অন্ধ্ৰ প্ৰদেশৰ আল্লুৰি সীতাৰামা ৰাজু জিলাৰ ঘাটপথত এক ভয়ংকৰ পথ দুৰ্ঘটনা সংঘটিত হয়।
অন্ধ্ৰ প্ৰদেশৰ আল্লুৰি সীতাৰামা ৰাজু জিলাৰ চিন্টুৰু আৰু ভদ্ৰাচলামৰ মাজৰ ঘাটপথত এক ভয়ংকৰ পথ দুৰ্ঘটনা সংঘটিত হয়।
দ’ খাৱৈত বাগৰি পৰিল এখন যাত্ৰীবাহী বাছ।দুৰ্ঘটনাটোত ৯ জন লোকৰ থিতাতে মৃত্যু হোৱাৰ বিপৰীতে কেইবাজনো লোক আহত হয়।
আহতসকলক চিকিৎসাৰ বাবে ভদ্ৰাচলম চিকিৎসালয়ত ভৰ্তি কৰোৱা হৈছে।বহু যাত্ৰীৰ অৱস্থা সংকটজনক বুলিও জানিব পৰা গৈছে।
ডি এম দীনেশ কুমাৰে জনোৱা মতে, যোৱা নিশা আল্লুৰি সীতাৰামা ৰাজু জিলাৰ চিন্তুৰ-মাৰেডুমিলি ঘাট পথত এখন ব্যক্তিগত বাছে নিয়ন্ত্ৰণ হেৰুৱাই দ’ খাৱৈত বাগৰি পৰে।
দুৰ্ঘটনাটোত ৯ জন লোকৰ থিতাতে মৃত্যু হয়। বাছখনত ৩৭ জন যাত্ৰী আছিল বুলি জানিব পৰা গৈছে। বাছখন তেলেংগানাৰ ভদ্ৰচালামৰ পৰা অন্নৱৰামলৈ গৈ আছিল।
দুৰ্ঘটনাটোৰ কথা জানিব পৰাৰ পিছতে উদ্ধাৰকাৰী দল উপস্থিত হৈ অভিযান আৰম্ভ কৰে। বিষয়াসকলে জনোৱা মতে, মৃত্যুৰ সংখ্যা আৰু বৃদ্ধি পাব পাৰে।
লগতে পঢ়ক: ৰাজপথত চাৰিচকীয়া বাহনৰ সৈতে বিমানৰ সংঘৰ্ষ, ভাইৰেল দুৰ্ঘটনাৰ ভয়াৱহ ভিডিঅ’
