শীতকালত প্ৰতিদিনে সেৱন কৰক বীট,গাজৰ আৰু মূলাৰ কাঞ্জী ; নোহোৱা হ’ব বদহজম

বৰ্তমান সময়ত কাঞ্জী খোৱাৰ ধাৰাটো বহুত বাঢ়িছে।আগতে মানুহে পেট ফিট কৰি ৰাখিবলৈ কাঞ্জী খাইছিল। আয়ুৰ্বেদত কাঞ্জীক গেছ, অম্লতা, বদহজম আদি দূৰ কৰাত ফলপ্ৰসূ বুলি ধৰা হয়।

কাঞ্জী সেৱনে হজম শক্তি উন্নত কৰে আৰু প্ৰ’বায়’টিক পানীয় হিচাপে কাম কৰে যিয়ে অন্ত্ৰ সুস্থ কৰি ৰখাত সহায় কৰে।কাঞ্জী খালে কোষ্ঠকাঠিন্য দূৰ হয় আৰু শৰীৰৰ বিষমুক্ত হয়।

ইয়াত পোৱা পুষ্টিকৰ উপাদানসমূহেও ছালখন জিলিকি উঠাত সহায় কৰে।প্ৰতিদিনে খাদ্য খোৱাৰ পিছত কাঞ্জী সেৱন কৰিলে গেছ, এচিডিটি আৰু বদহজমৰ পৰা পৰিত্ৰাণ পোৱাত সহায় কৰে।

কেনেদৰে প্ৰস্তুত কৰিব কাঞ্জী- শীতকালত পেটৰ বাবে কাঞ্জী সৰ্বোত্তম বস্তু।বতৰৰ শাক-পাচলি ব্যৱহাৰ কৰি কাঞ্জী বনাব পাৰে।কাঞ্জি বনাবলৈ এটা ডাঙৰ কাঁচৰ পাত্ৰ ল’ব।

২টা গাজৰ ধুই পাতল আৰু দীঘলকৈ কাটি লওক।১ টা ডাঙৰ বীট আৰু এটা মূলা বাকলি গুচাই দীঘল দীঘলকৈ কাটি তাত দিব।লগতে ২টা কেঁচা জলকীয়াও দিব।  

এতিয়া সকলো মিহলাই দিয়াৰ পিছত ১ চামুচ গোটা সৰিয়হৰ, ১ চামুচ হালধীয়া সৰিয়হ, আধা চামুচ আজৱাইন আৰু ২ চামুচ ৰক ছল্ট দিব লাগিব।

কিছু পৰিমাণে হিং  দি সোৱাদ বৃদ্ধি কৰি পাচনীয় কৰি তুলিব।এতিয়া কাঁচৰ পাত্ৰটোত উতলা গৰম পানী দি দিব।তাৰ পাছতে ঢাকনিখন বন্ধ কৰি ৰ’দত ৰাখিব।

পিছদিনা সাজু হৈ গ’ল কাঞ্জি।ৰাতিপুৱা সেই কাঞ্জী খাব পাৰে। খাদ্য খোৱাৰ পিছত কাঞ্জি পানী খোৱাটোৱে হজম শক্তি উন্নত কৰাত সহায় কৰে।

(ইয়াত দিয়া তথ্য সমূহ সাধাৰণ পৰামৰ্শৰ বাবেহে। স্বাস্থ্য সম্পৰ্কীয় যিকোনো ব্যৱস্থা গ্ৰহণ কৰাৰ পূৰ্বে চিকিৎসকৰ পৰামৰ্শ লওক)

লগতে পঢ়ক:কাচকল খোৱাৰ উপকাৰিতা জানেনে? শৰীৰৰ শক্তিৰ বাবে ছুপাৰফুড!

কেঁচা জলকীয়া খাই ভালপাই নেকি?

ভাৰতীয় লোকসকলে প্ৰায়েই খাদ্যৰ লগত কেঁচা জলকীয়া খাই ভালপাই।এই কেঁচা জলকীয়াৰো যথেষ্ট উপকাৰীতা আছে।

পুষ্টিকৰ উপাদানেৰে সমৃদ্ধ এই কেঁচা জলকীয়া। ইয়াত বিভিন্ন প্ৰকাৰ পুষ্টিকৰ উপাদান পোৱা যায়,যিয়ে শৰীৰক বহু ধৰণৰ ৰোগৰ পৰা ৰক্ষা কৰিব পাৰে।

ইয়াক সেৱন কৰিলে শৰীৰটো ভিতৰৰ পৰা শক্তিশালী হৈ উঠে।ই শৰীৰত ফিল-গুড হৰম’ন এণ্ড’ৰ্ফিন বৃদ্ধি কৰে।

এটা কমলাতকৈও কেঁচা জলকীয়াত ভিটামিন চি বেছি পোৱা যায়। ভিটামিন চি ছাল আৰু হাড় সুস্থ কৰি ৰখাৰ বাবে অতি প্ৰয়োজনীয়। ভিটামিন চিয়ে ছালখনলৈ উজ্জলতা আনে আৰু ইয়াক সুস্থ কৰি ৰাখে।

ভিটামিন কে ৰ বাবেও কেঁচা জলকীয়া খাব পাৰে।যদি প্ৰতিদিনে এটাকৈ কেঁচা জলকীয়া খায় তেন্তে ই তেজ জমা হোৱাত সহায় কৰে। হাড়বোৰো সুস্থ হৈ থাকে। শৰীৰত ভিটামিন কেৰ অভাৱ হ’লে নাকৰ পৰা ৰক্তক্ষৰণ হ’ব পাৰে।

যদি ঘাঁৰ পৰা তেজ ওলোৱা সোনকালে বন্ধ নহয়, তেন্তে আপোনাৰ প্ৰয়োজনীয় ভিটামিন কেৰ পৰিপূৰক হিচাপে কেঁচা জলকীয়া খাব পাৰে।

ইয়াত বিটা কেৰটিন আৰু লুটিনৰ দৰে এন্টিঅক্সিডেন্ট থাকে, যিয়ে চকুৰ দৃষ্টিশক্তিৰ অৱনতি ঘটাব নিদিয়ে।ৰেটিনাক সুৰক্ষা দিয়ে। বিটা কেৰটিন আৰু লুটিনে ইয়াক সেউজীয়া ৰং দিয়ে।

লগতে পঢ়ক: নিতৌ বিচনালৈ যোৱাৰ পূৰ্বে খাওক ২ টাকৈ লং; ফলাফল জানিলে হ’ব আচৰিত