বিজেপিৰ সাংসদ তথা অভিনেত্ৰী কংগনা ৰানাৱটে ‘নেপটিজিম’ আৰু চলচ্চিত্ৰ জগতত ‘ষ্টাৰ কিডছ’ক প্ৰদান কৰা বিশেষ সুবিধাৰ সন্দৰ্ভত সৰৱ হৈ পৰিছে। পুনৰবাৰ অনন্যা পাণ্ডেৰ নাম উল্লেখ নকৰাকৈয়ে কটাক্ষ কৰিছে।

বলীউডৰ ‘কুউন’ কংগনা ৰানাৱট তেওঁৰ স্পষ্টবাদী বক্তব্য আৰু ছ’চিয়েল মিডিয়াত কৰা পোষ্টৰ বাবে প্ৰায়ে শিৰোনামত থাকে।কংগনাই সদায় নেপোটিজম আৰু চলচ্চিত্ৰ উদ্যোগৰ তাৰকা সন্তানক দিয়া বিশেষ সুযোগৰ বিষয়ে মন্তব্য দি থাকে।শেহতীয়াকৈ তেওঁ পুনৰবাৰ নাম নোলোৱাকৈ বলীউডৰ অভিনেত্ৰী অনন্যা পাণ্ডেক তীক্ষ্ণ সমালোচনা কৰিছে।

দৰাচলতে কৰণ জোহৰৰ প্ৰযোজনাৰ নতুন ছবি চান্দ মেৰা দিলত অনন্যা পাণ্ডেৰ এটা নৃত্যৰ ছিকুৱেন্স সম্প্ৰতি ছ’চিয়েল মিডিয়াত ভাইৰেল হৈ আছে,য’ত তেওঁক ভৰতনাট্যম পৰিৱেশন কৰা দেখা যায়।অৱশ্যে এই নৃত্য প্ৰদৰ্শনৰ বাবে ছ’চিয়েল মিডিয়াত অনন্যাক যথেষ্ট ট্ৰ’ল কৰা হৈছে। ইফালে কংগনা ৰানাৱটে কালজয়ী কিংবদন্তি অভিনেত্ৰী বৈজয়ন্তীমালাৰ এটা পুৰণি শাস্ত্ৰীয় নৃত্যৰ ভিডিঅ’ শ্বেয়াৰ কৰে,বৰ্তমান প্ৰচণ্ড ট্ৰলিঙৰ সন্মুখীন হোৱা অনন্যা পাণ্ডেৰ নৃত্যৰ সৈতে ইয়াৰ পোনপটীয়া সম্পৰ্ক স্থাপন কৰা হৈছে।

কংগনা ৰানাৱটে নিজৰ ইনষ্টাগ্ৰাম ষ্ট’ৰীত হিন্দী চিনেমাৰ কিংবদন্তি অভিনেত্ৰী বৈজয়ন্তীমালাই নৃত্য কৰি থকা এটা পুৰণি ভিডিঅ’ ক্লিপ শ্বেয়াৰ কৰে। এই ভিডিঅ’টো শ্বেয়াৰ কৰাৰ সমান্তৰালকৈ কংগনাই এটা অতি বিশেষ টোকাও লিখিছিল।

প্ৰবীণ শিল্পীগৰাকীৰ প্ৰতিভা আৰু দক্ষতাক প্ৰশংসা কৰি তেওঁ লিখিছে:”মই সোঁৱৰাই দিওঁ যে এই পৃথিৱীত বাস কৰা প্ৰতিজন মানুহ কেৱল মানুহ নহয়।কিছুমান মানুহ ঐশ্বৰিক, আৰু তেওঁলোকৰ জন্ম কেৱল এই কাৰণেই হয় যে যাতে সাধাৰণলোকে তেওঁলোকক পূজা কৰিব পাৰে।” ছ’চিয়েল মিডিয়া ব্যৱহাৰকাৰীসকলে কংগনাৰ এই পোষ্টটোক অনন্যা পাণ্ডেৰ নৃত্যত পৰোক্ষ কটাক্ষ হিচাপে লৈছে।

যিহেতু বৰ্তমান অনন্যাক ভৰতনাট্যমৰ দুৰ্বল প্ৰদৰ্শনৰ বাবে ট্ৰ’ল কৰা হৈছে,এই প্ৰেক্ষাপটত কংগনাই এই মুহূৰ্ততে বৈজয়ন্তীমালাৰ দৰে এগৰাকী কিংবদন্তি শাস্ত্ৰীয় নৃত্যশিল্পীৰ ভিডিঅ’ শ্বেয়াৰ কৰাটোৱে এই সত্যৰ স্পষ্ট ইংগিত হিচাপে কাম কৰে যে, কাৰো নাম স্পষ্টকৈ নোলোৱাকৈয়ে কংগনাই আকৌ এবাৰ ‘ষ্টাৰ কিড’ৰ সামৰ্থ্যৰ সন্দৰ্ভত প্ৰশ্ন উত্থাপন কৰিছে।

লগতে পঢ়ক: কান চলচ্চিত্ৰ মহোৎসৱ ২০২৬ : পুনৰ এবাৰ ৰেড কাৰ্পেটত ঐশ্বৰ্যৰ চমক