বিজেপিৰ ৰাষ্ট্ৰীয় কাৰ্যকৰী সভাপতি হিচাবে নিযুক্তি পোৱা নীতিন নবীনে সোমবাৰে মুখ্য কাৰ্যালয়ত দায়িত্ব গ্ৰহণ কৰে । এই সময়ত তেওঁৰ সৈতে উপস্থিত থাকে জেপি নাড্ডাৰ লগতে গৃহমন্ত্ৰী অমিত শ্বাহ ।
ভাৰতীয় জনতা পাৰ্টিৰ নৱ নিযুক্ত ৰাষ্ট্ৰীয় কাৰ্যকৰী সভাপতি তথা বিহাৰ চৰকাৰৰ মন্ত্ৰী নীতিন নবীনে সোমবাৰে দিল্লীত বিজেপিৰ মুখ্য কাৰ্যালয়ত দায়িত্বভাৰ গ্ৰহণ কৰে । বিজেপিৰ ৰাষ্ট্ৰীয় সভাপতি জগত প্ৰকাশ নাড্ডা আৰু কেন্দ্ৰীয় গৃহমন্ত্ৰী অমিত শ্বাহে নীতিন নবীনক পাগুৰি আৰু ফুলৰ থোপা উপহাৰ দি দায়িত্ব প্ৰদান কৰে ।
ইয়াৰ পিছতে দলৰ কাৰ্যালয়ত বিজেপিৰ কেইবাজনো নেতাই নবীনক দলৰ নতুন ৰাষ্ট্ৰীয় কাৰ্যকৰী সভাপতি পদ গ্ৰহণ কৰাৰ বাবে অভিনন্দন জনায় । নীতিন কাৰ্যকৰী সভাপতি হোৱাৰ সময়ত তেওঁৰ বয়স আছিল মাত্ৰ ৪৫ বছৰ বয়সতে নীতিনে ৰাষ্ট্ৰীয় বিজেপিৰ এই গুৰুত্বপূৰ্ণ পদত অধিষ্ঠীত হয় ।
ইয়াৰ পূৰ্বে দিল্লীত বিহাৰ চৰকাৰৰ মন্ত্ৰী নীতিন নবীনক বিজেপিৰ কাৰ্যকৰী সভাপতি হিচাপে নিযুক্তি পোৱাৰ পিছত প্ৰথমবাৰৰ বাবে দলৰ মুখ্য কাৰ্যালয়ত উপস্থিত হোৱাৰ লগে লগে এক উষ্ম আদৰণি জনোৱা হয় । দিল্লী বিজেপিৰ সভাপতি বীৰেন্দ্ৰ সছদেৱে নবীনক দিল্লীত উপস্থিত হোৱাৰ লগে লগে বিমানবন্দৰত আদৰণি জনায় । বিহাৰত সবল সাংগঠনিক উপস্থিতি থকা এজন নিকা নেতা হিচাপে নবীনৰ সুনাম আছে ।
লগতে পঢ়ক : কেৰালাত বাওঁপন্থীৰ অক্ষত দুৰ্গত মোক্ষম আঘাত, অভিনন্দন জনালে প্ৰধানমন্ত্ৰী মোদীয়ে
