ঘন কুঁৱলীৰ বাবে বাতিল হ’ল ভাৰত আৰু দক্ষিণ আফ্ৰিকাৰ মাজত অনুষ্ঠিত হ’ব লগা টি-২০ শৃংখলাৰ চতুৰ্থখন খেল ।
ভাৰত আৰু দক্ষিণ আফ্ৰিকাৰ মাজত অনুষ্ঠিত হ’বলগীয়া পাঁচখন খেলৰ টি-২০ শৃংখলাৰ চতুৰ্থখন খেল আজি লক্ষ্ণৌৰ একনা ষ্টেডিয়ামত অনুষ্ঠিত হ’ব লগা আছিল।
কিন্তু প্ৰচণ্ড কুঁৱলীৰ বাবে টছ হ’ব নোৱাৰিলে আৰু অৱশেষত মেচখন বাতিল কৰা হয়।এতিয়া ১৯ ডিচেম্বৰত আহমেদাবাদত অনুষ্ঠিত হ’ব এই শৃংখলাৰ অন্তিমখন খেল।
খেলখনৰ টছৰ সময় সন্ধিয়া ৬:৩০ বজাত আছিল। কিন্তু ঘন কুঁৱলীৰ বাবে টছ কৰাত পলম হ’ল। ইয়াৰ পিছত ৯:৩০ বজালৈকে মেচখন চলাবলৈ চেষ্টা কৰা হয়।কিন্তু কুঁৱলী যথেষ্ট বাঢ়ি গৈ থাকিল।
আম্পায়াৰসকলে ছবাৰ খেলপথাৰত প্ৰৱেশ কৰি মেচখন আৰম্ভ কৰাৰ চেষ্টা কৰে।ৰাজীৱ শুক্লাও খেলপথাৰ পালেগৈ। কিন্তু ৩:৩০ ঘন্টা চেষ্টা কৰাৰ পিছতো মেচ আৰম্ভ কৰিব নোৱাৰিলে।
টিম ইণ্ডিয়াই শৃংখলাত ইতিমধ্যে ২-১ত অগ্ৰগতি লাভ কৰিছে।এতিয়া আহমেদাবাদত অনুষ্ঠিত হ’বলগীয়া খেলখন শৃংখলাখনৰ বাবে গুৰুত্বপূৰ্ণ হ’ব।
লগতে পঢ়ক: ‘আই পি এল ২০২৬ এম এছ ধোনীৰ শেষ ছিজন হ’ব’; ৰবিন উথাপ্পাই লগালে মোহৰ!
