই শেষবাৰৰ বাবে চন্দ্ৰত ৫৩ বছৰ পূৰ্বে, ১৯৭২ চনত এপ’ল’ ১৭ অভিযানৰ জৰিয়তে চন্দ্ৰত ভৰি দিছিল ।
মাৰ্কিন মহাকাশ সংস্থা নাছাই আৰ্টেমিছ-২ (Artemis-II ) অভিযান সন্দৰ্ভত এক বৃহৎ ঘোষণা কৰিছে । আৰ্টেমিছ অভিযানত মানুহক চন্দ্ৰলৈ প্ৰেৰণৰ এক বৃহৎ পৰিকল্পনা কৰিছে নাছাই । নাছাই ২০২৬ চনৰ ফেব্ৰুৱাৰী মাহত আৰ্টেমিছ-২ অভিযান উৎক্ষেপণ কৰিব পাৰে । নাছাই শেষবাৰৰ বাবে চন্দ্ৰত ৫৩ বছৰ পূৰ্বে, ১৯৭২ চনত এপ’ল’ ১৭ অভিযানৰ জৰিয়তে চন্দ্ৰত ভৰি দিছিল । তেতিয়াৰ পৰা আমেৰিকাই চন্দ্ৰলৈ কোনো মিছন প্ৰেৰণ কৰা নাই । এইটোৱেই হ’ব চন্দ্ৰক প্ৰদক্ষিণ কৰা প্ৰথমটো মানৱ অভিযান । এই অভিযান প্ৰায় ১০ দিন চলিব ।
২০২৬ চনৰ ৫ বা ৬ ফেব্ৰুৱাৰীত নাছাই এই অভিযান আৰম্ভ কৰাৰ সম্ভাৱনা আছে । যদি কোনো কাৰণত পলম হয় তেন্তে ২০২৬ চনৰ এপ্ৰিল মাহৰ ভিতৰত এই অভিযান উৎক্ষেপণ কৰা হ’ব । আমেৰিকাৰ ফ্ল’ৰিডাৰ কেনেডি স্পেচ চেণ্টাৰত থকা লঞ্চ কমপ্লেক্স ৩৯বিৰ পৰা এই অভিযান উৎক্ষেপণ কৰা হ’ব । এই একেটা স্থানৰ পৰাই এপ’ল’ অভিযান উৎক্ষেপণ হৈছিল ।
আৰ্টেমিছ-২ অভিযান ৰকেটৰ ব্লক ১ সংস্কৰণ স্পেচ লঞ্চ চিষ্টেম (এছ এল এছ) ব্যৱহাৰ কৰি উৎক্ষেপণ কৰা হ’ব । এছ এল এছে অৰিয়ান মহাকাশযান, মহাকাশচাৰী, আৰু কাৰ্গো চন্দ্ৰলৈ প্ৰেৰণ কৰিব পাৰে । অৰিয়ান নামৰ এই মহাকাশযানখনত চাৰিজন লোক বহিব পাৰে আৰু ইয়াত উন্নত জীৱন সহায়ক ব্যৱস্থা, নেভিগেচন, আৰু যোগাযোগ প্ৰযুক্তিৰ বৈশিষ্ট্য আছে । অৰিয়ানে চন্দ্ৰক প্ৰদক্ষিণ কৰি ঘূৰি আহিব ।
নাছাৰ আৰ্টেমিছ-২ অভিযানত চন্দ্ৰলৈ যাত্ৰা কৰিব লগা মহাকাশচাৰীসকলৰ ভিতৰত আছে কানাডাৰ মহাকাশ সংস্থাৰ মিছন বিশেষজ্ঞ জেৰেমি হেনচেন, নাছাৰ মিছন বিশেষজ্ঞ ক্ৰীষ্টিন কোচ, নাছাৰ পাইলট ভিক্টৰ গ্লভাৰ, নাছাৰ কমাণ্ডাৰ ৰিড ৱাইজমেন । এই চাৰিজন মহাকাশচাৰী আৰ্টেমিছ-২ অভিযানৰ অংশ হ’ব, যিয়ে চন্দ্ৰক প্ৰদক্ষিণ কৰি তাৰ পিছত পৃথিৱীলৈ উভতি যাব ।
এই অভিযান প্ৰায় ১০ দিন চলিব আৰু ই চন্দ্ৰক প্ৰদক্ষিণ কৰিব । ই প্ৰথমে পৃথিৱীক প্ৰদক্ষিণ কৰিব আৰু তাৰ পিছত চন্দ্ৰৰ পিছফালৰ পৰা উভতি আহিব । ই চন্দ্ৰৰ আটাইতকৈ ওচৰ প্ৰায় ৭৪০০ কিলোমিটাৰ কাষ চাপিব । এই অভিযানে চন্দ্ৰত অৱতৰণ নকৰে; কেৱল কক্ষপথ প্ৰদক্ষিণ কৰি ঘূৰি আহিব ।