দক্ষিণৰ অভিনেতা প্ৰভাসৰ ‘দ্য ৰাজা চাব’ ছবিখন মুক্তি পাইছে। চিনেমাখন চলি থকাৰ মাজতে ছবিগৃহত দৰ্শকে কৰিলে এই আচৰিত কাম ।
প্ৰভাসৰ বহু প্ৰত্যাশিত ছবি ‘দ্য ৰাজা চাব’ যোৱা ৯ জানুৱাৰীত ছবিগৃহত মুক্তি লাভ কৰিছে আৰু ই ছ’চিয়েল মিডিয়াত মিশ্ৰিত সঁহাৰি লাভ কৰিছে।
অভিনেতাগৰাকীৰ বহু ডাই হাৰ্ড অনুৰাগীয়ে ছবিখনক লৈ যথেষ্ট উৎসাহিত হৈ পৰিছে।ইয়াৰ সৈতে জড়িত এটা ভিডিঅ’ও ছ’চিয়েল মিডিয়াত ভাইৰেল হৈ আছে,যিটোৱে সকলোকে আচৰিত কৰিছে।
দৰাচলতে,প্ৰভাসৰ ছবি যেনেকোৱাই নহওক কিয় প্ৰভাসৰ ফেন ফ’ল’ৱাৰ যথেষ্ট শক্তিশালী। শুকুৰবাৰে ওড়িশাৰ এটা চিনেমা হলৰ ভিতৰতে দৰ্শকে কনফেটি (ৰঙীন কাগজ) জ্বলাই দিয়ে।
ভাইৰেল ভিডিঅ’টো ওড়িশাৰ অশোক থিয়েটাৰৰ বুলি জানিব পৰা গৈছে।ভিডিঅ’টোত স্পষ্টকৈ দেখিবলৈ পোৱা গৈছে যে,দৰ্শকে ছবিখন চাই থকাৰ সময়তে একাংশই কনফেটি জ্বলাই দিয়ে।ইয়াকে লৈ বহু ব্যৱহাৰকাৰীয়ে স্ক্ৰীনিঙৰ সময়ত সুৰক্ষাৰ অভাৱত উদ্বেগ প্ৰকাশ কৰে।
লগতে পঢ়ক: ধূৰন্ধৰৰ সফলতাৰ পিছত মাচুল বৃদ্ধি অক্ষয় খান্নাৰ; পৰিচালকে ক’লে- ভুল সিদ্ধান্ত
