বৃদ্ধি পাব হজম শক্তি
যদি আপুনিও নিজকে সুস্থ আৰু ৰোগৰ পৰা আঁতৰত ৰাখিব বিচাৰে তেন্তে আপোনাৰ খাদ্যত অন্তৰ্ভুক্ত কৰক অমিতা। খালী পেটত আঁহযুক্ত অমিতা খালে যকৃতত জমা হোৱা অশুদ্ধি পৰিষ্কাৰ হয় আৰু শৰীৰৰ বিষমুক্ত হয়।
লগতে হজম শক্তি সুস্থ কৰি ৰখাত ই অতি উপকাৰী হ’ব পাৰে। এই ফল বহু গুণেৰে ভৰপূৰ।ইয়াত থকা পাচন এনজাইম যেনে পেপেইন আৰু সমৃদ্ধ ফাইবাৰে ইয়াক আমাৰ পেট আৰু যকৃতৰ বাবে এক ছুপাৰফুড কৰি তোলে।ৰাতিপুৱা খালী পেটত অমিতা খালে কি কি উপকাৰ হয় জানেনে?
ফেটী লিভাৰ: ফেটী লিভাৰৰ সমস্যাত অমিতা খালে বহু উপকাৰ পোৱা যায়। ই প্ৰ’ইনফ্লেমেটৰী চাইট’কাইনৰ অত্যধিক উৎপাদন আৰু কাৰ্য্যকলাপত বাধা দি যকৃতৰ প্ৰদাহ হ্ৰাস কৰাত সহায় কৰিব পাৰে।
হজম শক্তি বৃদ্ধি: অমিতাত বহু পৰিমাণৰ ফাইবাৰ থাকে, যাৰ ফলত মলত্যাগ সহজ হয় আৰু কোষ্ঠকাঠিন্যৰ দৰে সমস্যাৰ পৰা সকাহ দিয়ে।পেপেইন এনজাইমে প্ৰটিন ভাঙি পেলোৱাত সহায় কৰে, যাৰ বাবে খাদ্য ভালদৰে হজম হয়।খালী পেটত খালে দিনটোৰ আৰম্ভণিতে পাচনতন্ত্ৰক স্বাস্থ্যসন্মত জোৰ দিয়ে।
ওজন নিয়ন্ত্ৰণ: অমিতাত প্ৰচুৰ পৰিমাণে ফাইবাৰ থাকে যাৰ বাবে পেটটো দীঘলীয়া সময়লৈকে ভৰপূৰ অনুভৱ হয়, যিয়ে অপ্ৰয়োজনীয় খাদ্য গ্ৰহণৰ পৰা আঁতৰি থকাত সহায় কৰে আৰু ওজন কমোৱাত সহায় কৰে।
(ইয়াত দিয়া পৰামৰ্শ সমূহ সাধাৰণ তথ্যৰ বাবেহে। স্বাস্থ্য সম্পৰ্কীয় যিকোনো ব্যৱস্থা গ্ৰহণ কৰাৰ পূৰ্বে চিকিৎসকৰ পৰামৰ্শ লওক)
লগতে পঢ়ক: সময়সীমালৈকে কাম পিছুৱাই থোৱাৰ অভ্যাস আছে নেকি ? হাত সাৰিবলৈ আজিয়েই আৰম্ভ কৰক এই ৪টা কাম
