সলনি কৰা হ’ব ‘ঘূছখোৰ পণ্ডিত’ৰ নাম; ব্ৰাহ্মণ সমাজৰ প্ৰতিবাদৰ পিছতেই সিদ্ধান্ত গ্ৰহণ
নেটফ্লিক্সত মুক্তি পাবলগীয়া ‘ঘূছখোৰ পণ্ডিত’ ৰ শীঘ্ৰেই সলনি হ’ব নাম। ‘ঘূছখোৰ পণ্ডিত’ ৰ নামটোৱে ব্ৰাহ্মণ সমাজক অপমান কৰাৰ অভিযোগ উত্থাপন হৈছিল।
নেটফ্লিক্সত মুক্তি পাবলগীয়া মনোজ বাজপেয়ী অভিনীত ছবি ‘ঘূছখোৰ পণ্ডিত’ক লৈ কেইবাদিনো ধৰি বিতৰ্কৰ সৃষ্টি হৈছে।দিল্লী উচ্চ ন্যায়ালয়ে ইয়াৰ মুক্তি আৰু ষ্ট্ৰীমিংৰ ওপৰত স্থগিতাদেশ বিচৰা আবেদনৰ শুনানি গ্ৰহণ কৰে।
ব্ৰাহ্মণ সম্প্ৰদায়ৰ বিৰুদ্ধে অপমানজনক উপাধি সন্দৰ্ভত নেটফ্লিক্স ছবিখনৰ বিৰুদ্ধে দিল্লী উচ্চ ন্যায়ালয়ত অধিবক্তা বিনীত জিন্দালে এই আৱেদন দাখিল কৰিছিল।
আৱেদনখনত চিনেমাখনৰ শিৰোনামটোৱে ব্ৰাহ্মণ সমাজৰ স্বাভিমান আৰু প্ৰতিপত্তিক অপমান কৰা বুলি অভিযোগ উত্থাপন কৰিছে।
দিল্লী উচ্চ ন্যায়ালয়ত নেটফ্লিক্সে কয় যে ছবিখনৰ নিৰ্মাতাসকলে ‘ঘূছখোৰ পণ্ডিত’ ছবিখনৰ নাম সলনি কৰিবলৈ ওলাইছে।
নেটফ্লিক্সৰ অধিবক্তাই কয় যে ইতিমধ্যে ছ’চিয়েল মিডিয়া প্লেটফৰ্মৰ পৰা সকলো প্ৰচাৰৰ ভিডিঅ’ আঁতৰাই পেলোৱা হৈছে।
ইয়াৰ সমান্তৰালকৈ আদালতে নেটফ্লিক্সৰ আগন্তুক ছবি ‘ঘূছখোৰ পণ্ডিত’ৰ মুক্তি আৰু ষ্ট্ৰীমিংত স্থগিতাদেশ বিচৰা আবেদনখন নিষ্পত্তি কৰা হৈছে।
আবেদনকাৰীয়ে অভিযোগ কৰে যে ছবিখনৰ শিৰোনাম আৰু প্ৰস্তাৱিত বিষয়বস্তু মানহানিকাৰক আৰু সাম্প্ৰদায়িকভাৱে আপত্তিজনক।
কিছুদিন পূৰ্বে চলচ্চিত্ৰ সংগঠনসমূহে নিয়ম উলংঘাৰ অভিযোগ উত্থাপন কৰিছিল। ফিল্ম মেকাৰ কম্বাইনে ছবিখনৰ নামক লৈ আপত্তি জনাই নীৰজ পাণ্ডে আৰু নেটফ্লিক্সলৈ আনুষ্ঠানিক জাননী প্ৰেৰণ কৰিছিল।
সংস্থাটোৱে দাবী কৰে যে প্ৰতিষ্ঠিত উদ্যোগৰ নিয়ম অনুসৰি নিৰ্মাতাসকলে এই উপাধিৰ বাবে কোনো অনুমোদন লাভ কৰা নাছিল।
লগতে পঢ়ত: ৰামায়ণৰ পৰা বাহিৰ হ’ল বিক্ৰান্ত মেছি! অভিনেতাজনে নিজেই ক’লে সমগ্ৰ সত্য