২০৩০ চনৰ কমনৱেলথ গেমছ আয়োজনৰ বাবে দাবী উত্থাপন কৰিব ভাৰতে

বুধবাৰে ভাৰতীয় অলিম্পিক সন্থাই ২০৩০ চনৰ কমনৱেলথ গেমছ আয়োজনৰ বাবে বিশেষ সাধাৰণ সভাত দেশৰ নিবিদাত আনুষ্ঠানিকভাৱে অনুমোদন জনায় । ইতিমধ্যে ভাৰতে ২০৩০ চনৰ কমনৱেলথ গেমছৰ আয়োজক চহৰ হিচাপে আহমেদাবাদক গঢ়ি তোলাৰ উদ্দেশ্য পত্ৰ দাখিল কৰিছে । অৱশ্যে ভাৰতে ৩১ আগষ্টৰ অন্তিম তাৰিখৰ পূৰ্বে চূড়ান্ত নিবিদাৰ বাবে প্ৰস্তাৱ দাখিল কৰিব লাগিব ।

ভাৰতৰ দাবী শক্তিশালী-

কানাডা দৌৰৰ পৰা আঁতৰি অহাৰ লগে লগে ভাৰতৰ ২০৩০ চনৰ কমনৱেলথ গেমছ আয়োজনৰ সম্ভাৱনা বৃদ্ধি পাইছে । কমনৱেলথ গেমছৰ সঞ্চালক ডেৰেন হলৰ নেতৃত্বত কমনৱেলথ গেমছৰ বিষয়াৰ এটা দলে অলপতে আহমেদাবাদ ভ্ৰমণ কৰি স্থানসমূহ পৰিদৰ্শন কৰাৰ লগতে গুজৰাটৰ চৰকাৰী বিষয়াৰ সৈতে আলোচনাত মিলিত হয় ।

২০১০ চনৰ কমনৱেলথ গেমছৰ আয়োজন কৰিছিল ভাৰতে-

চলিত মাহৰ শেষৰ ফালে কমনৱেলথ গেমছৰ এটা প্ৰতিনিধি দল আহমেদাবাদত উপস্থিত হোৱাৰ সম্ভাৱনা আছে । নৱেম্বৰৰ শেষ সপ্তাহত গ্লাছগোত আয়োজক দেশৰ বিষয়ে সিদ্ধান্ত গ্ৰহণ কৰিব কমনৱেলথ গেমছ জেনেৰেল এছেম্বলিয়ে । ইয়াৰ পূৰ্বে ভাৰতে ২০১০ চনত দিল্লীত কমনৱেলথ গেমছ আয়োজন কৰিছিল ।

লগতে পঢ়ক : আই চি চিৰ জুলাই মাহৰ শ্ৰেষ্ঠ পুৰুষ খেলুৱৈ শুভমন গীল… ইংলেণ্ড ভ্ৰমণৰ সময়ত আগবঢ়াইছিল শক্তিশালী প্ৰদৰ্শন

বাতিল হ’ল ভাৰত আৰু পাকিস্তানৰ মাজৰ WCLৰ মেচ

দেওবাৰে ভাৰত আৰু পাকিস্তানৰ মাজত অনুষ্ঠিত হ’বলগীয়া ৱৰ্ল্ড চেম্পিয়নশ্বিপ অফ লিজেণ্ডছৰ খেল বাতিল কৰা হৈছে । ভাৰতীয় খেলুৱৈৰ নাম প্ৰত্যাহাৰ কৰাৰ পিছতে আয়োজকসকলে এই সিদ্ধান্ত গ্ৰহণ কৰিছে । এই সন্দৰ্ভত ডব্লিউ চি এলে এক বিবৃতি দিছে । এই মেচখনক লৈ ভাৰতীয় অনুৰাগীৰ মাজত ক্ষোভৰ সৃষ্টি হৈছিল । কেৱল এয়াই নহয়, শিখৰ ধাৱান, সুৰেশ ৰাইনা, হৰভজন সিঙৰ দৰে প্ৰবীণ খেলুৱৈয়ে এই মেচ বৰ্জন কৰাৰ খবৰো প্ৰকাশ পাইছিল ।

ভাৰতীয় বেটছমেন শিখৰ ধাৱানে এই খেলখনক লৈ ক্ষোভ প্ৰকাশ কৰে ইনষ্টাগ্ৰামত । তেওঁ লিখিছে, মই এতিয়াও ১১ মে’ত লোৱা পদক্ষেপৰ কাষত থিয় দিছো । মোৰ দেশ মোৰ বাবে সকলো আৰু মোৰ দেশতকৈ ডাঙৰ একো নাই । জয় হিন্দ ।

ছ’চিয়েল মিডিয়াত ক্ষোভ প্ৰকাশ কৰে অনুৰাগীয়ে-

পহলগাম আক্ৰমণৰ পিছত ভাৰত আৰু পাকিস্তানৰ মাজত উত্তেজনা বৃদ্ধি পাইছিল । এই প্ৰতিযোগিতাৰ পৰা আঁতৰি আহিছিল সুৰেশ ৰাইনা, শিখৰ ধাৱান আৰু হৰভজন সিঙ । কিন্তু ভাৰত-পাকিস্তানৰ খেলখন সন্দৰ্ভত ছ’চিয়েল মিডিয়াত যথেষ্ট ক্ষোভ প্ৰকাশ পাই । অৱশেষত আয়োজকসকলে এই মেচ বাতিল কৰাৰ সিদ্ধান্ত লয় । এই প্ৰতিযোগিতাত যুৱৰাজ সিং নেতৃত্বাধীন দলটোৰ এইখনেই আছিল প্ৰথমখন মেচ । ভাৰতীয় দলটোত আছে শিখৰ ধাৱান, সুৰেশ ৰাইনা, ৰবিন উথাপ্পা আৰু অম্বতি ৰায়ুডুৰ দৰে বেটছমেন ।

আয়োজকসকলে ক্ষমা বিচাৰিলে-

ডব্লিউ চি এলে এক বিবৃতিত কয় যে শেহতীয়াকৈ দুয়োখন দেশৰ মাজত অনুষ্ঠিত ভলীবল খেলৰ পিছত ভাৰত-পাকিস্তানৰ খেলখনৰ দিন ধাৰ্য কৰা হৈছিল । অৱশ্যে খেলখন বাতিল কৰাৰ সিদ্ধান্ত লোৱা হৈছে । আৱেগক আঘাত দিয়াৰ বাবে WCL এ ক্ষমা বিচাৰিছে । প্ৰকাশিত এক বাতৰি অনুসৰি, আন বহু ভাৰতীয় খেলুৱৈও পাকিস্তানৰ সৈতে খেলখন নেখেলাৰ পক্ষত আছিল ।

লগতে পঢ়ক : এছিয়া কাপ ‘বৰ্জন’ কৰিবলৈ সাজু বি চি চি আই; এ চি চিৰ বৈঠকত উপস্থিত থাকিবলৈ অস্বীকাৰ