পশ্চিম বংগত বিধানসভা নিৰ্বাচনৰ ভোটদানৰ মাজতে মুৰ্ছিদাবাদৰ পৰা হিংসাত্মক ঘটনা খবৰ আহিছে।ইয়াত টিএমচিৰ সমৰ্থক আৰু হুমায়ুন কবীৰৰ দলৰ মাজত কাজিয়া হয়।
পশ্চিম বংগৰ মুৰ্ছিদাবাদ জিলাত ভোটদানৰ সময়তে হিংসাত্মক ঘটনা সংঘটিত হোৱাৰ খবৰ আহিছে। ইয়াত তৃণমূল কংগ্ৰেছ আৰু আমৰা জনতা উন্নয়ন পাৰ্টিৰ প্ৰতিষ্ঠাপক হুমায়ুন কবীৰৰ মাজত এক উত্তপ্ত পৰিস্থিতিৰ সৃষ্টি হয়।হুমায়ুন কবীৰৰ বিৰুদ্ধে তৃণমূল কংগ্ৰেছৰ কৰ্মীয়ে ‘চোৰ, চোৰ’ শ্ল’গান দিয়ে। কেৱল সেয়াই নহয়, তাত নিয়োজিত নিৰাপত্তাৰক্ষীৰ সৈতেও হতাহতি হৈছিল।
AJUP প্ৰতিষ্ঠাপক হুমায়ুন কবীৰে কয়,সমগ্ৰ নাওদা, ৰেজিনগৰ, আৰু মুৰ্ছিদাবাদৰ ২২খন আসনতে শান্তিপূৰ্ণ নিৰ্বাচন অনুষ্ঠিত হৈছে।অৱশ্যে নয়ডাৰ বুথ নম্বৰ ৯ আৰু ১০ত নিশাৰ ভাগত কিছু অনিয়ম সংঘটিত হয়। কালি পোহৰলৈ অহা খাৰুৱা বোমা নিক্ষেপ কাণ্ডৰ সন্দৰ্ভত AJUP প্ৰতিষ্ঠাপক হুমায়ুন কবীৰে কয়, “এটা চেষ্টা কৰা হ’ল, কিন্তু একো নহ’ল… শান্তিপূৰ্ণভাৱে নিৰ্বাচনত অংশগ্ৰহণ কৰা উচিত।কাকো হত্যা বা ভাবুকি দিয়াৰ আমাৰ কোনো উদ্দেশ্য নাই….”।
লগতে পঢ়ক: প্ৰধানমন্ত্ৰীক ‘সন্ত্রাসবাদী’ আখ্যা দি বিপদত AICCৰ সভাপতি মল্লিকাৰ্জুন খৰ্গে; নিৰ্বাচন আয়োগৰ জাননী
