ইৰাণৰ গভীৰ অৰ্থনৈতিক সংকটে জনসাধাৰণৰ মাজত ক্ষোভৰ সৃষ্টি কৰিছে আৰু দেশখনৰ বহু অঞ্চলত ব্যাপক প্ৰতিবাদৰ সূচনা হৈছে । চতুৰ্থটো দিনত এই প্ৰতিবাদে ক্ৰমান্বয়ে ব্যাপক ৰূপ লৈছে ।
শেহতীয়ীকৈ ইৰাণ কেইবাদিনো ধৰি ব্যাপক প্ৰতিবাদৰ সাক্ষী হৈছে । চৰকাৰী নিৰ্দেশৰ বিৰুদ্ধে এই দেশখনত এই প্ৰতিবাদৰ সূত্ৰপাত ঘটিছে । চৰকাৰী সিদ্ধান্তৰ বিৰুদ্ধে জনসাধাৰণৰ এক বৃহৎ অংশই প্ৰতিবাদ সাব্যস্ত কৰিছে আৰু বেছিভাগ ঠাইতে ব্যৱসায় বন্ধ কৰি দিয়া হৈছে ।
জানিব পৰা মতে এই প্ৰতিবাদত ইৰাণৰ নিৰাপত্তা বাহিনীৰ সদস্য নিহত হৈছে । কৰ্তৃপক্ষই হঠাতে ৰাজহুৱা বন্ধ ঘোষণা কৰাৰ ফলত ৩১খন প্ৰদেশৰ ভিতৰত ২১খন প্ৰদেশৰ ব্যৱসায়িক প্ৰতিষ্ঠান, বিশ্ববিদ্যালয়, চৰকাৰী কাৰ্যালয় বন্ধ হৈ পৰিছে । বিগত কেইদিনমানৰ পৰা দেশখনত গঢ় লৈ উঠা অৰ্থনৈতিক আৰু ৰাজনৈতিক কাৰকৰ বাবেই এই প্ৰতিবাদৰ সৃষ্টি হৈছে ।
সামাজিক মাধ্যমত এই প্ৰতকিবাদৰ কেইবাটাও ভিডিঅ’ ভাইৰেল হৈছে, য’ত তেহৰাণ, শ্বিৰাজ, ইছফাহান, কেৰমানশ্বাহ, ফাছাকে ধৰি কেইবাখনো চহৰত হিংসাত্মক সংঘৰ্ষ দেখা গৈছে । প্ৰতিবাদকাৰীসকলে “এনানায়কত্ববাদ মূৰ্দাবাদ” আৰু “খোমেনেইনী মূৰ্দাবাদ” ধ্বনিৰে ৰাজপথ উত্তাল কৰি তুলিছে ।
প্ৰতিবাদৰ কাৰণ-
দেওবাৰে তেহৰাণৰ বজাৰত সৃষ্টি হয় প্ৰতিবাদ । ইৰাণৰ মুদ্ৰা ৰিয়েলৰ মূল্য নিম্নগামী হোৱাৰ ফলত মূল্যবৃদ্ধিৰ সৃষ্টি হৈছে । জীৱিকাত প্ৰত্যক্ষভাৱে প্ৰভাৱ পেলোৱা এই গুৰুত্বপূৰ্ণ বিষয়সমূহৰ প্ৰতিবাদত ব্যৱসায়ীসকল ৰাজপথলৈ ওলাই আহিছে । এই মুদ্ৰাৰ মূল্য হ্ৰাসৰ ফলত আমদানিৰ মূল্য বৃদ্ধি হোৱাৰ লগতে মুদ্ৰাস্ফীতিৰ উত্থান ঘটিছে । ইতিমধ্যে দেশখনত মুদ্ৰাস্ফীতি ৫০% অতিক্ৰম কৰিছে ।
ইফালে বিশ্ববিদ্যালয়ৰ ছাত্ৰ-ছাত্ৰীৰ মাজতো প্ৰতিবাদৰ প্ৰতিধ্বনি ঘটিছে । প্ৰতিবাদকাৰীসকলে নিবনুৱা সমস্যা, পানীৰ নাটনি, প্ৰশাসনিক বিষয়ক লৈ গভীৰ উদ্বেগ প্ৰকাশ কৰে ।
২০২২ চনৰ পিছত ব্যাপক প্ৰতিবাদৰ সম্ভাৱনা-
২০২২ চনৰ পিছত ইৰাণত প্ৰতিবাদে ব্যাপক ৰূপ ধাৰণ কৰাৰ সম্ভাৱনা আছে । আৰক্ষীৰ জিম্মাত থকা যুৱতী মহিলা নেত্ৰী মাহছা আমিনীৰ মৃত্যুত প্ৰতিবাদৰ সূত্ৰপাত ঘটে । নেত্ৰীগৰাকীৰ বিৰুদ্ধে ইৰাণৰ আৰক্ষীয়ে হিজাব সঠিকভাৱে পৰিধান নকৰাৰ অভিযোগ উত্থাপন কৰিছিল ।
প্ৰতিবাদকাৰী আৰু আৰক্ষীৰ মাজত সংঘৰ্ষ-
অব্যাহত থকা প্ৰতিবাদৰ সময়ত সংঘৰ্ষৰো সৃষ্টি হৈছে । নিৰাপত্তা বাহিনী আৰু প্ৰতিবাদকাৰীৰ মাজত সংঘটিত হৈছে সংঘৰ্ষ । ফাৰ্চ প্ৰদেশৰ ফাছা চহৰত ৰাজ্যপালৰ কাৰ্যালয় থকা চৰকাৰী কমপ্লেক্সৰ গেট ভাঙে প্ৰতিবাদকাৰীয়ে । ঘটনা সন্দৰ্ভত চাৰিজন লোকক গ্ৰেপ্তাৰ কৰা হৈছে আৰু এই ঘটনাত তিনিজন আৰক্ষী বিষয়া আহত হৈছে ।
ইৰাণৰ ব্যৱসায়ীসকলে ভয়াৱহ অৰ্থনৈতিক পৰিস্থিতিৰ বিৰুদ্ধে মাত মাতিবলৈ আৰু নিজৰ ভৱিষ্যত সুৰক্ষিত কৰিবলৈ আৰ্থিক লোকচান বহন কৰিবলৈ দাবী জনাইছে । চৰকাৰৰ হৈ ৰাষ্ট্ৰপতি মাছুদ পেজেস্কিয়ানে জনসাধাৰণৰ ক্ষোভৰ প্ৰতি সঁহাৰি জনাই কয় যে তেওঁলোকৰ দাবীৰ শীঘ্ৰে শুনানি গ্ৰহণ কৰা হ’ব । তেওঁলোকৰ খং ন্যায্য ।
লগতে পঢ়ক : ‘এনেকুৱা আক্ৰমণ কৰিম যে পস্তাব লাগিব…’ ট্ৰাম্পৰ ভাবুকিৰ প্ৰত্যুত্তৰ ইৰাণৰ ৰাষ্ট্ৰপতিৰ
