আজিৰে পৰা আৰম্ভ হ’ব মহিলা প্ৰিমিয়াৰ লীগ ২০২৬। উদ্বোধনী অনুষ্ঠানত বলীউডৰ তাৰকাই দিব চমক।
মহিলা ক্ৰিকেটৰ বৃহৎ মঞ্চ মহিলা প্ৰিমিয়াৰ লীগ পুনৰ নিজৰ ষ্টাইলত ঘূৰি আহিছে। মহিলা প্ৰিমিয়াৰ লীগ ২০২৬ৰ চতুৰ্থ ছিজন আজিৰে পৰা আৰম্ভ হ’ব।
প্ৰতিযোগিতা আৰম্ভ হোৱাৰ পূৰ্বে ৯ জানুৱাৰীত এক ভৱ্য উদ্ধোধনী অনুষ্ঠানৰ আয়োজন কৰা হৈছে। য’ত ক্ৰিকেটৰ লগতে বলীউডৰ সোৱাদও দেখা যাব।
এই বিশেষ উপলক্ষে প্ৰথমখন মেচ ডিফেণ্ডিং চেম্পিয়ন মুম্বাই ইণ্ডিয়ানছ আৰু ৰয়েল চেলেঞ্জাৰছ বেংগালুৰুৰ মাজত অনুষ্ঠিত হ’ব।
মহিলা প্ৰিমিয়াৰ লীগ ২০২৬ উদ্ধোধনী অনুষ্ঠান ৯ জানুৱাৰী শুকুৰবাৰে নৱী মুম্বাইৰ ডি ৱাই পাটিল ষ্টেডিয়ামত অনুষ্ঠিত হ’ব। প্ৰতিযোগিতাখনৰ প্ৰথমখন খেল সন্ধিয়া ৭:৩০ বজাত (IST) আৰম্ভ হ’ব।
BCCI এ এইবাৰ এইবাৰ মুকলি অনুষ্ঠানটো বিশেষ কৰিবলৈ বলীউডৰ ডাঙৰ ডাঙৰ তাৰকাক আমন্ত্ৰণ জনোৱা হৈছে।বিখ্যাত গায়ক য়ো য়ো হানি সিঙে নিজৰ জনপ্ৰিয় গীতেৰে ষ্টেডিয়ামত পৰিৱেশ সৃষ্টি কৰিব।
তেওঁৰ উপৰিও বলীউডৰ অভিনেত্ৰী জেকলিন ফাৰ্নাণ্ডেজেও অভিনয় কৰিব।ইয়াৰ লগতে মিছ ইউনিভাৰ্ছ ২০২১ হৰনাজ সন্ধুৱেও এই অনুষ্ঠানত অংশগ্ৰহণ কৰিব,যাৰ বাবে অনুষ্ঠানটোৰ গ্লেমাৰ আৰু বৃদ্ধি পাব।
WPL ২০২৬ ত মুঠ পাঁচটা দলে অংশগ্ৰহণ কৰিছে।সেই দলকেইটা হৈছে মুম্বাই ইণ্ডিয়ানছ, ৰয়েল চেলেঞ্জাৰছ বেংগালুৰু, দিল্লী কেপিটেলছ, গুজৰাট জায়েন্টছ আৰু ইউ পি ৱাৰিয়ৰ্ছ। এইবাৰ প্ৰতিযোগিতাখনত মুঠ ২২খন খেল অনুষ্ঠিত হ’ব।
লগতে পঢ়ক: শেষ হোৱা নাই বাংলাদেশৰ নাটক; বিশ্বকাপৰ স্থান সলনি কৰিবলৈ আইচিচিলৈ দ্বিতীয়খন পত্ৰ
