বিধানসভা নিৰ্বাচনৰ পূৰ্বে কংগ্ৰেছত খহনীয়া। APCCৰ প্ৰাক্তন সভাপতি ভূপেন বৰাই দল ত্যাগ
বিধানসভা নিৰ্বাচনৰ পূৰ্বে কংগ্ৰেছৰ চৰম বিপৰ্যয়। দল এৰিলে APCCৰ প্ৰাক্তন সভাপতি ভূপেন বৰাই। কংগ্ৰেছ অধ্যক্ষ মল্লিকাৰ্জুন খৰ্গেলৈ প্ৰেৰণ কৰিছে দলত্যাগ পত্ৰ । ৰাহুল গান্ধীলৈও প্ৰেৰণ কৰিছে দলত্যাগ পত্ৰ।
জানিব পৰা মতে ৰকিবুল হুছেইনৰ ওপৰত খৰ্গহস্ত ভূপেন বৰা। অসম কংগ্ৰেছ ৰকিবুল হুছেইনে চলোৱা বুলি অভিযোগ ভূপেন বৰাৰ।
বিৰোধী ঐক্যৰ আসন বুজাবুজিক লৈ আলোচনা কৰিবলৈ ভূপেন বৰাক দিয়া হৈছিল দায়িত্ব৷ কিন্তু পৰৱৰ্তী সময়ত ৰকিবুল হুছেইনকো এই দায়িত্ব দিয়াত ক্ষুণ্ণ হৈছিল ভূপেন বৰা।
২০০৬ চনৰ পৰা ২০১৬ চনলৈ বিহপুৰীয়া সমষ্টিৰ কংগ্ৰেছৰ বিধায়ক আছিল ভূপেন বৰা। দলত্যাগ কৰি ভূপেন বৰাই কয় যে,’স্বাভিমানী অসমীয়া হিচাপে মই কংগ্ৰেছত থাকিব নোৱাৰো। গৌৰৱ গগৈৰ লগত থাকিবলেও বিবেকে মনা নাছিল।
লগতে পঢ়ক: আজিৰে পৰা অসম বিধানসভাৰ বাজেট অধিৱেশন…
