শান্তিৰ নোবেল বঁটা বিজয়ী মাৰিয়া মাচাডোক লৈ আহিছে এটা ডাঙৰ খবৰ।শান্তিৰ নোবেল বঁটা প্ৰদান অনুষ্ঠানত অংশগ্ৰহণ নকৰে মাৰিয়াই।
২০২৫ চনৰ শান্তিৰ নোবেল বঁটা লাভ কৰা ভেনিজুৱেলাৰ মাৰিয়া মাচাডো উপস্থিত নাথাকে বঁটা প্ৰদান অনুষ্ঠানত।নৰৱেৰ নোবেল ইনষ্টিটিউটৰ সঞ্চালকে কয় যে, ভেনিজুৱেলাৰ বিৰোধী নেত্ৰী মাৰিয়া ক’ৰিনা মাচাডোৱে বুধবাৰে অছল’ত অনুষ্ঠিত হ’বলগীয়া নোবেল বঁটা প্ৰদান অনুষ্ঠানত অংশগ্ৰহণ নকৰে।এই বঁটা আজি অস্লোত দিয়া হ’ব।
উল্লেখ্য যে যোৱা ১১ মাহ ধৰি মাৰিয়া মাচাডোক ৰাজহুৱা স্থানত দেখা পোৱা নাই।নোবেল ইনষ্টিটিউটৰ পৰিচালক ক্ৰীষ্টিয়ান বাৰ্গ হাৰ্পভিকেনে ৰাজহুৱা সম্প্ৰচাৰক NRK এ জনাইছে যে,অনুষ্ঠানৰ দিনটোত নৰৱেৰ ৰাজধানীত উপস্থিত নাথাকে ভেনিজুৱেলাৰ বিৰোধী নেতাগৰাকী।
এনে পৰিস্থিতিত এতিয়া মাৰিয়াৰ স্থানত তেওঁৰ কন্যাই এই বঁটা গ্ৰহণ কৰিব। মাচাডোৰ মুখপাত্ৰ ক্লাউডিয়া মেচেৰ’ই কয় যে, ‘আমি নিশ্চিত কৰিছো যে তেওঁ নোবেল অনুষ্ঠানত উপস্থিত নাথাকিব,কিন্তু আমি আশা কৰোঁ তেওঁ দিনটোৰ বাকী অনুষ্ঠানবোৰত অংশগ্ৰহণ কৰিব।” অৱশ্যে তেওঁ মাচাডোৰ বৰ্তমানৰ কোনো তথ্য প্ৰদান কৰা নাই।
লগতে পঢ়ক: ‘মোৰ জীৱনৰ আটাইতকৈ ডাঙৰ সন্মান’;ড’নাল্ড ট্ৰাম্পলৈ প্ৰথম ফিফা শান্তি বঁটা
