প্ৰবীণ লেখক তথা গীতিকাৰ জাভেদ আখতাৰৰ এটা ভিডিঅ’ সামাজিক মাধ্যমত ভাইৰেল হৈছে। য’ত তেওঁ আল্লাহৰ পথেৰে গৈছে বুলি কৈছে।
প্ৰখ্যাত গীতিকাৰ তথা সাহিত্যিক জাভেদ আখতাৰক লৈ এটা ভিডিঅ’ই চৰ্চা লাভ কৰিছে।য’ত তেওঁ আল্লাহৰ আশ্ৰয় লৈছে বুলি দাবী কৰা হৈছে।
অৱশ্যে এই ভিডিঅ’টো আছিল ভুৱা। এই কথা খোদ জাভেদ আখতাৰে প্ৰকাশ কৰিছে।গীতিকাৰগৰাকীয়ে এই কথাক তীব্ৰ গৰিহণা দিছে।লগতে আইনী ব্যৱস্থা গ্ৰহণৰ সকীয়নিও দিছে।
ভাইৰেল ক্লিপটোত জাভেদ আখতাৰৰ কম্পিউটাৰ জেনেৰেটেড ফটো দেখিবলৈ পোৱা গৈছে।তেওঁৰ মূৰত টুপী আছে আৰু তেওঁ কয় যে মই আল্লাহৰ পথেৰে গীতিকাৰগৰাকীয়ে এই কথা স্পষ্টভাৱে অস্বীকাৰ কৰিছে।এই সমগ্ৰ বিষয়টোৰ প্ৰতি প্ৰতিক্ৰিয়া প্ৰকাশ কৰি গীতিকাৰজনে এক্সত এটা পোষ্ট লিখিছে।
তেওঁ লিখিছে যে, মোৰ ভুৱা কম্পিউটাৰ জেনেৰেটেড ফটো থকা এটা ভিডিঅ’ ছ’চিয়েল মিডিয়াত ভাইৰেল হৈ পৰিছে।ভিডিঅ’টোৰ মুৰত এটা টুপী আছে।’
‘য’ত দাবী কৰিছে যে,অৱশেষত মই আল্লাহৰ পথলৈ ওলাই আহিছো।এইটো সম্পূৰ্ণ আজে বাজে কথা।এই বিষয়ে চাইবাৰ পুলিচক খবৰ দিয়াৰ কথা ভাবিছোঁ।’
‘যাতে মোৰ ভুৱা ভিডিঅ’ প্ৰস্তুত কৰা সকল আৰু ইয়াক শ্বেয়াৰ কৰা ব্যক্তিজনক আদালতলৈ নিব পাৰো।কাৰণ তেওঁলোকে মোৰ সুনাম আৰু বিশ্বাসযোগ্যতাক ক্ষতিগ্ৰস্ত কৰিছে’।
লগতে পঢ়ক:‘তেওঁ এটা অনুভৱ আছিল’; ধৰ্মেন্দ্ৰক স্মৰণ কৰি উচুপি উঠিল অমিতাভ বচ্চন
