ইছলামবাদত আত্মঘাতী আক্ৰমণ
ভাৰতত সন্ত্ৰাসবাদৰ প্ৰচাৰৰ ক্ষেত্ৰত সক্ৰিয়ভাৱে জড়িত পাকিস্তান মঙলবাৰে সন্ত্ৰাসবাদী আক্ৰমণৰ বলি হয় । দেশখনৰ ৰাজধানী ইছলামবাদত সংঘটিত আত্মঘাতী আক্ৰমণত ১২ জন লোকৰ মৃত্যু হয় । জানিব পৰা মতে এই বিস্ফোৰণ ইমানেই শক্তিশালী আছিল যে জি-১১ অঞ্চলৰ অট্টালিকাসমূহৰ ব্যাপক ক্ষতিসাধন হয় । জানিব পৰা মতে, বিস্ফোৰণস্থলীটো এখন আদালতৰ একেবাৰে ওচৰতে অৱস্থিত ।
এই ঘটনাক লৈ শোক প্ৰকাশ কৰিছে পাকিস্তানৰ ৰাষ্ট্ৰপতি আছিফ আলী জাৰ্দাৰীয়ে । তেওঁ নিহতসকলৰ পৰিয়াললৈ সমবেদনা জ্ঞাপন কৰে । ইফালে, পাকিস্তানৰ প্ৰতিৰক্ষা মন্ত্ৰী খোৱাজা আছিফে এই ঘটনাক এক শিক্ষা বুলি কয় । তেওঁ এই বিস্ফোৰণৰ বাবে আফগানিস্তানক অন্তৰ্নিহিতভাৱে দোষাৰোপ কৰি কয় যে এই পৰিৱেশত কাবুলৰ শাসকসকলৰ সৈতে সফল আলোচনাৰ আশা কৰাটো অসাৰ ।
ছ’চিয়েল মিডিয়াত ভাইৰেল হোৱা এই কাণ্ডৰ ভিডিঅ’ত জি-১১ অঞ্চলৰ পৰা ধোঁৱাৰ কুণ্ডলী উঠি অহা দেখা গৈছে আৰু নিৰাপত্তাৰক্ষীৰ বেৰিকেডৰ ওচৰত জুই দেখা গৈছে ।
লগতে পঢ়ক : ইউক্ৰেইনৰ ওপৰত পুনৰ ৰাছিয়াৰ ভয়ংকৰ আক্ৰমণ; চৌদিশে কেৱল ধ্বংসলীলা
