২০২৫ বৰ্ষই আৰু মাত্ৰ কেইটামান দিনৰ পিছতেই আমাৰ পৰা বিদায় লব । জানক চলিত বৰ্ষত ক্ৰিকেটৰ পৰা অৱসৰ লৈ সকলোকে আচৰিত কৰি তোলা ১০ গৰাকী ভাৰতীয় ক্ৰিকেটাৰৰ বিষয়ে…
আৰু মাত্ৰ কেইটামান দিনৰ পিছতেই ২০২৫ বৰ্ষটোৱে আমাৰ মাজৰ পৰা বিদায় ল’ব । ২০২৫ বৰ্ষত ক্ৰিকেট জগত বহুতো উত্থান-পতনৰ সাক্ষী হ’ল । বহু খেলুৱৈৰ বাবে এই বছৰটো স্মৰণীয় হোৱাৰ বিপৰীতে আন কিছুমানৰ বাবে গভীৰ হতাশা কঢ়িয়ালে ২০২৫ বৰ্ষই । তদুপৰি দেশৰ কেইবাগৰাকীও আগশাৰীৰ ক্ৰিকেটাৰে এইবাৰ আন্তঃৰাষ্ট্ৰীয় ক্ৰিকেটৰ পৰা বিদায় লৈ অনুৰাগীক আৱেগিক কৰি তুলিছিল । চলিত বৰ্ষক অৱসৰৰ কথা ঘোষণা কৰি সকলোকে আচৰিত কৰি তোলা দেশৰ ১০ গৰাকী বিশিষ্ট ক্ৰিকেটাৰৰ বিষয়ে জানক-
বিৰাট কোহলী-
২০২৪ চনত টি-২০ ইণ্টাৰনেশ্যনেলৰ পৰা অৱসৰ লোৱাৰ কথা ঘোষণা কৰা বিৰাট কোহলীয়ে ২০২৫ চনত টেষ্ট ক্ৰিকেটৰ পৰাও অৱসৰ লোৱাৰ কথা ঘোষণা কৰি সকলোকে আচৰিত কৰি তুলিছিল । তেওঁৰ ফিটনেছৰ কথা বিবেচনা কৰি অনুৰাগীয়ে আশা কৰিছিল যে তেওঁ দীৰ্ঘদিন ধৰি টেষ্ট আৰু এদিনীয়া ফৰ্মেটত খেলি থাকিব । অৱশ্যে বৰ্তমান তেওঁ এদিনীয়া ফৰ্মেটত খেলি আছে ।
ৰোহিত শৰ্মা-
বিৰাট কোহলীৰ দৰে ৰোহিত শৰ্মাও এতিয়া কেৱল এদিনীয়া ফৰ্মেটতহে সক্ৰিয় হৈ আছে । ২০২৪ চনত টি-২০ ক্ৰিকেট আৰু ২০২৫ চনত টেষ্ট ক্ৰিকেটৰ পৰা অৱসৰ লয় ‘হিটমেন’এ । ২০২৭ চনৰ এদিনীয়া বিশ্বকাপৰ ভিতৰত তেওঁ পুনৰ ভাৰতীয় জাৰ্চি পিন্ধিব বুলি আশা কৰিছে অনুৰাগীয়ে ।
চেতেশ্বৰ পূজাৰা-
দেশৰ অভিজ্ঞ টেষ্ট বেটছমেন চেতেশ্বৰ পূজাৰাইয়ো ২০২৫ চনত আন্তঃৰাষ্ট্ৰীয় ক্ৰিকেটৰ পৰা অৱসৰ লয় । চলিত বৰ্ষৰ ২৪ আগষ্টত যেতিয়া তেওঁ অৱসৰৰ কথা ঘোষণা কৰিছিল তেতিয়া সকলোৰে চমু সেমেকি উঠিছিল ।
অমিত মিশ্ৰ-
অমিত মিশ্ৰইয়ো এই বৰ্ষতে ক্ৰিকেট কেৰিয়াৰৰ অন্ত পেলাইছিল । ৪ ছেপ্টেম্বৰত ক্ৰিকেটাৰগৰাকীয়ে সকলো ফৰ্মেটৰ পৰা অৱসৰ লোৱাৰ কথা ঘোষণা কৰে । বৰ্তমান তেওঁ কমেন্টেটৰ হিচাপে কাম কৰি আছে ।
ঋদ্ধিমান সাহা-
ভাৰতৰ অন্যতম উৎকৃষ্ট উইকেটকীপাৰ ঋদ্ধিমান সাহাই ২০২৫ চনত আন্তঃৰাষ্ট্ৰীয় ক্ৰিকেটৰ পৰা অৱসৰ লয় । তেওঁ ১ ফেব্ৰুৱাৰীত অৱসৰৰ কথা ঘোষণা কৰিছিল । বৰ্তমান ক্ৰিকেটাৰগৰাকী আই পি এলত সক্ৰিয় হৈ আছে আৰু গুজৰাট টাইটানছৰ হৈ খেলা দেখা যাব তেওঁক ।
পীয়ুষ চাওলা-
প্ৰবীণ স্পীনাৰ পিযুষ চাওলাইয়ো এইবাৰ আন্তঃৰাষ্ট্ৰীয় ক্ৰিকেটৰ পৰা অৱসৰ লোৱাৰ কথা ঘোষণা কৰে । ৬ জুনত অৱসৰৰ কথা ঘোষণা কৰি তেওঁ সকলোকে আচৰিত কৰি তোলে ।
মোহিত শৰ্মা-
২০২৫ চনৰ ৩ ডিচেম্বৰত আন্তঃৰাষ্ট্ৰীয় ক্ৰিকেটৰ পৰা অৱসৰ লোৱাৰ কথা ঘোষণা কৰা মোহিত শৰ্মাই । তেওঁ নিজৰ দেশৰ হৈ ২৬খন এদিনীয়া আৰু ৮খন টি-২০ আন্তঃৰাষ্ট্ৰীয় মেচ খেলিছিল ।
বৰুণ এৰন-
বৰুণ এৰনে ২০২৫ চনৰ ১০ জানুৱাৰীত সকলো ধৰণৰ ক্ৰিকেটৰ পৰা অৱসৰ লোৱাৰ কথা ঘোষণা কৰিছিল । অৱসৰৰ পিছত এতিয়া তেওঁক সঘনাই কমেন্টেটৰ হিচাপে দেখা যায় ।
ঋষি ধাৱান-
ঋষি ধাৱানেও এইবাৰ ক্ৰিকেট কেৰিয়াৰৰ অন্ত পেলাই । ২০২৫ চনৰ ৫ জানুৱাৰীত অৱসৰৰ কথা ঘোষণা কৰে তেওঁ ।
ঈশান্ত শৰ্মা-
২০২৫ চনৰ ডিচেম্বৰ মাহত টি-২০ আন্তঃৰাষ্ট্ৰীয় ক্ৰিকেটৰ পৰা অৱসৰ লোৱাৰ সিদ্ধান্ত লোৱা ঈশান্ত শৰ্মাই দেশৰ হৈ বহু স্মৰণীয় খেল খেলিছিল । টেষ্ট ক্ৰিকেটত তেওঁৰ ৩০০ৰো অধিক উইকেট আছে ।
লগতে পঢ়ক : বিজয় হাজাৰে ট্ৰফীৰ প্ৰথম দিনটোতে ভংগ হ’ল এই ১০ টা অভিলেখ… জিলিকিল ৰোহিত-কোহলী
