২০২৬ চনৰ ৰাজ্যসভা নিৰ্বাচনৰ বাবে কংগ্ৰেছে প্ৰকাশ কৰিলে প্ৰাৰ্থীৰ তালিকা । পৱন খেড়া আৰু মল্লিকাৰ্জুন খৰ্গে কৰ্ণাটকৰ প্ৰাৰ্থী, মধ্যপ্ৰদেশৰ মীনাক্ষী নটৰাজন আৰু ঝাৰখণ্ডৰ প্ৰণৱ ঝা প্ৰাৰ্থী।
ভাৰতীয় জাতীয় কংগ্ৰেছে ৰাজ্যসভাৰ প্ৰাৰ্থীৰ তালিকা প্ৰকাশ কৰিছে।কংগ্ৰেছৰ সভাপতি মল্লিকাৰ্জুন খাৰ্গে অনুমোদন জনোৱা এই তালিকাৰ আটাইতকৈ আশ্চৰ্যজনক নামটো হ’ল দলটোৰ ৰাষ্ট্ৰীয় মুখপাত্ৰ পৱন খেড়া, যাক কৰ্ণাটক কোটাৰ অধীনত উচ্চ সদনলৈ প্ৰেৰণ কৰা হৈছে।
এই তালিকাত আটাইতকৈ বেছি চৰ্চা লাভ কৰা নামটো হ’ল দলৰ প্ৰচাৰ বিভাগৰ অধ্যক্ষ পৱন খেড়াৰ।তেওঁক কৰ্ণাটকৰ পৰা ৰাজ্যসভাৰ টিকট দিয়া হৈছে। দৰাচলতে ২০২২ চনৰ ৩০ মে’ত যেতিয়া কংগ্ৰেছে ৰাজ্যসভা নিৰ্বাচনৰ বাবে ১০ জন প্ৰাৰ্থী(প. চিদাম্বৰম, জয়ৰাম ৰমেশ, ৰাজীৱ শুক্লা, প্ৰমোদ তিৱাৰী, ইমৰান প্ৰতাপগড়ী, ইত্যাদি)নাম ঘোষণা কৰাৰ সময়ত সেই তালিকাত পৱন খেড়াৰ নাম নাছিলে।
টিকটৰ পৰা বঞ্চিত হৈ আঘাতপ্ৰাপ্ত খেড়ই ছ’চিয়েল মিডিয়াত এটা লাইন পোষ্ট কৰি নিজৰ যন্ত্ৰণা প্ৰকাশ কৰে, যিটো অত্যন্ত ভাইৰেল হৈ পৰিছিল-“হয়তো মোৰ তপস্যাত কিছু অভাৱ আছিল।” ২০২৬ বৰ্ষৰ এই নতুন তালিকাখনে খেড়াক সংসদীয় টিকট দি খেড়াৰ সেই ‘তপস্যা’কে পূৰণ কৰিছে।
কংগ্ৰেছ দলৰ আটাইতকৈ শক্তিশালী দুৰ্গ কৰ্ণাটকৰ পৰা তিনিগৰাকী হেভীৱেট নেতাক নিৰ্বাচনী যুঁজত নমোৱা হৈছে।
কংগ্ৰেছৰ ৰাষ্ট্ৰীয় সভাপতি খৰ্গে নিজে কৰ্ণাটকৰ পৰা উচ্চ সদনৰ বাবে ভাগ্য পৰীক্ষা কৰিব।
পৱন খেড়া-দলৰ ৰাষ্ট্ৰীয় মুখপাত্ৰ আৰু কণ্ঠস্বৰ।
মনছুৰ আলী খানঃ সংখ্যালঘু সম্প্ৰদায়ৰ এজন বিশিষ্ট ব্যক্তি হিচাপে তেওঁক কৰ্ণাটকৰ পৰা তৃতীয়খন আসনৰ প্ৰাৰ্থী হিচাপে প্ৰক্ষেপ কৰা হৈছে।
লগতে পঢ়ক: বিৰোধী মিত্ৰজোঁটত মোক্ষম আঘাত; INDIA ব্লকৰ বৈঠক বৰ্জন ডি এম কেৰ
