পশ্চিম বংগ নিৰ্বাচনৰ পূৰ্বে বিজেপিত যোগদান কৰিছে প্ৰাক্তন টেনিছ খেলুৱৈ লিয়েণ্ডাৰ পেজে
২০২৬ৰ পশ্চিম বংগ নিৰ্বাচনৰ পূৰ্বে বিজেপিত যোগদান কৰিছে প্ৰাক্তন টেনিছ খেলুৱৈ লিয়েণ্ডাৰ পেজে । মঙলবাৰে কেন্দ্রীয় মন্ত্রী কিৰেন ৰিজিজু আৰু সুকান্ত মজুমদাৰৰ উপস্থিতিত তেওঁ দলটোৰ দিল্লী মুখ্য কার্যালয়ত যোগদান কৰে ৷ ২০২১ চনৰ পৰা পেজ তৃণমূল কংগ্ৰেছৰ সৈতে জড়িত হৈ আছিল ।
পশ্চিম বংগত ২৯৪ জনীয়া বিধানসভা নিৰ্বাচনৰ পূৰ্বে লিয়াণ্ডাৰ পেজ বিজেপিত যোগদান কৰাটো তৃণমূল কংগ্ৰেছৰ বাবে এক বৃহৎ আঘাত হিচাপে চিহ্নিত হৈছে । পশ্চিম বংগ ভ্ৰমণৰ সময়ত বিজেপিৰ সভাপতি নীতিন নবীনে লিয়াণ্ডাৰ পেজক সাক্ষাৎ কৰে । তেতিয়াৰ পৰাই শীঘ্ৰেই পেজে বিজেপিত যোগদান কৰিব পাৰে বুলি জল্পনা-কল্পনাৰ সৃষ্টি হৈছিল । কেন্দ্ৰীয় মন্ত্ৰী কিৰেন ৰিজিজুৱে ফুলৰ থোপা আৰু বিজেপিৰ সদস্যপদৰ স্লিপেৰে পেইজক দললৈ আদৰণি জনায় ।
ৰিজিজুৱে কয়, “লিয়াণ্ডাৰ পেজে বিজেপি পৰিয়ালত যোগদান কৰাটো ঐতিহাসিক । প্ৰধানমন্ত্ৰী নৰেন্দ্ৰ মোদীয়ে বিগত ১২ বছৰত ক্ৰীড়া আৰু খেলুৱৈসকলক ধাৰাবাহিকভাৱে প্ৰচাৰ কৰি আহিছে ।” লিয়াণ্ডাৰে ইয়াক তেওঁৰ জীৱনৰ আটাইতকৈ বিশেষ দিন বুলি অভিহিত কৰে । তেওঁ কয়, “এইটো মোৰ জীৱনৰ এক অতি ডাঙৰ দিন । মই প্ৰধানমন্ত্ৰী নৰেন্দ্ৰ মোদী, অমিত শ্বাহ আৰু নীতিন নবীন জীক ধন্যবাদ জনাইছো । এইটো মোৰ বাবে ক্ৰীড়া আৰু যুৱক-যুৱতীসকলৰ সেৱাৰ এক সুন্দৰ সুযোগ ।”
লগতে পঢ়ক : বংগ নিৰ্বাচনৰ বাবে বিজেপিয়ে প্ৰকাশ কৰিলে চতুৰ্থখন প্ৰাৰ্থী তালিকা
