“মই সদায় অনুভৱ কৰিছিলোঁ তেওঁ ডাঙৰ কিবা এটা কৰিব”; মুখ্যমন্ত্ৰী বিজয়ক সাক্ষাৎ কৰি আৱেগিক সামন্থা প্ৰভু
তামিলনাডুৰ মুখ্যমন্ত্ৰী বিজয়ক সাক্ষাৎ কৰি সামন্থা ৰুথ প্ৰভুৱে তেওঁক প্ৰশংসা কৰে। সামন্থাই কয় যে তেওঁ সদায় অনুভৱ কৰিছিল যে বিজয় কেৱল পৰ্দাৰ নায়ক হৈ থাকিব নোৱাৰে।
অভিনেত্ৰী সামন্থা ৰুথ প্ৰভুৱে বুধবাৰে তেওঁৰ প্ৰাক্তন সহ-অভিনেতা তথা তামিলনাডুৰ বৰ্তমানৰ মুখ্যমন্ত্ৰী বিজয়ক সাক্ষাৎ কৰে। এই সময়ছোৱাত অভিনেত্ৰী গৰাকীয়ে মুখ্যমন্ত্ৰী বিজয়ৰ প্ৰশংসা কৰে। তামিলনাডুৰ মুখ্যমন্ত্ৰীগৰাকীৰ সৈতে নিজৰ কিছুমান ছবি ইনষ্টাগ্ৰামত শ্বেয়াৰ কৰি তেওঁ লিখিছে, “আজি যেতিয়া মই চেন্নাইত উপস্থিত হ’লোঁ, তেতিয়া মই অপৰিসীম আনন্দ অনুভৱ কৰিলোঁ। মই আমাৰ মুখ্যমন্ত্ৰীক সাক্ষাৎ কৰিবলৈ গৈ আছিলোঁ। মই সদায় অনুভৱ কৰিছিলোঁ যে বিজয় ছাৰ কেৱল পৰ্দাৰ নায়ক হৈ থাকিব নোৱাৰে। তেওঁৰ শক্তি, তেওঁৰ ব্যক্তিত্ব আৰু মানুহে তেওঁৰ দ্বাৰা যিদৰে প্ৰভাৱিত হয়, তাৰ পৰা সদায় এনে লাগিছিল যে তেওঁ কিবা এটা ডাঙৰ কাম কৰিবলৈকে সৃষ্টি হৈছিল।”
সামন্থাই আৰু লিখিছে, “মোক আটাইতকৈ বেছি অনুপ্ৰাণিত কৰা কথাটো হ’ল এটা একেবাৰে নতুন ক্ষেত্ৰত ভৰি দিবলৈ যি সাহসৰ প্ৰয়োজন, সেয়া তেওঁৰ মাজত আছে।তেওঁ এতিয়ালৈকে অৰ্জন কৰা জ্ঞানক পিছফালে এৰি থৈ এনে এটা প্ৰত্যাহ্বানৰ সন্মুখীন হোৱা, য’ত বিপদাশংকা বহুত বেছি। এনেকুৱা এইবাবেই নহয় যে ই সহজ, বৰঞ্চ এইবাবেই যে আপোনাৰ বিশ্বাস আছে যে আপুনি পৰিৱৰ্তন আনিব পাৰে।”
অভিনেত্ৰী গৰাকীয়ে লিখিছে মই ভাবো আমি সকলোৱে জীৱনৰ কোনোবা নহয় কোনোবা মুহূৰ্তত কিবা ডাঙৰ কাম কৰাৰ প্ৰেৰণা পাওঁ। প্ৰয়োজন হৈছে নিজৰ উৰ্ধলৈ গৈ চিন্তা কৰা যে আমি কেনেকৈ অৱদান আগবঢ়াব পাৰোঁ। অতি কম সংখ্যক মানুহেহে প্ৰকৃততে সেই প্ৰেৰণাক গ্ৰহণ কৰে। বিজয় ছাৰৰ এই অনুভৱ তেওঁৰ পদবীৰ বাবে হোৱা নাই, বৰঞ্চ কামৰ প্ৰতি তেওঁৰ উৎসৰ্গিত মনোভাৱৰ বাবেহে হৈছে।
পোষ্টটোৰ শেষত সামন্থাই লিখিছে যে তেওঁ শক্তি, জ্ঞান আৰু নিজৰ লক্ষ্যত অটল থকাৰ সাহস পাওক, এয়াই মোৰ কামনা। আৰু এইয়া চাই থকা প্ৰতিগৰাকী যুৱক-যুৱতীৰ বাবে এটা বাৰ্তা হওক যে জীৱন আপোনাৰ প্ৰাৰম্ভিক সপোনতকৈ বহু ডাঙৰ হ’ব পাৰে।
লগতে পঢ়ক: ‘কুমকুম ভাগ্য’ৰ অভিনেত্ৰী সঞ্চিতা উগলেৰ আত্মহত্যা; ২০ ঘণ্টাৰ পূৰ্বে দিছিল হাঁহি থকাৰ ষ্টেটাছ
