আজিৰ আধুনিক যুগত ইণ্টাৰনেট আমাৰ জীৱনৰ এক গুৰুত্বপূৰ্ণ অংগ হৈ পৰিছে । অনলাইন শ্বপিং হওক, একাডেমিক ৰিচাৰ্চ হওক, বা ভিডিঅ’ কনফাৰেন্সিং হওক, দ্ৰুত ইণ্টাৰনেটৰ গতিবেগে সকলো সহজ কৰি তুলিছে । কিন্তু বিশ্বজুৰি ইণ্টাৰনেটৰ গতিৰ ক্ষেত্ৰত কিছুমান দেশ আছে যিবোৰ আন কিছুমানতকৈ বহু আগবাঢ়ি আছে । ২০২৪ চনত এই দেশসমূহে দ্ৰুততম ইণ্টাৰনেট গতিৰ ক্ষেত্ৰত নতুন উচ্চতা স্পৰ্শ কৰিছে । ৱৰ্ল্ড পপুলেচন ৰিভিউৰ মতে এই দেশসমূহৰ বিষয়ে জানক আৰু ইয়াৰ ইন্টাৰনেটৰ গতিও এবাৰ চাওক ।
সংযুক্ত আৰব আমিৰশ্বাহী(UAE)-
ইণ্টাৰনেটৰ গতিৰ ক্ষেত্ৰত এইবাৰ ইউ এ ইয়ে প্ৰথম স্থান দখল কৰিছে । ২৯৭.৬২ এম বি পি এছ গড় গতিৰে দেশখন ডিজিটেল সংযোগৰ ক্ষেত্ৰত আগশাৰীৰ দেশত পৰিণত হৈছে । এই দ্ৰুত গতিবেগে ব্যৱসায়, শিক্ষা, মনোৰঞ্জনৰ ক্ষেত্ৰত ডাঙৰ ভূমিকা লৈছে ।
ছিংগাপুৰ-
ইণ্টাৰনেটৰ গতিৰ ক্ষেত্ৰত ছিংগাপুৰ বিশ্বৰ অন্যতম শ্ৰেষ্ঠ দেশ । ইয়াত ২৯৭.৫৭ এম বি পি এছৰ গতিবেগে দেশখনক দ্বিতীয় স্থানত ৰাখিছে । এই দেশখন অতি আধুনিক প্ৰযুক্তিৰ মৌলিক আন্তঃগাঁথনিৰ বাবে পৰিচিত ।
হংকং-
এছিয়াৰ টেক হাব হংকঙে ২৮০ এম বি পি এছ গতিৰে তৃতীয় স্থান লাভ কৰিছে । ইয়াত দ্ৰুত ইণ্টাৰনেটৰ গতিবেগে ডিজিটেল উদ্ভাৱন আৰু স্মাৰ্ট চিটিৰ পদক্ষেপক প্ৰসাৰিত কৰিছে ।
চিলি-
দক্ষিণ আমেৰিকাত ইণ্টাৰনেটৰ গতিৰ ক্ষেত্ৰত চিলিয়ে উজ্জ্বল প্ৰদৰ্শন আগবঢ়াইছে । গড় গতিবেগ ২৬৫.৬২ এম বি পি এছেৰে দেশখন চতুৰ্থ স্থানত আছে ।
আমেৰিকা-
কাৰিকৰী ক্ষেত্ৰখনৰ অন্যতম প্ৰভাৱশালী দেশ আমেৰিকাই ২৪২.২৭ এম বি পি এছ গতিৰে পঞ্চম স্থানত আছে । ইয়াত দ্ৰুত গতিবেগে অনলাইন ষ্ট্ৰীমিং আৰু দূৰৱৰ্তী কামক অতি সুবিধাজনক কৰি তুলিছে ।
থাইলেণ্ড-
ইণ্টাৰনেটৰ ক্ষেত্ৰত থাইলেণ্ডে ২৩২.১৫ এম বি পি এছ গতিৰে যথেষ্ট অগ্ৰগতি লাভ কৰিছে । এই দেশখন প্ৰযুক্তিগত উন্নতি আৰু ডিজিটেলাইজেশ্যনৰ বাবে জনাজাত ।
ফ্ৰান্স-
ইউৰোপত ফ্ৰান্স দ্ৰুত ইন্টাৰনেট গতিৰ বাবে পৰিচিত । ২২৩.৭২ এম বি পি এছৰ গতিবেগে দেশখনক সপ্তম স্থানত ৰাখিছে ।
ডেনমাৰ্ক-
ডেনমাৰ্ক উচ্চ জীৱন ধাৰণৰ মানদণ্ড আৰু প্ৰযুক্তিগত অগ্ৰগতিৰ বাবে পৰিচিত । এই দেশখন ২১৯.২৩ এম বি পি এছ গতিৰে অষ্টম স্থানত আছে ।
আইচলেণ্ড-
আইচলেণ্ডে ২১৩.৯৮ এম বি পি এছ গতিৰে নৱম স্থান লাভ কৰিছে । দেশখন ইয়াৰ আকাৰ সৰু আৰু নেটৱৰ্ক কভাৰেজৰ বাবে উৎকৃষ্ট ।
ইজৰাইল-
প্ৰযুক্তিগত উদ্ভাৱন আৰু ষ্টাৰ্টআপৰ বাবে বিখ্যাত ইজৰাইল ২০৬.৪২ এম বি পি এছ গতিৰে দশম স্থানত আছে ।
