মধ্যপ্ৰাচ্যত ক্ৰমবৰ্ধমান উত্তেজনাৰ মাজতে সাধাৰণ লোকৰ মুৰত মাধমাৰ সোধাই বৃদ্ধি পালে ঘৰুৱা চিলিণ্ডাৰৰ মূল্য। ঘৰুৱা এল পি জি চিলিণ্ডাৰৰ মূল্য ৬০ টকা আৰু বাণিজ্যিক চিলিণ্ডাৰৰ মূল্য ১১৫ টকা বৃদ্ধি কৰা হৈছে।

মধ্যপ্ৰাচ্যৰ যুদ্ধৰ মাজতে মূল্যবৃদ্ধিয়ে জনতাৰ মুৰত মাধমাৰ সোধাইছে।পুনৰ ঘৰুৱা এল পি জি চিলিণ্ডাৰৰ মূল্য ৬০ টকাকৈ বৃদ্ধি পাইছে।তাৰ লগতে ১৯ কেজি ওজনৰ এটা বাণিজ্যিক এল পি জি গেছ চিলিণ্ডাৰৰ মূল্যও ১১৫ টকাকৈ বৃদ্ধি কৰা হৈছে।।আজিৰ মাজ নিশাৰ পৰা কাৰ্যকৰী কৰা হৈছে নতুন হাৰ।

এই কথা IOC (Indian Oil) ৱেবছাইটতো আপডেট কৰা হৈছে।মন কৰিবলগা যে ২০২৫ চনৰ এপ্ৰিল মাহৰ পৰা ঘৰুৱা এল পি জি চিলিণ্ডাৰৰ মূল্য বৃদ্ধি হোৱা নাই।

এতিয়া ১৪.২ কেজি ঘৰুৱা এল পি জি চিলিণ্ডাৰৰ মূল্য ৬০ টকা বৃদ্ধি কৰা হৈছে। ইয়াৰ লগে লগে ৰাজ্যত প্ৰতিটো চিলিণ্ডাৰৰ দাম হ’ল গৈ ৯৬২। আৰু প্ৰতিটো বাণিজ্যিক চিলিণ্ডাৰৰ মূল্য হ’ল গৈ ২০৫১ টকা।  

ভাৰতৰ শক্তি যোগান আৰু ইন্ধনৰ উপলব্ধতাক লৈ ক্ৰমবৰ্ধমান বিতৰ্কৰ মাজতে এই বৃদ্ধিৰ তথ্য পোহৰলৈ আহিছে।

লগতে পঢ়ক: ‘যদি যুদ্ধ ২-৩ সপ্তাহলৈকে চলি থাকে তেন্তে ধ্বংস নিশ্চিত’; কাটাৰৰ শক্তি মন্ত্ৰীৰ বিস্ফোৰক মন্তব্য