মুখ্যমন্ত্ৰী ড০ হিমন্ত বিশ্ব শৰ্মাই সামাজিক মাধ্যম যোগে ঘোষণা কৰিছে যে আজি বিতৰণ কৰা হ’ব কেবিনেটৰ মন্ত্ৰীসকলৰ দপ্তৰ।

আজি বিতৰণ কৰা হ’ব ড০ হিমন্ত বিশ্ব শৰ্মা কেবিনেটৰ মন্ত্ৰীসকলৰ দপ্তৰ। কিছু সময় পিছতে মুখ্যমন্ত্ৰীগৰাকীয়ে আনুষ্ঠানিকভাৱে কৰিব ঘোষণা। সামাজিক মাধ্যমত এটা পোষ্টৰ জৰিয়তে মুখ্যমন্ত্ৰী ড০ হিমন্ত বিশ্ব শৰ্মাই এই কথা সদৰি কৰিছে।

নতুন চৰকাৰৰ ১২ গৰাকী মন্ত্ৰীৰ মাজত ভাগ কৰা হ’ব দায়িত্ব।কেবিনেটৰ ৪ গৰাকী মন্ত্ৰীক ইতিমধ্যে প্ৰদান কৰা হৈছে দপ্তৰ। ৫ জুনত ১২ গৰাকী মন্ত্ৰীয়ে শপত গ্ৰহণ কৰিছিলে। ৰাজ্যৰ সৰ্বাংগীণ উন্নতি আৰু সমৃদ্ধিৰ বাবে দপ্তৰ আবণ্টন দিয়াৰ কথা প্ৰকাশ মুখ্যমন্ত্ৰীৰ।

লগতে পঢ়ক: বিপৰ্যয়ৰ সন্মুখীন মমতাৰ তৃণমূল কংগ্ৰেছ; ৰাজ্যসভাৰ দুগৰাকীকৈ সাংসদৰ পদত্যাগ সম্ভাৱনা

মুখ্যমন্ত্ৰী ড০ হিমন্ত বিশ্ব শৰ্মাৰ দ্বিতীয় কাৰ্যকালৰ মন্ত্ৰীসভাত বৃহৎ পৰিৱৰ্তন দেখিবলৈ পোৱা গৈছে।

নতুন চৰকাৰ গঠন কৰাৰ পিছত এইবাৰ বিতৰণ কৰা হ’ল ড০ হিমন্ত বিশ্ব শৰ্মাৰ মন্ত্ৰীসভাৰ দপ্তৰ। মুখ্যমন্ত্ৰী হিমন্ত বিশ্ব শৰ্মাৰ দ্বিতীয় কাৰ্যকালৰ চৰকাৰৰ অন্যতম বৃহৎ পৰিৱৰ্তন দেখিবলৈ পোৱা গৈছে।এইবাৰ জ্যেষ্ঠ মন্ত্ৰী অজন্তা নেওগে নাপালে বিত্ত বিভাগ। ১৪ মে’ত অসমৰ ৰাজ্যপাল লক্ষ্মণপ্ৰসাদ আচাৰ্যই অনুমোদন জনোৱা চৰকাৰী অধিসূচনা অনুসৰি এতিয়া অজন্তা নেওগক মহিলা আৰু শিশু উন্নয়ন আৰু পৰ্যটন বিভাগৰ বাবে আবণ্টন দিয়া হৈছে।

বিজেপি নেতৃত্বাধীন চৰকাৰৰ পূৰ্বৰ কাৰ্যকালত অসমৰ বিত্তমন্ত্ৰী হিচাপে কাৰ্যনিৰ্বাহ কৰা নেওগে প্ৰশাসনৰ বিত্তীয় আৰু বাজেট ব্যৱস্থাপনাৰ অন্যতম মূল মুখ হিচাপে বিবেচিত হৈছিল।

ইয়াৰ উপৰিও ৰামেশ্বৰ তেলীক উন্নয়ন, শ্ৰমিক কল্যাণ, চাহ জনজাতি আৰু আদিবাসী উন্নয়নৰ দপ্তৰ, অতুল বৰাক পঞ্চায়ত আৰু গ্ৰামোন্নয়ন, অসম চুক্তি ৰূপায়ণ, সীমান্ত সুৰক্ষা আৰু উন্নয়ন, আৰু আবকাৰী বিভাগ, চৰণ বড়োক বডোলেণ্ডৰ কল্যাণৰ লগতে পৰিবহণ বিভাগৰ দায়িত্ব দিয়া হৈছে।

ৰাজ্যপালগৰাকীয়ে মুখ্যমন্ত্ৰীৰ সৈতে হোৱা বাৰ্তালাপত কয় যে তেওঁ মুখ্যমন্ত্ৰীৰ “পৰামৰ্শ অনুসৰি” প্ৰস্তাৱিত দপ্তৰৰ আবণ্টনত অনুমোদন জনাইছে।

লগতে পঢ়ক: পশ্চিমবংগত বিজেপিৰ চৰকাৰ, অধিক সুৰক্ষিত অনুভৱ কৰিছে অসমেঃ মুখ্যমন্ত্ৰী হিমন্ত বিশ্ব শৰ্মা