চাৰিদিনীয়া বিদেশ ভ্ৰমণৰ অংশ হিচাপে বুধবাৰে ইথিওপিয়াৰ পৰা ওমানলৈ ৰাওনা হৈছে প্ৰধানমন্ত্ৰী মোদী।
চাৰিদিনীয়া বিদেশ ভ্ৰমণৰ অংশ হিচাপে বুধবাৰে ইথিওপিয়াৰ পৰা ওমানলৈ ৰাওনা হৈছে প্ৰধানমন্ত্ৰী নৰেন্দ্ৰ মোদীয়ে।তিনিখন দেশৰ ভ্ৰমণৰ এয়া শেষ পৰ্যায়।
ইথিওপিয়াৰ মুখ্যমন্ত্ৰী অবী আহমদ আলীয়ে নিজেই মোদীক বিমানবন্দৰলৈ লৈ যায় আৰু বিদায় দিয়ে।সামাজিক মাধ্যমত অবীয়ে কৈছে যে,”প্ৰধানমন্ত্ৰী নৰেন্দ্ৰ মোদী জী, আশাকৰোঁ আমি পুনৰ লগ পোৱাৰ সুযোগ পাম।আমাৰ ৰাষ্ট্ৰ সদায় ঐতিহাসিক, সাংস্কৃতিক আৰু কূটনৈতিক সম্পৰ্কৰ দ্বাৰা সংযুক্ত হৈ থাকিব।”
প্ৰধানমন্ত্ৰী মোদীৰ পূব আফ্ৰিকান ৰাষ্ট্ৰ ভ্ৰমণৰ সময়ত দুয়োখন দেশে ঐতিহাসিক সম্পৰ্কক ‘কৌশলগত অংশীদাৰিত্ব’ৰ স্তৰলৈ উন্নীত কৰে।
তেওঁ অবীৰ সৈতে ব্যাপক আলোচনাত মিলিত হয়, তাৰ পিছত দুয়োগৰাকী নেতাই বিভিন্ন ক্ষেত্ৰত কেইবাখনো বুজাবুজিৰ স্মাৰকপত্ৰৰ আদান-প্ৰদান কৰে।
ৰাষ্ট্ৰসংঘৰ শান্তিৰক্ষা অভিযানৰ বাবে প্ৰশিক্ষণ, শুল্ক বিষয়ত পাৰস্পৰিক প্ৰশাসনিক সহায় আৰু ইথিওপিয়াৰ বৈদেশিক পৰিক্ৰমা মন্ত্ৰালয়ত ডাটা চেণ্টাৰ স্থাপনৰ ক্ষেত্ৰত এই বুজাবুজি চুক্তি স্বাক্ষৰিত হয়।
দুয়োপক্ষই জি-২০ৰ অধীনত ঋণ পুনৰ্গঠন, অধিক ইণ্ডিয়ান কাউন্সিল ফৰ কালচাৰেল ৰিলেচনছ বৃত্তি, ইথিওপিয়ানসকলৰ বাবে এআই চুটি পাঠ্যক্ৰম আৰু মাতৃ আৰু নৱজাতকৰ স্বাস্থ্যসেৱাৰ বাবে সমৰ্থনৰ কথা ঘোষণা কৰে।
ইথিওপিয়াৰ সংসদৰ যৌথ অধিৱেশনত যেতিয়া প্ৰধানমন্ত্ৰী মোদীয়ে ভাষণ দিছিল তেতিয়া তাত থকা সাংসদসকল আৱেগিক হৈ পৰিছিল।
প্ৰধানমন্ত্ৰী গৰাকীৰ উন্মাদনা এনেকুৱা আছিল যে বহু সাংসদে প্ৰধানমন্ত্ৰীৰ হাতত মৰমেৰে চুমা খাইছিল।ভাষণত প্ৰধানমন্ত্ৰীয়ে দুয়োখন দেশক আঞ্চলিক শান্তি, নিৰাপত্তা আৰু সংযোগৰ ক্ষেত্ৰত “প্ৰাকৃতিক অংশীদাৰ” বুলি অভিহিত কৰে।
ইথিওপিয়াৰ সংসদত দিয়া ভাষণৰ পিছত মন্ত্ৰী আৰু সাংসদসকলৰ সৈতে মত বিনিময় কৰি সুখী বুলিও প্ৰধানমন্ত্ৰী গৰাকীয়ে এক্সত কয়।
লগতে পঢ়ক: আমি বন্ধুত্বৰ নতুন অধ্যায় লিখিছো… ইথিওপিয়াৰ সংসদত প্ৰধানমন্ত্ৰী মোদীৰ সম্বোধন
