অসম মাধ্যমিক শিক্ষা পৰিষদে আজি ঘোষণা কৰিব মেট্ৰিকৰ ৰিজাল্ট
আজি ঘোষণা হ’ব হাইস্কুল শিক্ষান্ত পৰীক্ষাৰ ফলাফল । অসম মাধ্যমিক শিক্ষা পৰিষদে আজি ঘোষণা কৰিব মেট্ৰিকৰ ৰিজাল্ট । চলিত বৰ্ষৰ ১০ ফেব্ৰুৱাৰীৰ পৰা ২৭ ফেব্ৰুৱাৰীলৈকে মুঠ ১,০৪৬ টা পৰীক্ষা কেন্দ্ৰত ৪,৩৮,৫৬৫ গৰাকী ছাত্ৰ-ছাত্ৰীয়ে অসম হাইস্কুল শিক্ষান্ত পৰীক্ষাত অৱতীৰ্ণ হৈছিল । ইয়াৰে ১,৯০,২৪৩ গৰাকী ছাত্র আৰু ২,৪৮,৩২২ গৰাকী ছাত্রী আছিল ।
ইতিমধ্যে ৰাজ্যৰ শিক্ষা মন্ত্ৰীয়ে ১০ এপ্ৰিল, শুকুৰবাৰে পুৱা ১০.৩০ বজাত হাইস্কুল শিক্ষান্ত পৰীক্ষাৰ ফলাফল ঘোষণা কৰা হ’ব বুলি ঘোষণা কৰিছে । লগতে তেওঁ সামাজিক মাধ্যমৰ এক পোষ্ট যোগে কোন কেইটা ৱেবছাইটত ফলাফল উপলব্ধ হ’ব সেই তথ্য প্ৰকাশ কৰিছে । ১৬ টাকৈ ৱেবছাইটযোগে উপলব্ধ হ’ব ফলাফল ।
উল্লেখ্য যে, হাইস্কুল শিক্ষান্ত পৰীক্ষা চলিত বৰ্ষৰ ১০ ফেব্ৰুৱাৰীৰ পৰা আৰম্ভ হৈ ২৭ ফেব্ৰুৱাৰীত সমাপ্ত হৈছিল ।
কোনকেইটা ৱেবছাইটত উপলব্ধ হ’ব হাইস্কুল শিক্ষান্ত পৰীক্ষা ২০২৬-ৰ ফলাফল :
https://sebaonline.org, www.indiaresults.com, https://results.digilocker.gov.in, www.results.shiksha, www.assam.shiksha, www.schools9.com, www.assamresult.in, www.assamjobalerts.com, www.iresults.net, www.iresults.in, www.fastresults.in, https://www.necareer.com, www.jagranjosh.com, https://timesofindia.indiatimes.com/education, https://ndtv.in, https://www.ndtv.com
ৱেবছাইটত ফলাফল চাবলৈ আৰু ডাউনলোড কৰিবলৈ ছাত্ৰ-ছাত্ৰীসকলে এডমিট কাৰ্ডৰ তথ্য ব্যৱহাৰ কৰি লগ-ইন কৰিব লাগিব । আপোনাৰ ফলাফল চাবলৈ এই পদক্ষেপসমূহ অনুসৰণ কৰক :
-অসম বৰ্ডৰ অফিচিয়েল ৱেবছাইটলৈ যাওক ।
-Results (ফলাফল)ত ক্লিক কৰক ।
-Assam HSLC Result 2026 লিংকটো বাচনি কৰক।
-আপোনাৰ ৰোল নম্বৰ দিয়ক কৰক আৰু Submit বুটামত ক্লিক কৰক।
-আপোনাৰ অসম হাইস্কুল শিক্ষান্ত পৰীক্ষা ২০২৬-ৰ ফলাফল স্ক্ৰীণত দৃশ্যমান হ’ব।
-অফিচিয়েল ফলাফলটো ডাউনলোড কৰক।
লগতে পঢ়ক : বিধানসভা নিৰ্বাচনত অভিলেখ সংখ্যক ভোটদান : অসমত ৮৫.৩৮% আৰু পুডুচেৰীত ৮৯.৮৩%ৰে ভংগ হ’ল সৰ্বকালৰ অভিলেখ
