শিলচৰত উপস্থিত হৈ প্ৰধানমন্ত্ৰী নৰেন্দ্ৰ মোদীয়ে কংগ্ৰেছত তীব্ৰ সমালোচনা কৰে। প্ৰধানমন্ত্ৰী গৰাকীয়ে কয় যে, কংগ্ৰেছে বৰাকক ‘দিল্লী আৰু হৃদয়’ৰ পৰা আঁতৰাই ৰাখিছিল।
প্ৰধানমন্ত্ৰী নৰেন্দ্ৰ মোদীয়ে শনিবাৰে শিলচৰত উপস্থিত হৈ ২৪ হাজাৰ কোটি টকাৰ প্ৰকল্পৰ শিলান্যাস কৰে। শিলচৰত প্ৰধানমন্ত্ৰী গৰাকীয়ে এখন জনসভা সন্বোধন কৰে। এই জনসভাখনত প্ৰধানমন্ত্ৰী গৰাকীয়ে কংগ্ৰেছক তীব্ৰ কটাক্ষ কৰে।
তেওঁ কয় যে স্বাধীনতাৰ পিছত কংগ্ৰেছে উত্তৰ-পূৰ্বাঞ্চলক তেওঁলোকৰ অৱস্থাত এৰি থৈ গৈছিল।ফলত বৰাক উপত্যকাৰ উন্নয়ন দীৰ্ঘদিন ধৰি প্ৰভাৱিত হৈ থাকিল।
প্ৰধানমন্ত্ৰী গৰাকীয়ে কয় যে, দেশখন যেতিয়া স্বাধীন হ’ল সেই সময়ত সীমা এনেদৰে অংকন কৰা হৈছিল যে বৰাক উপত্যকাৰ সাগৰৰ সৈতে জড়িত অতি গুৰুত্বপূৰ্ণ সংযোগ সম্পূৰ্ণৰূপে বিচ্ছিন্ন হৈ পৰিছিল।এসময়ত বাণিজ্যিক পথ আৰু ঔদ্যোগিক কেন্দ্ৰ হিচাপে বিখ্যাত বৰাক উপত্যকাৰ শক্তিটোৱেই কাঢ়ি লোৱা হ’ল। স্বাধীনতাৰ দশক দশক পিছতো কংগ্ৰেছ চৰকাৰসমূহ ক্ষমতাত থাকিল, তথাপিও বৰাক উপত্যকাৰ উন্নয়নৰ বাবে কোনো উল্লেখযোগ্য কাম কৰা নহ’ল। বৰাকক ‘দিল্লী আৰু হৃদয়’ৰ পৰা কংগ্ৰেছে আঁতৰাই ৰাখিছিল। কিন্তু এতিয়া বিজেপিৰ ‘ডাবল ইঞ্জিন’ চৰকাৰে এই পৰিস্থিতি সলনি কৰাত ব্যস্ত হৈ পৰিছে আৰু বৰাক উপত্যকাক পুনৰবাৰ বাণিজ্য আৰু বাণিজ্যৰ এক প্ৰধান কেন্দ্ৰ হিচাপে গঢ়ি তোলাৰ কাম কৰি আছে।
প্ৰধানমন্ত্ৰী গৰাকীয়ে আৰু কয়- আজি ২৪,০০০ কোটি টকাৰ শ্বিলং–শিলচৰ হাই-স্পীড কৰিডৰৰ বাবে ভূমি পূজন সম্পন্ন হ’ল।কংগ্ৰেছৰ নেতাসকলক এটা কলম আৰু এখন কাগজ দি ২৪ হাজাৰ কোটিটো লিখিবলৈ কওক, তেওঁলোকে হয়টো ২৪ হাজাৰ কোটিত কিমানটা শূন্য আছে সেই কথা নাজানিব। লাগিলে ৰাস্তা হওক, ৰে’লপথ হওক বা কলেজ এই প্ৰতিটো প্ৰকল্পই বৰাক উপত্যকাক উত্তৰ-পূবৰ বাবে এক ডাঙৰ লজিষ্টিক আৰু বাণিজ্যিক কেন্দ্ৰলৈ ৰূপান্তৰিত কৰিবলৈ সাজু হৈছে।
লগতে পঢ়ক: ‘কংগ্ৰেছে কেতিয়াও সন্মান প্ৰদান কৰা নাছিল’; কাংশীৰামক লৈ ৰাহুল গান্ধীক তীব্ৰ সমালোচনা মায়াৱতীৰ
