এনকাউণ্টাৰত নিহত ১৭ টা শিশুক পণবন্দী কৰি ৰখা ৰোহিত আৰিয়া
মুম্বাইৰ পৱাই অঞ্চলত অৱস্থিত ‘ৰ’ ষ্টুডিঅ’ত বৃহস্পতিবাৰে বিয়লি শিশু অপহৰণৰ গোচৰৰ এটা ডাঙৰ খবৰ পোহৰলৈ আহিছে।
আৰক্ষীৰ সৈতে হোৱা সংঘৰ্ষৰ সময়ত ১৭টা শিশুসহ ১৯ জন লোকক পণবন্দী কৰি লোৱা মানসিকভাৱে অস্থিৰ অভিযুক্ত ৰোহিত আৰিয়া গুলীবিদ্ধ হয়।চিকিৎসালয়ত চিকিৎসাৰ সময়ত তেওঁৰ মৃত্যু হয়।
ষ্টুডিঅ’টোত আৰক্ষীয়ে বাথৰুমৰ খিৰিকিৰ জৰিয়তে প্ৰৱেশ কৰিছিল। সেই সময়ত অভিযুক্তৰ হাতত এয়াৰ গান আৰু কিছু ৰাসায়নিক পদাৰ্থ আছিল।আৰক্ষীয়ে তেওঁক আত্মসমৰ্পণ কৰিবলৈ কয় যদিও অভিযুক্তই সন্মতি নিদিলে।
ইয়াৰ পিছত আৰক্ষীয়ে এনকাউণ্টাৰ কৰে। গুলী লগাৰ পিছত তেওঁক যোগেশ্বৰী ট্ৰমা হস্পিতাললৈ লৈ যোৱা হয় আৰু চিকিৎসাৰ সময়ত তেওঁৰ মৃত্যু হয়।
শিশুকেইটাক নিৰাপদে উদ্ধাৰ কৰাৰ পিছতে ডিচিপি দত্ত কিষাণ নালাৱাডে জানিবলৈ দিয়ে যে আৰক্ষীয়ে ঘটনা সন্দৰ্ভত দিনৰ প্ৰায় ১:৪৫ বজাত তথ্য লাভ কৰে।
তথ্য লাভ কৰাৰ লগে লগে বিভিন্ন আৰক্ষীৰ দল সেই স্থানত উপস্থিত হয় আৰু উদ্ধাৰ অভিযান আৰম্ভ কৰে। প্ৰথমে আৰক্ষীয়ে কথা বতৰাৰ জৰিয়তে শেষ কৰিব বিচাৰিছিল। কিন্তু অভিযুক্তই সেই কথা মানি লোৱা নাছিল।
যাৰ ফলত আৰক্ষীয়ে গুলী চলাবলৈ বাধ্য হয় আৰু আৰক্ষীৰ গুলীত ৰোহিত আৰিয়াৰ মৃত্যু হয়। তাৰ পিছতেই ষ্টুডিঅ’ৰ ভিতৰত আবদ্ধ হৈ থকা শিশুসকলক নিৰাপদে উলিয়াই অনা হয়।
লগতে পঢ়ক: ভয়ংকৰ কাণ্ড; দিন-দুপৰতে প্ৰায় ২০ টা শিশুক পণবন্দি ইউটিউবাৰৰ
