ইণ্ডিয়ান প্ৰিমিয়াৰ লীগৰ ৩১ সংখ্যক মেচখন মঙলবাৰে পঞ্জাব কিংছ (পি বি কে এছ) আৰু কলকাতা নাইট ৰাইডাৰ্ছ (কে কে আৰ)ৰ মাজত অনুষ্ঠিত হয় । এই ৰোমাঞ্চকৰ খেলখনত পঞ্জাৱে ১৬ ৰাণত জয়লাভ কৰে । চণ্ডীগড়ৰ মুলনপুৰত অনুষ্ঠিত হোৱা মেচখনত কলকাতাই ১১২ ৰানৰ লক্ষ্যত উপনীত হোৱাত ব্যৰ্থ হয় । আই পি এলৰ ইতিহাসত পঞ্জাৱ দলে সৰ্বনিম্ন মুঠ ৰক্ষা কৰিছে । ইয়াৰ পূৰ্বে ২০০৯ চনত চেন্নাই আৰু পঞ্জাৱৰ মাজত খেলা মেচখনত মুঠ ১১৬ ৰান ডিফেণ্ড হৈছিল ।

এই মেচখনত পঞ্জাব কিংছৰ অধিনায়ক শ্ৰেয়াছ আয়াৰে টছত জয়লাভ কৰি প্ৰথমে বেটিং কৰাৰ সিদ্ধান্ত লয় । কিন্তু পঞ্জাবে ১৬ অভাৰত ১১১ ৰানত অল আউট হয় । হৰ্ষিত ৰাণাই ৩টা উইকেট দখল কৰাৰ বিপৰীতে বৰুণ চক্ৰৱৰ্তী আৰু সুনীল নাৰিনে ২টাকৈ উইকেট লাভ কৰে । পঞ্জাৱে বান্ধি দিয়া লক্ষ্য দেখি নাৰিন, ৰাছেল আৰু ৰিংকু সিঙৰ দৰে বিস্ফোৰক বেটছমেনেৰে সজ্জিত কলকাতাই ইয়াক সহজেই উপনীত হ’ব বুলি আশা কৰা হৈছিল ।

কিন্তু যেতিয়া কে কে আৰ বেটিং কৰিবলৈ খেলপথাৰত নামিছিল, তেতিয়া প্ৰথম অভাৰৰ পৰাই তেওঁলোকৰ পতন আৰম্ভ হৈছিল আৰু ৰাহানেৰ সমগ্ৰ দলটো চাহালৰ স্পীনত আৱদ্ধ হৈ পৰা দেখা গৈছিল । পঞ্জাৱৰ বলাৰসকলে কলকাতাক ১১২ ৰানৰ লক্ষ্যত উপনীত হোৱাত বাধা প্ৰদান কৰে আৰু ১৬ নং অভাৰত সমগ্ৰ দলটো ৯৫ ৰানতে অল আউট হয় । চাহালে ৪টা উইকেট দখল কৰে ।

কলকাতাৰ ইনিংছ-

১১২ ৰানৰ লক্ষ্য অনুসৰণ কৰি কে কে আৰৰ আৰম্ভণি দুৰ্বল আছিল । প্ৰথম অভাৰতে সুনীল নাৰিন পেভিলিয়নমুখী হয় । তেওঁৰ বেটৰ পৰা মাত্ৰ ৫ ৰানহে আহে । ইয়াৰ পিছত কুইণ্টন ডি ককেও পৰৱৰ্তী অভাৰত পেভিলিয়নলৈ উভতি আহে । তেওঁৰ বেটৰ পৰা মাত্ৰ ২ ৰানহে আহে । কিন্তু ইয়াৰ পিছত ৰাহানেই কিছু ভাল শ্বট খেলিছিল যদিও ৮ম অভাৰত আউট হয় অধিনয়াকগৰাকী । ৰাহানেই ১৭ ৰান সংগ্ৰহ কৰে । ইয়াৰ পিছত ৰঘুবংশীও দশম অভাৰত আউট হয় ।

ইয়াৰ পিছত একেবাৰে পৰৱৰ্তী অভাৰত মেক্সৱেলে ভেংকটেশ আয়াৰক আউট কৰে । ইয়াৰ পাছতে চাহালে তৃতীয় অভাৰত ৰিংকু সিং আৰু ৰমনদীপক পেভিলিয়নৰ বাট দেখুৱাই । ইয়াৰ পিছত কলকাতাই বিশেষ প্ৰদৰ্শন কৰাত ব্যৰ্থ হয় । ৰাছেলে নিশ্চিতভাৱে কিছুমান আক্ৰমণাত্মক শ্বট খেলিছিল । কিন্তু দলক জয়ৰ সোৱাদ দিয়াত ব্যৰ্থ হয় । ১৬ অভাৰৰ প্ৰথমটো বলত কে কে আৰ অল আউট হয় । ফলত পঞ্জাৱে ১৬ ৰানত জয়লাভ কৰে ।

পঞ্জাৱৰ বেটিং-

টছত জয়ী হৈ প্ৰথমে বেটিং কৰিবলৈ যোৱা পঞ্জাৱৰ আৰম্ভণি ভাল আছিল । প্ৰিয়ংশ আৰ্যই ভাল শ্বট খেলিছিল । কিন্তু চতুৰ্থ অভাৰত প্ৰিয়ংশ আৰ্যক হৰ্ষিত ৰাণাই আউট কৰে । আৰ্যৰ বেটৰ পৰা ২২ ৰান আহে । ইয়াৰ পিছত পঞ্জাব বিপৰ্যয়ৰ সন্মুখীন হ’বলগীয়া হয় । চতুৰ্থ অভাৰত শ্ৰেয়াছ আয়াৰো কোনো ৰান নকৰাকৈ পেভিলিয়নমুখী হয় ।

ইয়াৰ পিছত পৰৱৰ্তী অভাৰত জোছ ইংলিছো আউট হয় । পাৱাৰপ্লেৰ শেষ অভাৰত প্ৰভসিমৰন সিঙেও উইকেট বিসৰ্জন দিয়ে । তেওঁৰ বেটৰ পৰা মাত্ৰ ৩০ ৰানহে আহে । ৯ম অভাৰত নেহাল ৱাধেৰাও ১০ ৰান সংগ্ৰহ কৰি আউট হয় । ইয়াৰ পিছতে পঞ্জাৱৰ বেটিং তাচ পাতৰ দৰে ভাঙি পৰে । পঞ্জাবে সম্পূৰ্ণ ২০ অভাৰ খেলাত ব্যৰ্থ হয় আৰু ১৬ অভাৰত ১১১ ৰানত অল আউট হয় ।

ইণ্ডিয়ান প্ৰিমিয়াৰ লীগত আজি অৰ্থাৎ মঙলবাৰে পঞ্জাব কিংছ (পি বি কে এছ)ৰ মুখামুখি হ’ব কলকাতা নাইট ৰাইডাৰ্ছ (কে কে আৰ) । এই খেলখন চণ্ডীগড়ৰ মুলনপুৰত অনুষ্ঠিত হ’ব । অন্তিমখন খেলত ছানৰাইজাৰ্ছ হায়দৰাবাদ (এছ আৰ এইচ)ৰ হাতত ৮ উইকেটত পৰাস্ত হৈছিল পঞ্জাব কিংছ । মেচখন যথেষ্ট ৰোমাঞ্চকৰ আছিল কাৰণ এছ আৰ এইচৰ বেটছমেনসকলে ২৪৬ ৰানৰ লক্ষ্যত সহজেই উপনীত হৈছিল । অৱশ্যে এই পৰ্যন্ত ৫ খন মেচৰ ভিতৰত ৩ খন খেলত জয়লাভ কৰি পি বি কে এছৰ যোগ্যতাৰ আশা সজীৱ হৈ আছে ।

একে সময়তে চেন্নাইত কে কে আৰে অন্তিমখন খেলত চেন্নাই ছুপাৰ কিংছ (চি এছ কে)ক পৰাস্ত কৰে । কে কে আৰৰ বলাৰ বিশেষকৈ তেওঁলোকৰ স্পীনাৰসকলে উজ্জ্বল প্ৰদৰ্শন আগবঢ়াই ২০ অভাৰত চেন্নাইক ১০৩/৯ ৰানত সীমাবদ্ধ কৰি ৰাখে । কে কে আৰে চেন্নাইক সম্পূৰ্ণৰূপে নিয়ন্ত্ৰণত ৰাখি ৬১টা বলত ১০৪ ৰানৰ লক্ষ্যত উপনীত হয় ।

কোনটো দলৰ কিমান শক্তিশালী-

এই পৰ্যন্ত আই পি এলৰ ইতিহাসত পঞ্জাব কিংছ আৰু কে কে আৰৰ মাজত ৩৩খন মেচ অনুষ্ঠিত হৈছে । ইয়াত কে কে আৰৰ আধিপত্য দেখা গৈছে । কে কে আৰে ২১খন মেচত জয়লাভ কৰাৰ বিপৰীতে পঞ্জাৱ দলে মাত্ৰ ১২খন মেচত জয়লাভ কৰিবলৈ সক্ষম হৈছে । দ্বিতীয়তে বেটিং কৰা দলটোৱে অধিক মেচত জয়লাভ কৰিছে । উল্লেখ্য যে পঞ্জাৱৰ বিৰুদ্ধে আন্দ্ৰে ৰাছেলৰ পৰিসংখ্যা উৎকৃষ্ট । ৰাছেলে এই পৰ্যন্ত পঞ্জাৱৰ বিৰুদ্ধে ৪৩২ ৰান সংগ্ৰহ কৰিছে ।

খেলখনৰ পিটচ ৰিপৰ্ট :

এই মেচৰ বাবে খেলপথাৰৰ পিটচ বেটিঙৰ বাবে অনুকূল বুলি কোৱা হয়, যাৰ বাবে ই উচ্চ স্ক’ৰ কৰা মেচ হ’ব পাৰে । দুয়োটা দলৰ বেটিং লাইন আপ শক্তিশালী, যিয়ে ৰান সংগ্ৰহত সহায় কৰিব । পিটচখন বলাৰসকলৰ বাবে বিশেষ সহায়ক নহ’ব, গতিকে টছত জয়ী হোৱা দলটোৱে প্ৰথমে বেটিং কৰাৰ সিদ্ধান্ত ল’ব লাগে কাৰণ লক্ষ্য খেদিবলৈ সহজ হ’ব ।

পঞ্জাব কিংছ (পি বি কে এছ)ৰ সম্ভাৱ্য মূল একাদশ :

প্ৰিয়ংশ আৰ্য, প্ৰভসিমৰন সিং, শ্ৰেয়াছ আয়েৰ, মাৰ্কাছ ষ্টয়নিছ, নেহাল ৱাধেৰা, গ্লেন মেক্সৱেল, শশাংক সিং, যশ ঠাকুৰ, অৰ্শদীপ সিং, লকি ফাৰ্গুচন, যুজবেন্দ্ৰ চাহাল ।

কলকাতা নাইট ৰাইডাৰ্ছৰ সাম্ভাব্য মূল একাদশ-

কুইণ্টন ডি কক, সুনীল নাৰিন, অজিংক্য ৰাহানে, ভেংকটেশ আয়াৰ, ৰিংকু সিং, মইন আলী, আন্দ্ৰে ৰাছেল, ৰমনদীপ সিং, হৰ্ষিত ৰানা, বৈভৱ অৰোৰা, বৰুণ চক্ৰৱৰ্তী ।

জয়পুৰৰ ছাৱাই মানসিং ষ্টেডিয়ামত আজি ৰাজস্থান ৰয়েলছ আৰু ৰয়েল চেলেঞ্জাৰছ বেংগালুৰুৰ মাজত অনুষ্ঠিত হ’ব আই পি এল ২০২৫ৰ ২৮ সংখ্যক মেচ । ঘৰুৱা খেলপথাৰত ১৮ সংখ্যক ছিজনৰ এইখন হ’ব ৰাজস্থানৰ প্ৰথমখন মেচ । এই মেচত খেলপথাৰৰ অৱস্থা কেনেকুৱা লগতে জানক ইয়াত আই পি এলৰ অভিলেখ আৰু দুয়োটা দলৰ হেড টু হেড ৰেকৰ্ড ।

এই মেচৰ পূৰ্বে ৰাজস্থান ৰয়েলছে ৫ খন মেচ খেলিছে, ইয়াৰে ২ খনত জয় আৰু ৩ খনত পৰাস্ত হৈছে । একে সময়তে ৰজত পাটিদাৰৰ অধিনায়কত্বত থকা আৰ চি বিৰ দলটোৱে একেৰাহে দুখন খেলত জয়লাভ কৰিছিল যদিও তাৰ পাছত দুখনত পৰাজয়ৰো সন্মুখীন হ’বলগীয়া হৈছে । বৰ্তমান ৫ খন মেচৰ ভিতৰত দলটোৱে ৩ খনত জয় আৰু ২ খনত পৰাস্ত হৈছে । পইণ্ট তালিকাত আৰ চি বি আৰু ৰাজস্থান ক্ৰমে ৫ম আৰু ৭ম স্থানত আছে ।

ছাৱাই মানসিং ষ্টেডিয়ামত আই পি এলৰ ৰেকৰ্ড-

জয়পুৰৰ ছাৱাই মানসিং ষ্টেডিয়ামত আই পি এলৰ মুঠ ৫৭খন খেল অনুষ্ঠিত হৈছে । প্ৰথম বেটিং কৰা দলটোৱে মাত্ৰ ২০ বাৰহে জয়লাভ কৰাৰ বিপৰীতে প্ৰথমে বলিং কৰা দলটোৱে ৩৭ বাৰ জয়লাভ কৰিছে । টছত জয়ী হোৱা দলটোৱে ইয়াত ৩০ বাৰ আৰু পৰাজিত দলে ২৭ বাৰ মেচত জয়লাভ কৰিছে ।

-ছাৱাই মানসিং ষ্টেডিয়ামত আই পি এলৰ সৰ্বোচ্চ স্ক’ৰঃ ২১৭/৬ (এছ আৰ এইচ বনাম আৰ আৰ)

-আই পি এলত সৰ্বাধিক ব্যক্তিগত স্ক’ৰঃ আৰ চি বিৰ হৈ বিৰাট কোহলী (১১৩ বনাম আৰ আৰ)

-আই পি এলৰ শ্ৰেষ্ঠ স্পেল: আৰ আৰৰ বাবে সোহেইল তনভিৰ (৬/১৪ বনাম চি এছ কে)

-সৰ্বোচ্চ সফল ৰান চেজ: ১৯৯ (আৰ আৰৰ বিৰুদ্ধে জি টি)

ৰাজস্থান ৰয়েলছ বনাম ৰয়েল চেলেঞ্জাৰছ বাংগালুৰু হেড টু হেড-

আই পি এলত ৰাজস্থান আৰু বাংগালুৰুৰ মাজত মুঠ ৩২খন মেচ অনুষ্ঠিত হৈছে । ইয়াৰে বেংগালুৰুৱে ১৫ বাৰ আৰু ৰাজস্থানে ১৪ বাৰ জয় লাভ কৰিছে । ৰাজস্থানৰ বিৰুদ্ধে আই পি এলৰ সৰ্বোচ্চ স্ক’ৰ ২০০ । বেংগালুৰুৰ বিৰুদ্ধে ৰাজস্থানৰ সৰ্বোচ্চ স্ক’ৰ ২১৭ ।

ছাৱাই মানসিং ষ্টেডিয়ামৰ পিটচ ৰিপৰ্ট-

জয়পুৰৰ ছাৱাই মানসিং ষ্টেডিয়ামৰ খেলপথাৰখন ক’লা মাটিৰে নিৰ্মিত । ইয়াত ৰান সংগ্ৰহ কৰাটো সহজ নহ’ব, অৱশ্যে ইয়াত দ্ৰুত বলাৰসকলক লক্ষ্য কৰি ডাঙৰ স্ক’ৰ লাভ কৰিব পৰা যাব । ইয়াত স্পীনাৰৰ বিৰুদ্ধে খেলাটো কঠিন হ’ব । ইয়াত ১৯০ পৰ্যন্ত স্ক’ৰ প্ৰথমে বেটিং কৰা দলটোৰ বাবে ভাল বুলি গণ্য কৰা হ’ব । টছত জয়ী হোৱাৰ পিছত ইয়াত প্ৰথমে বেটিং কৰাৰ সিদ্ধান্তটো উপযুক্ত হ’ব ।

ছানৰাইজাৰ্ছ হায়দৰাবাদৰ খেলুৱৈ অভিষেক শৰ্মাৰ বিস্ফোৰক প্ৰদৰ্শন । আই পি এল ২০২৫ৰ ২৭ সংখ্যক মেচত পঞ্জাব কিংছৰ বিৰুদ্ধে দুৰ্দান্ত শতক অৰ্জন কৰে অভিষেকে । অভিষেকে মাত্ৰ ৪০টা বলত শতক সম্পূৰ্ণ কৰি বহু অভিলেখ ভংগ কৰে । এই ইনিংছত তেওঁ ছয় আৰু চাৰিৰ বৰষুণ নমায় । ট্ৰেভিছ হেডেও অভিষেকক সমৰ্থন কৰে কিন্তু ৬৬ ৰান সংগ্ৰহ কৰি আউট হয় তেওঁ ।

পঞ্জাব কিংছৰ বিৰুদ্ধে হায়দৰাবাদৰ হৈ অ’পেনিং কৰিবলৈ আহিছিল অভিষেক । এই সময়ছোৱাত তেওঁ ৫৫টা বলৰ সন্মুখীন হৈ ১৪১ ৰান সংগ্ৰহ কৰে । এই ইনিংছত অভিষেকে ১৪টা চাৰি আৰু ১০টা ছয় কোবাই । এই ইনিংছৰ আধাৰত তেওঁ বহু অভিলেখ ভংগ কৰে । আই পি এলত দ্ৰুততম শতক অৰ্জন কৰা ষষ্ঠজন খেলুৱৈ হিচাপে পৰিগণিত হৈছে অভিষেক । অভিষেকে মাত্ৰ ৪০টা বলত নিজৰ শতক সম্পূৰ্ণ কৰে ।

আই পি এলত দ্ৰুততম শতক-

৩০ বল – ক্ৰীছ গেইল (আৰ চি বি), ২০১৩

৩৭ বল – ইউছুফ পাঠান (আৰ আৰ), ২০১০

৩৮ বল – ডেভিদ মিলাৰ (পাঞ্জাব), ২০১৩

৩৯ বল – ট্ৰেভিছ হেড (হায়দৰাবাদ) বনাম আৰ চি বি, বেংগালুৰু, ২০২৪

৩৯ বল – প্ৰিয়ংশ আৰ্য্য (পাঞ্জাৱ) বনাম চি এছ কে, মল্লপুৰ, ২০২৫

৪০ বলত – অভিষেক শৰ্মা (হায়দৰাবাদ) বনাম পি বি কে এছ, হায়দৰাবাদ, ২০২৫*

ইণ্ডিয়ান প্ৰিমিয়াৰ লীগত আজি অৰ্থাৎ ১০ এপ্ৰিলত ৰয়েল চেলেঞ্জাৰছ বেংগালুৰু আৰু দিল্লী কেপিটেলছৰ দল মুখামুখি হ’ব । দিল্লী কেপিটেলছে তিনিখন খেলৰ ভিতৰত তিনিওখন খেলত জয়লাভ কৰাৰ বিপৰীতে ৰয়েল চেলেঞ্জাৰছ বাংগালুৰুৱে চাৰিখন খেলৰ ভিতৰত তিনিখন খেলত জয়লাভ কৰিছে । এনে পৰিস্থিতিত এই মেচত দুয়োটা দলৰ মাজত তীব্ৰ প্ৰতিদ্বন্দ্বিতা দেখা যাব । এই খেলখন বেংগালুৰুৰ এম চিন্নাস্বামী ষ্টেডিয়ামত অনুষ্ঠিত হ’ব ।

কলকাতা, চেন্নাই, মুম্বাইৰ দৰে দলক পৰাস্ত কৰিছে আৰ চি বিয়ে । ঘৰুৱা ক্ষেত্ৰত গুজৰাট টাইটানছৰ বিৰুদ্ধে দলটোৱে একমাত্ৰ পৰাজয়ৰ সন্মুখীন হৈছে । কিন্তু ঘৰুৱা দলটো আত্মবিশ্বাসেৰে ভৰি পৰিব কাৰণ বৰ্তমান তাৰকা বেটছমেন বিৰাট কোহলীৰ ফৰ্ম অতি উত্তম ।

কোহলী বনাম ষ্টাৰ্ক আৰু কুলদীপ-

৩৬ বছৰীয়া বিৰাট কোহলীয়ে মিচেল ষ্টাৰ্ক আৰু বাওঁহাতৰ ৰিষ্ট স্পীনাৰ কুলদীপ যাদৱৰ প্ৰত্যাহ্বানৰ সন্মুখীন হ’ব । টি-২০ত ষ্টাৰ্কৰ তুলনাত সামান্য আছে কোহলী কাৰণ তেওঁ ৩১টা বলত ৭২ ৰান সংগ্ৰহ কৰিছে যদিও অষ্ট্ৰেলিয়ান পেচাৰগৰাকীয়ে এই ছিজনত ভয়ংকৰ ফৰ্মত আছে । তিনিখন মেচত গড়ে ১১ ৰানত ৯টা উইকেট দখল কৰিছে ষ্টাৰ্কে ।ইয়াত আৰ চি বিৰ অধিনায়ক ৰজত পাটিদাৰেও ডাঙৰ ভূমিকা পালন কৰিব কাৰণ তেওঁ স্পীনৰ বিৰুদ্ধে খেলিব পৰা এজন উৎকৃষ্ট খেলুৱৈ ।

এই পৰ্যন্ত আই পি এলত আৰ চি বি আৰু দিল্লী কেপিটেলছৰ মাজত ৩১খন মেচ অনুষ্ঠিত হৈছে । ইয়াৰে আৰ চি বিয়ে ২০খন খেলত জয়লাভ কৰাৰ বিপৰীতে দিল্লী কেপিটেলছে ১১খন মেচত জয়লাভ কৰিছে ।

আৰ চি বিৰ সম্ভাৱ্য মূল একাদশ :

ফিল ছল্ট, বিৰাট কোহলী, দেৱদত্ত পদ্দিকল, ৰজত পাটিদাৰ (অধিনায়ক), লিয়াম লিভিংষ্টন, জিতেশ শৰ্মা (উইকেটকীপাৰ), টিম ডাভিদ, ক্ৰুনাল পাণ্ডিয়া, ভুৱনেশ্বৰ কুমাৰ, জোছ হেজলউড, যশ দয়াল, সুয়শ শৰ্মা ।

দিল্লী কেপিটেলছৰ সম্ভাৱ্য মূল একাদশ :

জেক ফ্ৰেজাৰ-মেকগাৰ্ক, কে এল ৰাহুল, অভিষেক পোৰেল, ট্ৰিষ্টান ষ্টাবছ, সমীৰ ৰিজভি, অক্ষৰ পেটেল (অধিনায়ক), আশুতোষ শৰ্মা, বিপ্ৰজ নিজৰাম, মিচেল ষ্টাৰ্ক, কুলদীপ যাদৱ, মোহিত শৰ্মা, মুকেশ কুমাৰ ।

ইণ্ডিয়ান প্ৰিমিয়াৰ লীগৰ ২৩ সংখ্যক খেলখন বুধবাৰে গুজৰাট টাইটানছ আৰু ৰাজস্থান ৰয়েলছৰ মাজত অনুষ্ঠিত হয় । এই মেচখন আহমেদাবাদৰ নৰেন্দ্ৰ মোদী ষ্টেডিয়ামত অনুষ্ঠিত হয় । এই খেলখনত গুজৰাটে ৰাজস্থানক ৫৮ ৰানত পৰাস্ত কৰে ।

মেচখনত টছত জয়লাভ কৰাৰ পাছত ৰাজস্থানে প্ৰথমে বলিং কৰাৰ সিদ্ধান্ত লয় । প্ৰথমে বেটিং কৰি গুজৰাটে ৰাজস্থানক ২১৮ ৰানৰ লক্ষ্য নিৰ্ধাৰণ কৰি দিয়ে । ছাই সুদৰ্শনে ৮২ ৰানৰ এক উজ্জ্বল ইনিংছ খেলে । ইয়াৰ প্ৰত্যুত্তৰত ৰাজস্থানে ১৯.২ অভাৰত মাত্ৰ ১৫৯ ৰানহে কৰিবলৈ সক্ষম হয় আৰু আটাইকেইটা উইকেট হেৰুৱাই পৰাজয়ৰ সন্মুখীন হয় । এই জয়ৰ জৰিয়তে গুজৰাটে ৫খন খেলত ৪ খনত জয় আৰু ১ খনত পৰাজয়ৰে পইণ্ট তালিকাৰ শীৰ্ষত উপনীত হয় । আনহাতে, পাঁচখন মেচত দুখনত জয় আৰু তিনিখনত পৰাজয়ৰে এতিয়া সপ্তম স্থানত আছে ৰাজস্থান দল ।

ৰাজস্থানৰ ইনিংছ-

২১৮ ৰানৰ প্ৰত্যুত্তৰত ৰাজস্থানৰ আৰম্ভণি ভাল নাছিল । দ্বিতীয় অভাৰতে যশস্বী জয়ছোৱাল আৰছাদ খানৰ বলি হয় । যশস্বীৰ বেটৰ পৰা মাত্ৰ ৬ ৰানহে আহে । ইয়াৰ পিছতে তৃতীয় অভাৰত এটা ৰান সংগ্ৰহ কৰি আউট হয় নীতিশ ৰানা । অৱশ্যে ইয়াৰ পিছত সঞ্জু চেমচন আৰু ৰিয়ান পৰাগে দলৰ ইনিংছৰ দায়িত্ব লয় ।

গুজৰাটৰ বেটিং-

প্ৰথমে বেটিং কৰিবলৈ অহা গুজৰাটৰ আৰম্ভণি ভাল নাছিল । তৃতীয় অভাৰতে জফ্ৰা আৰ্চাৰে গুজৰাটৰ অধিনায়ক গীলক বল্ড কৰে । সেই সময়ত গুজৰাটৰ স্ক’ৰ আছিল মাত্ৰ ১৪ ৰান । কিন্তু ইয়াৰ পিছত ছাই সুদৰ্শন আৰু জোছ বাটলাৰৰ মাজত এক উজ্জ্বল অংশীদাৰিত্বৰ সৃষ্টি হয় । বাটলাৰে বিস্ফোৰক বেটিং কৰে । দশম অভাৰত গুজৰাটৰ স্ক’ৰ ৯৪ ৰান হোৱাৰ সময়তে বাটলাৰৰ উইকেটৰ পতন ঘটে । ছাই সুদৰ্শনে ৮২ ৰানৰ বিস্ফোৰক ইনিংছ খেলে । শ্বাহৰুখ খানেও ৩৬ ৰান সংগ্ৰহ কৰে । পিছত ৰাহুল তেৱাতিয়াই শ্বৰ্ট ন’ক খেলে, যাৰ বাবে গুজৰাটে ৰাজস্থানৰ সন্মুখত ২১৮ ৰানৰ লক্ষ্য স্থাপন কৰে ।

আই পি এল ২০২৫ৰ ২৩ সংখ্যক মেচত আজি মুখামুখি হ’ব গুজৰাট টাইটানছ আৰু ৰাজস্থান ৰয়েলছ । নৰেন্দ্ৰ মোদী ক্ৰিকেট ষ্টেডিয়ামত আজি অনুষ্ঠিত হ’ব এই খেলখন । ইতিমধ্যে পইণ্ট তালিকাত দ্বিতীয় স্থানত আছে শুভমন গীল নেতৃত্বাধীন গুজৰাট আৰু সপ্তম স্থানত আছে সঞ্জু ছেমচন নেতৃত্বাধীন ৰাজস্থান ৰয়েলছ ।

শুভমন গীলৰ অধিনায়কত্বত থকা গুজৰাট টাইটানছ ৪খন মেচৰ ভিতৰত ৩খনত জয়লাভ কৰাৰ বিপৰীতে মাত্ৰ ১খন মেচত পৰাস্ত হৈছে । ৰাজস্থান ৰয়েলছ ৪ খন মেচৰ ভিতৰত ২ খনত জয় আৰু ২ খনত পৰাস্ত হৈছে । গীলৰ অধিনায়কত্বত থকা গুজৰাটৰ ঘৰুৱা খেলপথাৰত শক্তিশালী দেখা গৈছে । এই খেলপথাৰত এতিয়ালৈকে আই পি এল ২০২৫ত ২ খন মেচ খেলা হৈছে, তাৰ ভিতৰত গুজৰাটে এখন মেচত জয়ী আৰু এখনত পৰাস্ত হৈছে ।

আহমেদাবাদত আই পি এল ৰেকৰ্ড-

এই পৰ্যন্ত নৰেন্দ্ৰ মোদী ক্ৰিকেট ষ্টেডিয়ামত মুঠ ৩৭ খন আই পি এল মেচ অনুষ্ঠিত হৈছে । প্ৰথম বেটিং কৰা দলটোৱে ১৭ বাৰ আৰু প্ৰথমে বলিং কৰা দলটোৱে ২০ বাৰ জয় লাভ কৰিছে । টছত জয়ী হোৱা দলটোৱে ১৭ বাৰ আৰু পৰাজিত দলটোৱে ২০ বাৰ জয়লাভ কৰিছে । ইয়াত সৰ্বাধিক স্কৰ মুঠ ২৪৩, যিটো গুজৰাটৰ বিৰুদ্ধে পঞ্জাব কিংছে কৰিছিল । ইয়াত সৰ্বাধিক ব্যক্তিগত স্ক’ৰ হৈছে শুভমন গীলৰ, যি ২০১৩ চনত মুম্বাইৰ বিৰুদ্ধে ১২৯ ৰান সংগ্ৰহ কৰিছিল ।

২০২৫ চনৰ আই পি এলত নৰেন্দ্ৰ মোদী ক্ৰিকেট ষ্টেডিয়ামত ২ খন খেল অনুষ্ঠিত হৈছে । প্ৰথম বেটিং কৰা দলটোৱে দুয়োবাৰেই জয়লাভ কৰিছে । প্ৰথমখন খেলত পঞ্জাব কিংছে ১১ ৰাণত জয়লাভ কৰে আৰু দ্বিতীয়খন মেচত গুজৰাট টাইটানছৰ ৩৬ ৰানত জয়লাভ কৰে ।

নৰেন্দ্ৰ মোদী ক্ৰিকেট ষ্টেডিয়ামত বাউন্স হোৱা দেখা যাব, ই হ’ব বেটিং পিটচ য’ত ২০০ ৰান সংগ্ৰহ কৰাটো ডাঙৰ কথা নহ’ব । আজিৰ খেলখনত টছত জয়ী হোৱা অধিনায়কে প্ৰথমে বেটিং কৰাৰ সিদ্ধান্ত লোৱা উচিত, ইয়াত টাৰ্গেট অনুসৰণ কৰি জয়ী হোৱাটো অতি কঠিন । প্ৰথমে বেটিং কৰা দলটোৱে প্ৰায় ২১০ ৰান সংগ্ৰহ কৰা আৱশ্যক ।