বাৰাসাতৰ সাংসদ ড° কাকলি ঘোষ দস্তিদাৰৰ পুত্ৰ ড° বৈদ্যনাথ ঘোষ দস্তিদাৰে তেওঁৰ বিৰুদ্ধে উত্থাপিত ৰাজনৈতিক বাক্যবাণক লৈ অতি শক্তিশালী স্থিতি গ্ৰহণ কৰিছে।

তৃণমূল কংগ্ৰেছত চলি থকা সংকটৰ মাজতে এক নতুন বিতৰ্ক পোহৰলৈ আহিছে। বাৰাসাতৰ টিএমচি সাংসদ ড০ কাকলি ঘোষ দস্তিদাৰৰ পুত্ৰ ড০ বৈদ্যনাথ ঘোষ দস্তিদাৰে দলৰ মুৰব্বী মমতা বেনাৰ্জী আৰু আন চাৰিগৰাকী প্ৰমুখ নেতালৈ আইনী জাননী প্ৰেৰণ কৰিছে। বৈদ্যনাথে স্পষ্ট কৰি দিছে যে তেওঁ বাৰাসাত বিধানসভা সমষ্টিৰ পৰা কেতিয়াও কোনো নিৰ্বাচনী টিকট বিচৰা নাছিল। ইয়াৰ লগতে তেওঁ টিএমচি নেতাসকলে তেওঁ আৰু তেওঁৰ পৰিয়ালৰ ওপৰত জাপি দিয়া আৰোপসমূহক সম্পূৰ্ণ কাল্পনিক আৰু ভিত্তিহীন বুলি অভিহিত কৰিছে।

আনহাতে, সোমবাৰে জাৰি হ’বলগীয়া এই জাননীত তেওঁ ১৫ দিনৰ ভিতৰত ৰাজহুৱা ক্ষমা প্ৰাৰ্থনা আৰু মন্তব্য প্ৰত্যাহাৰ কৰাৰ দাবী জনাইছে। তেনে নকৰিলে তেওঁ মানহানিৰ কঠোৰ আইনী ব্যৱস্থা গ্ৰহণ কৰিব বুলি হুংকাৰ দিছে।

আইনী জাননীখনৰ অনুসৰি, এগৰাকী প্ৰতিষ্ঠিত মনোৰোগ বিশেষজ্ঞ ড০ বৈদ্যনাথে স্পষ্ট কৰি দিছে যে তেওঁৰ কোনো ৰাজনৈতিক উচ্চাকাংক্ষা নাছিল। তেওঁ বাৰাসাত বিধানসভা সমষ্টিৰ পৰা কেতিয়াও কোনো ৰাজনৈতিক মনোনয়ন বা টিকট বিচৰা নাছিল।

তেওঁ জাননীখনত প্ৰকাশ কৰা অনুসৰি আই পেকৰ প্ৰতিনিধি আৰু বাৰাসাত জিলা টিএমচিৰ তৎকালীন সভাপতি সোহম পালে নিজেই হোৱাটছএপ আৰু ফোন কলৰ জৰিয়তে ড০ বৈদ্যনাথৰ সৈতে বহুবাৰ যোগাযোগ কৰিছিল।তেওঁলোকেহে ড০ বৈদ্যনাথক বাৰাসাতৰ পৰা নিৰ্বাচন খেলিবলৈ আৰু স্বাস্থ্য শিবিৰসমূহত অংশগ্ৰহণ কৰিবলৈ উৎসাহিত কৰিছিল।

প্ৰাক্তন বিধায়িকা সোনালী গুহৰ এটা মন্তব্যক লৈ ড০ বৈদ্যনাথ ঘোষ দস্তিদাৰে তীব্ৰ ক্ষোভ আৰু আপত্তি প্ৰকাশ কৰিছে। সোনালী গুহই দাবী কৰিছিল যে বৈদ্যনাথ, তেওঁৰ ভাতৃ আৰু মাতৃ ড০ কাকলি ঘোষ দস্তিদাৰে নিয়মিতভাৱে সুৰাপান কৰে। ড০ বৈদ্যনাথে এই মন্তব্যক সম্পূৰ্ণ মিছা বুলি আখ্যা দি ইয়াক তেওঁৰ চৰিত্ৰ হনন কৰাৰ এক ষড়যন্ত্ৰ বুলি অভিহিত কৰিছে।

অধিবক্তা পূজা শুক্লাৰ জৰিয়তে প্ৰেৰণ কৰা এই জাননীত পাঁচোগৰাকী নেতা— মমতা বেনাৰ্জী, সাংসদ কল্যাণ বেনাৰ্জী, সাংসদ সৌগত ৰায়, সাংসদ মহুৱা মৈত্ৰ আৰু সোনালী গুহক ভৱিষ্যতে বৈদ্যনাথৰ বিৰুদ্ধে এনেধৰণৰ যিকোনো মিছা মন্তব্য কৰাৰ পৰা বিৰত থাকিবলৈ কোৱা হৈছে। লগতে ভৱিষ্যতে তেওঁ বা তেওঁৰ পৰিয়ালৰ বিষয়ে কোনো প্ৰত্যক্ষ বা পৰোক্ষ মন্তব্য নকৰিবলৈও সকীয়াই দিয়া হৈছে।

জাননীখনত সতৰ্ক কৰি দিয়া হৈছে যে যদি ১৫ দিনৰ ভিতৰত ৰাজহুৱা স্পষ্টীকৰণ আৰু ক্ষমা খোজা নহয়, তেন্তে তেওঁ দেৱানী (Civil), ফৌজদাৰী (Criminal) আৰু অন্যান্য উপলব্ধ আইনী উপায়ৰ আশ্ৰয় ল’ব।

লগতে পঢ়ক: ‘সাংসদ-বিধায়কক ক্ৰয় কৰি তল পেলাব নোৱাৰে’; টিএমচিত বিভাজন সন্দৰ্ভত অভিষেক বেনাৰ্জীৰ প্ৰতিক্ৰিয়া

টিএমচিৰ সাংসদ অভিষেক বেনাৰ্জীয়ে কয় যে এতিয়া বংগত চৰকাৰ সলনি হৈছে, সেয়েহে তেওঁৰ বিৰুদ্ধে বাৰে বাৰে গোচৰ ৰুজু হৈছে।

শুকুৰবাৰে পশ্চিমবংগৰ চি আই ডিয়ে তৃণমূল কংগ্ৰেছ নেতা অভিষেক বেনাৰ্জীক ১৪ জুনত দ্বিতীয় ৰাউণ্ডৰ জেৰাৰ বাবে হাজিৰ হ’বলৈ নতুন চমন জাৰি কৰে।অভিষেক বেনাৰ্জীৰ ঘৰত চি আই ডি উপস্থিত হৈছিল তেওঁক এখন জাননী দিবলৈ গৈছিল।এই জাননী জাৰি কৰিবলৈ চিআইডিৰ বিষয়াসকলে ৩ ঘণ্টাৰো অধিক সময় অপেক্ষা কৰিবলগীয়া হৈছিল।ইফালে, টিএমচিৰ সাংসদ অভিষেক বেনাৰ্জীয়ে কয় যে তেওঁ সদায় তদন্তকাৰী সংস্থাসমূহৰ সৈতে সহযোগিতা আগবঢ়াই আহিছে।বিধায়ক আৰু সাংসদ কিনি টিএমচিক বেঁকা কৰিব নোৱাৰিব বুলিও তেওঁ কয়।

অভিষেক বেনাৰ্জীয়ে কয়, ‘আপোনালোকে জানে যে চিআইডিয়ে মোক মাতিছিল। মই তাত ৫.৩০ ঘণ্টা আছিলোঁ। মোক ১৪ জুনত আকৌ মাতিছে। মই যাম। মই এই ধৰণৰ তদন্তত সদায় সহযোগিতা কৰোঁ। মোক আন কোনো গোচৰতো চমন পঠিয়াব পাৰে। মই তেওঁলোকক কৈছিলোঁ যে তেওঁলোকে অন্য কাৰোবাক জাননীখন দি দিয়ক কাৰণ মই তাত নাছিলোঁ, কিন্তু মই শুনিলোঁ যে তেওঁলোকে অপেক্ষা কৰি আছিল। যদি মই তাত নথকা অৱস্থাত তেওঁলোকে জাননী দিব বিচাৰে আৰু অন্য কাকো জাননীখন লোৱাৰ অনুমতি নাই, তেন্তে মই ঘৰলৈ উভতি অহালৈকে তেওঁলোকে অপেক্ষা কৰিবই লাগিব। মই সংস্থাসমূহৰ সৈতে সদায় সহযোগিতা কৰোঁ।’

টিএমচিৰ ৰাষ্ট্ৰীয় সাধাৰণ সম্পাদক অভিষেক বেনাৰ্জীয়ে কয়, ‘নিৰ্বাচনৰ সময়ত তেওঁলোকে মোৰ বিৰুদ্ধে ডিজে সম্পৰ্কে কোনো অভিযোগ কৰা নাছিল। বংগত এতিয়া চৰকাৰ সলনি হৈছে আৰু তেওঁলোকে বাৰে বাৰে মোৰ বিৰুদ্ধে গোচৰ ৰুজু কৰি আছে। অমিত শ্বাহৰ উচতনিমূলক মন্তব্যৰ বাবে তেওঁৰ বিৰুদ্ধে কিয় এজাহাৰ হ’ব নালাগে? বহুতে চিআইডিৰ পৰা পোৱা তথ্যৰ ভিত্তিত মোৰ হাজিৰ হোৱাৰ সৈতে জড়িত বাতৰি চলাই আছে। যেতিয়া মই এই আদালতত চলি থকা গোচৰটোৰ বিষয়ে কোনো তথ্য প্ৰকাশ কৰা নাই, তেতিয়াহলে যিবোৰ কথা ফাদিল কৰা হৈছে, তাৰ বিৰুদ্ধে আমি উচ্চ ন্যায়ালয়লৈ যাম।’

টিএমচিৰ সাংসদ অভিষেক বেনাৰ্জীয়ে কয়, ‘আমি এই যুঁজত এতিয়া এখোজো পিছহুহকি নাযাওঁ। আপোনালোকে আমাক হৰুৱাব নোৱাৰে, আমি সংস্থাসমূহলৈ ভয় কৰা লোক নহয়। বিধায়ক আৰু সাংসদসকলক ক্ৰয় কৰি টিএমচিক তল পেলাব নোৱাৰি। আপোনালোকে কৈছিল যে আপোনালোকে অন্নপূৰ্ণা ভাণ্ডাৰ দিব, কিন্তু এতিয়া পৰিস্থিতি সম্পূৰ্ণ বেলেগ।’

লগতে পঢ়ক: বিপদে লগ নেৰা হৈছে মমতা বেনাৰ্জীৰ; সাম্প্ৰদায়িক মন্তব্যক লৈ এফআইআৰ দাখিল  

পশ্চিম বংগৰ ৰাজনৈতিক মহলৰ পৰা এক ধুমুহাৰ খবৰ পোহৰলৈ আহিছে। মমতা বেনাৰ্জীয়ে দুগৰাকী বিধায়কক দলৰ পৰা বহিষ্কাৰ কৰাৰ পিছতে টিএমচিৰ ভিতৰত বিভাজনৰ ভয়ংকৰ ৰূপ ধাৰণ কৰিবলৈ আৰম্ভ কৰিছে।

পশ্চিমবংগত টিএমচিৰ পৰাজয়ৰ পিছৰে পৰা দলটোৰ ভিতৰচ’ৰাত পৰিস্থিতি ভাল নহয়। মমতা বেনাৰ্জীয়ে দুজন বিধায়কক দলৰ পৰা বহিষ্কাৰ কৰাৰ পিছৰে পৰা টিএমচি ফাট মেলাৰ সম্ভাৱনাই দেখা দিছে।

এতিয়া বিদ্ৰোহী বিধায়ক সন্দীপন সাহা আৰু ঋতব্ৰত বেনাৰ্জী বিধানসভাত উপস্থিত হৈছে। তেওঁলোকে দাবী কৰিছে যে দলৰ ৫৯ গৰাকী বিধায়কে তেওঁলোকক সমৰ্থন জনাইছে। আনকি ঋতব্ৰত বেনাৰ্জীয়ে বিধানসভাত বিৰোধী দলৰ নেতাৰ পদো দাবী কৰিব পাৰে।

বিধানসভাত উপস্থিত হোৱাৰ পিছত বিদ্ৰোহী বিধায়কসকলে বিধানসভাৰ অধ্যক্ষক ৫৯ গৰাকী বিধায়কৰ চহী থকা পত্ৰখন অৰ্পণ কৰে। ইয়াৰ পূৰ্বে, টিএমচিৰ পৰা বহিষ্কৃত হোৱা দুই বিধায়ক সন্দীপন সাহা আৰু ঋতব্ৰত বেনাৰ্জীয়ে কলকাতাৰ এমএলএ (MLA) হোষ্টেলত টিএমচিৰ কেইবাগৰাকীও বিধায়কৰ সৈতে এক বৈঠকত মিলিত হৈছিল। এই বৈঠকত মমতাৰ অতি ঘনিষ্ঠ কেইবাগৰাকীও বিধায়কেও অংশগ্ৰহণ কৰিছিল, যাক লৈ সমগ্ৰ পশ্চিমবংগতে ব্যাপক চৰ্চা চলিছিল।

নতুন গোটটোক স্বীকৃতি পাবলৈ হ’লে দুই-তৃতীয়াংশ অৰ্থাৎ ৫৪ গৰাকী বিধায়কৰ সমৰ্থনৰ প্ৰয়োজন হ’ব। যদি ইয়াতকৈ কম বিধায়ক থাকে, তেন্তে অধ্যক্ষই এই নতুন গোটটোক স্বীকৃতি নিদিয়ে।

লগতে পঢ়ক: আজি কৰ্ণাটকৰ মুখ্যমন্ত্ৰী হিচাপে শপত ল’ব ডি কে শিৱকুমাৰে…