এদিনীয়া বিশ্বকাপ ২০২৭ৰ বাবে ডাঙৰ ঘোষণা

২০২৭ চনত অনুষ্ঠিত হ’বলগীয়া আই চি চিৰ পুৰুষ এদিনীয়া বিশ্বকাপৰ বাবে প্ৰস্তুতি আৰম্ভ হৈছে । দক্ষিণ আফ্ৰিকা, জিম্বাবুৱে আৰু নামিবিয়াই যৌথভাৱে আয়োজন কৰিব এই প্ৰতিযোগিতা । ক্ৰিকেট দক্ষিণ আফ্ৰিকাই এই মেগা ইভেণ্টৰ বাবে নিৰ্বাচিত ষ্টেডিয়াম ঘোষণা কৰিছে, য’ত মুঠ ৫৪খন মেচ অনুষ্ঠিত হ’ব । এইবাৰ দক্ষিণ আফ্ৰিকা আৰু জিম্বাবুৱেই যৌথভাৱে এদিনীয়া বিশ্বকাপ আয়োজন কৰাৰ বিপৰীতে নামিবিয়াই প্ৰথমবাৰৰ বাবে এই বৃহৎ প্ৰতিযোগিতাখন আয়োজন কৰিব ।

এই ষ্টেডিয়ামসমূহত অনুষ্ঠিত হ’ব মেচ-

এই বিশ্বকাপত দক্ষিণ আফ্ৰিকাই ৪৪খন খেল আয়োজন কৰাৰ বিপৰীতে বাকী ১০খন খেল জিম্বাবুৱে আৰু নামিবিয়াত অনুষ্ঠিত হ’ব । দক্ষিণ আফ্ৰিকাৰ আঠখন ষ্টেডিয়াম নিৰ্বাচিত কৰা হৈছে, য’ত জোহান্সবাৰ্গৰ ৱাণ্ডাৰাৰছ ষ্টেডিয়াম, কেপ টাউনৰ নিউলেণ্ডছ ক্ৰিকেট খেলপথাৰ, ডাৰবানৰ কিংছমিড ক্ৰিকেট খেলপথাৰ, প্ৰিট’ৰিয়াৰ চেঞ্চুৰিয়ান পাৰ্ক, ব্ল’মফণ্টেইনৰ মাংগাউং অ’ভাল, গ্কেবেৰহাৰ ছেইণ্ট জৰ্জ পাৰ্ক, ইষ্ট লণ্ডনৰ বাফেলো পাৰ্ক আৰু পাৰ্লৰ ব’লেণ্ড পাৰ্ক অন্যতম । এই সকলোবোৰ খেলপথাৰেই উৎকৃষ্ট সুবিধা আৰু ঐতিহাসিক গুৰুত্বৰ বাবে জনাজাত ।

উল্লেখ্য যে, দক্ষিণ আফ্ৰিকাৰ প্ৰাক্তন বিত্তমন্ত্ৰী ট্ৰেভৰ মেনুৱেল হ’ব স্থানীয় আয়োজক সমিতিৰ মুৰব্বী । চি এছ এয়ে এক বিবৃতিত কয় যে দক্ষিণ আফ্ৰিকাৰ মেচসমূহ জোহান্সবাৰ্গ, প্ৰিট’ৰিয়া, কেপ টাউন, ডাৰবান, গ্কেবেৰহা, ব্ল’মফণ্টেইন, ইষ্ট লণ্ডন আৰু পাৰ্লত অনুষ্ঠিত হ’ব । একে সময়তে চি এছ এৰ অধ্যক্ষ পাৰ্ল মাফোছে কয় যে, ‘চি এছ এৰ লক্ষ্য হৈছে দক্ষিণ আফ্ৰিকাৰ মুখখন প্ৰতিফলিত কৰা এক বিশ্বব্যাপী, প্ৰেৰণাদায়ক, বৈচিত্ৰময়, সৰ্বাংগীন আৰু ঐক্যবদ্ধ অনুষ্ঠানৰ আয়োজন কৰা ।’

এই ফৰ্মেটত অনুষ্ঠিত হ’ব এই প্ৰতিযোগিতা-

২০২৭ চনৰ বিশ্বকাপত ১৪টা দলে অংশগ্ৰহণ কৰিব, আৰু ইয়াৰ ফৰ্মেট ২০০৩ চনৰ বিশ্বকাপৰ দৰেই হ’ব । দুটা গ্ৰুপ থাকিব, প্ৰতিটো গ্ৰুপত থাকিব সাতটা দল । ২০০৩ চনত দক্ষিণ আফ্ৰিকাই জিম্বাবুৱে আৰু কেনিয়াৰ সৈতে এই প্ৰতিযোগিতাখন আয়োজন কৰিছিল । ইয়াত অষ্ট্ৰেলিয়াৰ দলটোৱে খিতাপ দখল কৰিছিল ।

লগতে পঢ়ক : ফুটবল প্ৰেমীৰ বাবে ভালখবৰ; মেচ খেলিবলৈ ভাৰতলৈ আহিব লিঅ’নেল মেছী

২০২৫ৰ এদিনীয়া বিশ্বকাপৰ সূচী…

মহিলা এদিনীয়া বিশ্বকাপৰ ত্ৰয়োদশ সংস্কৰণৰ বাবে অনুৰাগীসকলে আগ্ৰহেৰে অপেক্ষা কৰি আছে । ৩০ ছেপ্টেম্বৰৰ পৰা আৰম্ভ হ’ব এই প্ৰতিযোগিতা । ভাৰত আৰু শ্ৰীলংকাৰ মুঠ ৫ খন খেলপথাৰত এই প্ৰতিযোগিতা অনুষ্ঠিত হ’ব । ৩০ ছেপ্টেম্বৰত ভাৰত আৰু শ্ৰীলংকাৰ মাজত অনুষ্ঠিত হ’ব বিশ্বকাপৰ প্ৰথমখন মেচ । এই বিশ্বকাপত মুঠ ৩১খন মেচ অনুষ্ঠিত হ’ব, ইয়াৰে ২৮খন খেল লীগ পৰ্যায়ত অনুষ্ঠিত হ’ব । ঘৰুৱা পৰিৱেশত খেলিবলগীয়া টিম ইণ্ডিয়াই এই এদিনীয়া বিশ্বকাপত জয়ী হোৱাৰ এক সোণালী সুযোগ লাভ কৰিব । জনাওক বিশ্বকাপত ভাৰতৰ মেচ কেতিয়া আৰু ক’ত অনুষ্ঠিত হ’ব ।

ভাৰতৰ বিশ্বকাপৰ সূচী-

৩০ ছেপ্টেম্বৰত শ্ৰীলংকাৰ বিৰুদ্ধে খেলিবলগীয়া মেচৰ জৰিয়তে টিম ইণ্ডিয়াই এই এদিনীয়া বিশ্বকাপৰ অভিযান আৰম্ভ কৰিব । দ্বিতীয়খন মেচ ৫ অক্টোবৰত পাকিস্তানৰ বিৰুদ্ধে আৰু তাৰ পিছত তৃতীয়খন খেল ৯ অক্টোবৰত দক্ষিণ আফ্ৰিকাৰ বিৰুদ্ধে আছে । ১২ অক্টোবৰত ভাৰত-অষ্ট্ৰেলিয়াৰ মেত অনুষ্ঠিত হ’ব, আনহাতে ১৯ অক্টোবৰত ইংলেণ্ডৰ বিৰুদ্ধে খেলিব ভাৰতীয় দলটোৱে । ২৩ অক্টোবৰত ভাৰত বনাম নিউজীলেণ্ডৰ মেচখন অনুষ্ঠিত হ’ব আৰু টিম ইণ্ডিয়াৰ অন্তিমখন লীগ মেচ ২৬ অক্টোবৰত বাংলাদেশৰ বিৰুদ্ধে হ’ব ।

জানক ভাৰতীয় দলৰ সূচী-

৩০ ছেপ্টেম্বৰ- ভাৰত বনাম শ্ৰীলংকা

৫ অক্টোবৰ- ভাৰত বনাম পাকিস্তান

৯ অক্টোবৰ- ভাৰত বনাম দক্ষিণ আফ্ৰিকা

১২ অক্টোবৰ- ভাৰত বনাম অষ্ট্ৰেলিয়া

১৯ অক্টোবৰ- ভাৰত বনাম ইংলেণ্ড

২৩ অক্টোবৰ- ভাৰত বনাম নিউজীলেণ্ড

২৬ অক্টোবৰ- ভাৰত বনাম বাংলাদেশ

ছেমি ফাইনেল খেলৰ সময়সূচী নিৰ্ধাৰণ কৰা হ’ব ছেমি ফাইনেলৰ দলসমূহৰ ওপৰত । প্ৰথমখন ছেমি ফাইনেল গুৱাহাটী বা কলম্বোত অনুষ্ঠিত হোৱাৰ বিপৰীতে দ্বিতীয়খন ছেমি ফাইনেল খেল বেংগালুৰুৰ এম চিন্নাস্বামী ষ্টেডিয়ামত অনুষ্ঠিত হ’ব । ফাইনেলৰ স্থান এতিয়াও নিৰ্ণয় কৰা হোৱা নাই কাৰণ খিতাপৰ সংঘৰ্ষ বেংগালুৰু বা কলম্বোত অনুষ্ঠিত হ’ব ।

ভাৰতে এদিনীয়া বিশ্বকাপ জয় কৰিছেনে ?

হতাশাজনক সত্যটো হ’ল যে, ভাৰতীয় মহিলা ক্ৰিকেট দলে এতিয়াও এদিনীয়া বিশ্বকাপৰ ট্ৰফী লাভ কৰিব পৰা নাই । ১৯৭৩ চনৰ পৰা মহিলাৰ এদিনীয়া ক্ৰিকেট বিশ্বকাপ মুঠ ১২ বাৰ অনুষ্ঠিত হৈছে, য’ত ভাৰতীয় দলটোৱে মাত্ৰ দুবাৰহে ফাইনেলত প্ৰৱেশ কৰিছে । ২০০৫ আৰু ২০১৭ চনত টিম ইণ্ডিয়াই বিশ্বকাপৰ ফাইনেলত প্ৰৱেশ কৰিছিল যদিও দুয়োবাৰেই পৰাজয়ৰ সন্মুখীন হ’বলগীয়া হৈছিল । সেয়েহে এইবাৰ ঘৰুৱা মাটিত ভাৰতীয় দলে এদিনীয়া বিশ্বকাপৰ খিতাপ দখল কৰি ইতিহাস ৰচনা কৰাৰ সোণালী সুযোগ লাভ কৰিব ।

লগতে পঢ়ক : ভাৰতীয় দলৰ পৰৱৰ্তী মেচ কেতিয়া ? জানক ২০২৬ৰ টি-২০ বিশ্বকাপলৈ সম্পূৰ্ণ সময়সূচী