উছমান হাদীৰ হত্যাকাৰী মেঘালয় সীমান্তৰে ভাৰতত প্ৰৱেশ কৰিছে বুলি বাংলাদেশে কৰা অভিযোগৰ প্ৰত্যুত্তৰ দিছে বি এছ এফে । বাংলাদেশৰ এই অভিযোগ ভিত্তিহীন বুলি কেইছে সুৰক্ষা বাহিনীয়ে ।

মেঘালয়ত নিয়োজিত সীমান্ত সুৰক্ষা বাহিনীয়ে দেওবাৰে বাংলাদেশ আৰক্ষীয়ে ইনকিলাব মঞ্চৰ নেতা শ্বৰীফ ওছমান হাদীৰ হত্যাকাণ্ডৰ অভিযোগত অভিযুক্ত মেঘালয় সীমান্তৰে ভাৰতত প্ৰৱেশ কৰাৰ দাবীক খাৰিজ কৰে । বি এছ এফৰ বিষয়াসকলে এই অভিযোগসমূহক ভিত্তিহীন আৰু বিভ্ৰান্তিকৰ বুলি অভিহিত কৰে ।

বাংলাদেশ আৰক্ষীৰ দাবীক ভিত্তিহীন আখ্যা বি এছ এফৰ-

প্ৰতিবেদন অনুসৰি মেঘালয়ৰ বি এছ এফৰ মহাপৰিদৰ্শক অ’ পি উপাধ্যায়ে এই দাবী সম্পূৰ্ণ ভিত্তিহীন বুলি উল্লেখ কৰিছে । তেওঁ স্পষ্ট কৰি দিয়ে যে হালুৱাঘাট খণ্ডৰ পৰা কোনো ব্যক্তিয়ে আন্তঃৰাষ্ট্ৰীয় সীমান্ত পাৰ হৈ মেঘালয়ত প্ৰৱেশ কৰাৰ কোনো প্ৰমাণ পোৱা নাই । তেওঁৰ মতে, বি এছ এফে এনে কোনো অনুপ্ৰৱেশৰ খবৰ পোৱা নাই আৰু এই সন্দৰ্ভত কোনো প্ৰতিবেদন পোৱা নাই ।

ইয়াৰ পূৰ্বে ঢাকা মহানগৰ আৰক্ষীৰ এগৰাকী জ্যেষ্ঠ বিষয়াই দাবী কৰিছিল যে হত্যাকাণ্ডৰ দুজন মূল সন্দেহযুক্ত লোকে স্থানীয় সহযোগীৰ সহায়ত মেঘালয়ৰ গাৰো হিলছ অঞ্চলত প্ৰৱেশ কৰিছিল । লগতে কয় যে অভিযুক্তক সহায় কৰা দুজন ব্যক্তিক ভাৰতীয় সংস্থাই আটক কৰি ৰাখিছে ।

সীমান্তত হাই এলাৰ্ট, অবৈধ অনুপ্ৰৱেশৰ ওপৰত কঠোৰ সতৰ্কতা-

মেঘালয় আৰক্ষীয়েও এই দাবী নাকচ কৰে । ৰাজ্যখনৰ এজন জ্যেষ্ঠ আৰক্ষী বিষয়াই জনোৱা মতে, গাৰো পাহাৰত সন্দেহযুক্ত লোকৰ উপস্থিতি নিশ্চিত কৰা কোনো চোৰাংচোৱা তথ্য উপলব্ধ নহয় । তেওঁ লগতে কয় যে স্থানীয় আৰক্ষী ইউনিটসমূহে কোনো সন্দেহজনক কাৰ্যকলাপৰ খবৰ পোৱা নাই আৰু কেন্দ্ৰীয় সংস্থাসমূহৰ সৈতে সমন্বয় অব্যাহত আছে ।

বি এছ এফৰ বিষয়াসকলে উল্লেখ কৰিছে যে চুবুৰীয়া বাংলাদেশৰ অস্থিৰ পৰিস্থিতিৰ প্ৰতি লক্ষ্য ৰাখি আন্তঃৰাষ্ট্ৰীয় সীমান্তত নিৰাপত্তা বাহিনী হাই এলাৰ্টত আছে । তেওঁলোকে পুনৰ কয় যে এই খণ্ডৰ সীমান্তত নিৰন্তৰ নিৰীক্ষণ চলি আছে আৰু অবৈধভাৱে পাৰ হোৱাৰ যিকোনো প্ৰচেষ্টা তৎক্ষণাত ধৰা পৰিব ।

লগতে পঢ়ক : ‘আমি আওকাণ কৰিব নোৱাৰো…’ বাংলাদেশত হিন্দু যুৱকৰ হত্যাক লৈ মহম্মদ ইউনুছক তিৰস্কাৰ ভাৰতৰ