টিম ইণ্ডিয়াৰ টি-২০ৰ অধিনায়ক সূৰ্যকুমাৰ যাদৱে ছ’চিয়েল মিডিয়াত এটা ভিডিঅ’ শ্বেয়াৰ কৰিছে। আজি সূৰ্যকুমাৰ যাদৱে আন্তঃৰাষ্ট্ৰীয় ক্ৰিকেটত পাঁচ বছৰ সম্পূৰ্ণ কৰিছে।

সূৰ্যকুমাৰ যাদৱৰ অধিনায়কত্বত টিম ইণ্ডিয়াই ২০২৬ চনৰ টি-২০ বিশ্বকাপৰ খিতাপ দখল কৰে।তাৰ পিছৰে পৰা সূৰ্য্যই বিৰতিত আছে আৰু এতিয়া কিছুদিনৰ পিছত ২০২৬ চনৰ আই পি এলৰ বাবে প্ৰস্তুতি আৰম্ভ কৰিব।

ইফালে,  ১৪ মাৰ্চৰ দিনা সূৰ্যকুমাৰ যাদৱে ছ’চিয়েল মিডিয়াত এটা ভিডিঅ’ শ্বেয়াৰ কৰিছে,যিটো যথেষ্ট ভাইৰেল হৈ পৰিছে। দৰাচলতে সূৰ্য্যকুমাৰৰ আজি আন্তঃৰাষ্ট্ৰীয় ক্ৰিকেটত পাঁচ বছৰ সম্পূৰ্ণ হ’ল। এই ভিডিঅ’টোত তেওঁ পাঁচ বছৰীয়া আন্তঃৰাষ্ট্ৰীয় যাত্ৰাৰ বিষয়ে কৈছে।

সূৰ্যকুমাৰ যাদৱে ছ’চিয়েল মিডিয়াত এটা ভিডিঅ’ শ্বেয়াৰ কৰে য’ত তেওঁ এতিয়ালৈকে কৰা যাত্ৰাৰ বাবে কৃতজ্ঞতা প্ৰকাশ কৰে।সূৰ্যকুমাৰ যাদৱে পোষ্টটোৰ কেপচনত লিখিছে যে- পাঁচ বছৰ আগতে এটা সপোন বাস্তৱত পৰিণত হৈছিল।ভাৰতীয় জাৰ্চি পিন্ধাটো এনে এক অনুভৱ যিটো, আজিও মই সম্পূৰ্ণৰূপে শব্দৰে প্ৰকাশ কৰিব নোৱাৰো, দলটোৰ বাবে আমি আগলৈ আৰু বহুতো স্মৰণীয় মুহূৰ্তৰ সৃষ্টি কৰিম।

আন্তঃৰাষ্ট্ৰীয় ক্ৰিকেটত অভিষেক ঘটোৱাৰ পাছৰে পৰা সূৰ্যকুমাৰ যাদৱে এই পৰ্যন্ত মুঠ ৩৭খন এদিনীয়া মেচ ,১১৩ খন টি-২০ আৰু মাত্ৰ এখন টেষ্ট মেচ খেলিছে।এই সময়ছোৱাত তেওঁ এদিনীয়াত ৭৭৩ ৰান, টি-২০ত ৩২৭২ ৰান আৰু টেষ্টত ৮ ৰান সংগ্ৰহ কৰিছে।

লগতে পঢ়ক: বিশ্বকাপৰ বাবে যোগ্যতা অৰ্জন ভাৰতীয় মহিলা হকী দলৰ; ইটালীক পৰাস্ত কৰি ফাইনেলত প্ৰৱেশ

আন্তঃৰাষ্ট্ৰীয় ক্ৰিকেটত আন এক মাইলৰ খুঁটিত উপনীত হৈছে ভাৰতীয় দলৰ প্ৰাক্তন অধিনায়ক তথা তাৰকা বেটছমেন বিৰাট কোহলী । এই ক্ষেত্ৰত এতিয়া কেৱল শচীন টেণ্ডুলকাৰৰ পিছত আছে বিৰাট ।

আন্তঃৰাষ্ট্ৰীয় ক্ৰিকেটত আন এক কৃতিত্ব অৰ্জন ভাৰতৰ তাৰকা বেটছমেন বিৰাট কোহলীয়ে । বদোদৰাত ভাৰত আৰু নিউজীলেণ্ডৰ মাজত দেওবাৰে অনুষ্ঠিত হোৱা প্ৰথমখন এদিনীয়াত বিৰাট কোহলীয়ে ইতিহাস ৰচনা কৰে । বিৰাট কোহলী এতিয়া আন্তঃৰাষ্ট্ৰীয় ক্ৰিকেটত দ্বিতীয় সৰ্বাধিক ৰান সংগ্ৰহকাৰী হিচাপে পৰিগণিত হৈছে । দিল্লীৰ ৩৭ বছৰীয়া সোঁহতীয়া বেটছমেনগৰাকীয়ে শ্ৰীলংকাৰ প্ৰাক্তন ক্ৰিকেটাৰ কুমাৰ ছাংগাকাৰাক চেৰ পেলাই এই কৃতিত্ব অৰ্জন কৰে ।

বৰোদাৰ বি চি এ ষ্টেডিয়ামত ভাৰত আৰু নিউজীলেণ্ডৰ মাজত অনুষ্ঠিত হোৱা প্ৰথমখন এদিনীয়াত কোহলীক ছাংগাকাৰাৰ ২৮,০১৬ ৰান অতিক্ৰম কৰিবলৈ ৪২ ৰানৰ প্ৰয়োজন হৈছিল । মেচখনত যেতিয়া ভাৰতে ৩০১ ৰানৰ লক্ষ্য আগত লৈ খেলপথাৰত নামিছিল তেতিয়া ১৯ অভাৰত তেওঁ এই মাইলৰ খুঁটিত উপনীত হয় ।

কোহলীয়ে ১২৩খন মেচত ৯,২৩০ ৰানেৰে টেষ্ট কেৰিয়াৰ সমাপ্ত কৰাৰ বিপৰীতে টি-২০ আন্তঃৰাষ্ট্ৰীয় ক্ৰিকেটত তেওঁ ১২৫খন মেচত ৪,১৮৮ ৰান সংগ্ৰহ কৰিছে । এদিনীয়া ক্ৰিকেটত কোহলীয়ে এতিয়ালৈকে ৩০৯খন খেলত ১৪,৫৯৯ ৰান সংগ্ৰহ কৰিছে ।

কেৱল শচীন টেণ্ডুলকাৰক পিছত আছে কোহলী-

এতিয়া আন্তঃৰাষ্ট্ৰীয় ক্ৰিকেটত সৰ্বাধিক ৰান সংগ্ৰহকাৰীৰ তালিকাত কোহলীতকৈ আগবাঢ়ি আছে কেৱল শচীন টেণ্ডুলকাৰ । শচীন টেণ্ডুলকাৰে ১৯৮৯ চনৰ পৰা ২০১৩ চনৰ ভিতৰত ভাৰতৰ হৈ মুঠ ৬৬৪খন আন্তঃৰাষ্ট্ৰীয় মেচ খেলি ৩৪,৩৫৭ ৰান সংগ্ৰহ কৰিছে । ইয়াৰ উপৰিও ২০০খন টেষ্ট মেচত ১৫,৯২১ ৰান সংগ্ৰহ কৰে শচীনে ।

এদিনীয়া ক্ৰিকেটত টেণ্ডুলকাৰে ৪৬৩খন খেলত ১৮,৪২৬ ৰান সংগ্ৰহ কৰে । ২০০৬ চনৰ ১ ডিচেম্বৰত দক্ষিণ আফ্ৰিকাৰ বিৰুদ্ধে তেওঁ একমাত্ৰ টি-২০ আন্তঃৰাষ্ট্ৰীয় মেচ খেলিছিল, য’ত ১২টা বলত ১০ ৰান সংগ্ৰহ কৰি আউট হৈছিল শচীন ।

গাংগুলীক অতিক্ৰম-

ভাৰতৰ হৈ বিৰাট কোহলীয়ে এই পৰ্যন্ত ৩০৯ খন ৱান ডে ইণ্টাৰনেশ্যনেল মেচ খেলিছে । তেওঁ ভাৰতীয় দলৰ হৈ ৩০৮খন এদিনীয়া খেলা প্ৰাক্তন অধিনায়ক সৌৰভ গাংগুলীক অতিক্ৰম কৰিছে । এই তালিকাত কোহলীতকৈ আগবাঢ়ি আছে ৰাহুল দ্ৰাবিড় (৩৪০ মেচ) আৰু মহম্মদ আজহাৰুদ্দিন (৩৩৪ মেচ), যাক কোহলীয়ে ভৱিষ্যতে অতিক্ৰম কৰিব পাৰে ।

ভাৰতৰ হৈ সৰ্বাধিক এদিনীয়া মেচ-

৪৬৩ – শচীন টেণ্ডুলকাৰ

৩৪৭ – মহেন্দ্ৰ সিং ধোনী

৩৪০ – ৰাহুল দ্ৰাবিড়

৩৩৪ – মহম্মদ আজহাৰুদ্দিন

৩০৯ – বিৰাট কোহলী

৩০৮ – সৌৰভ গাংগুলী

লগতে পঢ়ক : জয়েৰে বছৰৰ আৰম্ভণি ভাৰতীয় দলৰ… ৪ উইকেটত ধৰাশায়ী কিৱি বাহিনী

২০২৫ বৰ্ষটোত ক্ৰিকেট জগতত ঘটিত বহু স্মৰণীয় ঘটনা । এই বৰ্ষটোত আন্তঃৰাষ্ট্ৰীয় ক্ৰিকেটত আধিপত্য বিস্তাৰ কৰা কেইজনমান বেটছমেনৰ বিষয়ে জানক…

২০২৫ বৰ্ষটো বহু ক্ৰিকেটাৰৰ বাবে আছিল এক ডাঙৰ বৰ্ষ । এই বছৰটোত কেইবাজনো বেটছমেনে শক্তিশালী প্ৰদৰ্শনেৰে ক্ৰিকেটত নিজৰ আধিপত্য বৰ্তাই ৰাখে । ভাৰতৰ শুভমন গীল ২০২৫ বৰ্ষৰ সৰ্বাধিক ৰান সংগ্ৰহকাৰী আছিল । এই প্ৰতিবেদনত ২০২৫ চনৰ ১০ জন সৰ্বাধিক ৰান সংগ্ৰহকাৰীৰ বিষয়ে জনোৱা হৈছে । এই তালিকাত এজন পাকিস্তানী বেটছমেনো আছে ।

শুভমন গীল-

ভাৰতৰ টেষ্ট আৰু এদিনীয়াৰ অধিনায়ক শুভমন গীল এইবাৰ ৰান সংগ্ৰহৰ তালিকাত শীৰ্ষত থাকে । গীলে টেষ্ট, এদিনীয়া, টি-২০ আন্তঃৰাষ্ট্ৰীয় মেচকে ধৰি ৩৫খন মেচ খেলি ৪৯ গড়ত, ১৭৬৪ ৰান সংগ্ৰহ কৰে । এই বছৰ আন্তঃৰাষ্ট্ৰীয় ক্ৰিকেটত গীলে ৭টা শতক আৰু তিনিটা অৰ্ধশতক অৰ্জন কৰে । তেওঁৰ সৰ্বোচ্চ স্কৰ আছিল ২৬৯ ।

শ্বাহী হোপ-

ৱেষ্ট ইণ্ডিজৰ উইকেটকীপাৰ বেটছমেন শ্বাহী হোপে ২০২৫ চনত ৪২খন মেচত ১৭৬০ ৰান সংগ্ৰহ কৰিছিল । এই সময়ছোৱাত হোপে ৫টা শতক আৰু ৯টা অৰ্ধশতক অৰ্জন কৰে ।

জো ৰুট-

ইংলেণ্ডৰ কিংবদন্তি বেটছমেন জো ৰুটে এইবাৰ মাত্ৰ ২৪খন মেচহে খেলিছিল । অৱশ্যে এই সময়ছোৱাত তেওঁ ১৫৯৮ ৰান সংগ্ৰহ কৰে । ২০২৫ চনত ৰুটে ৭টা শতক আৰু ৫টা অৰ্ধশতক অৰ্জন কৰে ।

ব্রায়ান বেনেট-

জিম্বাবুৱেৰ যুৱ বেটছমেন ব্রায়ান বেনেটে ২০২৫ চনত টেষ্ট, এদিনীয়া, টি-২০কে ধৰি মুঠ ৩৯খন মেচ খেলিছিল ৷ এই সময়ছোৱাত তেওঁ ৩টা শতক আৰু ৮টা অৰ্ধশতককে ধৰি ১৫৮৫ ৰান সংগ্ৰহ কৰে ।

ছলমান আলী আঘা-

২০২৫ চনত পাকিস্তানৰ ছলমান আলী আঘাই এটা ডাঙৰ বছৰ পাৰ কৰে । ছলমানে এই বছৰ সৰ্বাধিক মেচ খেলিছিল । তেওঁ ৫৬খন মেচত ১৫৬৯ ৰান সংগ্ৰহ কৰে । ২০২৫ চনত তেওঁ দুটা শতক আৰু ৯টা অৰ্ধশতক অৰ্জন কৰিছিল ।

কৰণবীৰ সিং-

২০২৫ চনত উজ্জ্বল প্ৰদৰ্শন আগবঢ়োৱা বেটছমেনৰ তালিকাত অষ্ট্ৰেলিয়াৰ কৰণবীৰ সিঙে ২০২৫ চনত ৩২খন মেচত ১৪৮৮ ৰান সংগ্ৰহ কৰে । এই সময়ছোৱাত তেওঁ দুটা শতক আৰু ১৩টা অৰ্ধশতক অৰ্জন কৰে ।

হেৰী ব্ৰুক-

ইংলেণ্ডৰ হেৰী ব্ৰুকে চলিত বৰ্ষত আন্তঃৰাষ্ট্ৰীয় ক্ৰিকেটত ১৪৬৮ ৰান সংগ্ৰহ কৰে । ব্ৰুকে ৩৭খন মেচত তিনিটা শতক আৰু ৭টা অৰ্ধশতক অৰ্জন কৰে ।

বেন ডাকেট-

ইংলেণ্ডৰ অ’পেনাৰ বেন ডাকেটেও ২০২৫ চনটোত আন্তঃৰাষ্ট্ৰীয় ক্ৰিকেটত শক্তিশালী খেল প্ৰদৰ্শন কৰে । এই বছৰ ডাকেটে ৩২খন মেচত ১৪৪৮ ৰান সংগ্ৰহ কৰে । ২০২৫ চনত তেওঁ তিনিটা শতক আৰু আঠটা অৰ্ধশতক অৰ্জন কৰে ।

পাথুম নিশাংকা-

শ্ৰীলংকাৰ বিস্ফোৰক অ’পেনাৰ পাথুম নিশাংকাই ২০২৫ বৰ্ষত ৩৪খন আন্তঃৰাষ্ট্ৰীয় মেচ খেলি ১৪১৪ ৰান সংগ্ৰহ কৰে ।

ৰাচিন ৰবীন্দ্ৰ

নিউজীলেণ্ডৰ ৰাচিন ৰবীন্দ্ৰই ২০২৫ বৰ্ষত মুঠ ৩২খন মেচ খেলি সকলো ফৰ্মেটতে ১৩৮২ ৰান সংগ্ৰহ কৰে । এইবাৰ আন্তঃৰাষ্ট্ৰীয় ক্ৰিকেটত ৰাচিনে চাৰিটা শতক আৰু ৬টা অৰ্ধশতক অৰ্জন কৰে ।

লগতে পঢ়ক : ২০২৫ বৰ্ষত অৱসৰৰ কথা ঘোষণা কৰি সকলোকে আচৰিত কৰি তোলা দেশৰ ১০ গৰাকী কিংবদন্তি ক্ৰিকেটাৰ…