২০২৪ বৰ্ষটোৱে ভাৰতীয় ক্ৰিকেটলৈ কেতিয়াবা সুখৰ লগতে কেতিয়াবা কঢ়িয়াই আনিলে দুখ । ভাৰতীয় দলটোৱে এইবাৰ টি-২০ বিশ্বকাপৰ খিতাপ দখল কৰি অনুৰাগীক সুখী কৰি তুলিছিল । কিন্তু এই বছৰটোত ভাৰতৰ ১২ গৰাকী তাৰকা খেলুৱৈয়ে ক্ৰিকেটৰ পৰা বিদায় লয় । এয়া তেওঁলোকৰ অনুৰাগীৰ তথা ভাৰতীয় ক্ৰিক্ৰেট জগতৰ বাবা দুখতকৈ কম নাছিল ।

বিৰাট কোহলী, ৰোহিত শৰ্মা, ৰবীন্দ্ৰ জাডেজা, শিখৰ ধাৱন আৰু অৱশেষত ৰবিচন্দ্ৰন অশ্বিনৰ দৰে তাৰকা খেলুৱৈয়ে অৱসৰ লোৱাত ভাৰতীয় অনুৰাগীসকলে আটাইতকৈ ডাঙৰ আঘাত লাভ কৰিলে । অৱশ্যে কোহলী, ৰোহিত আৰু জাডেজাই কেৱল টি-২০ ইণ্টাৰনেশ্যনেলৰ পৰা বিদায় লৈছে ।

বিশ্বকাপ জয়ৰ লগে লগে অৱসৰ লয় কোহলী-ৰোহিত-জাডেজাইঃ

চলিত বৰ্ষৰ জুন মাহত টি-২০ বিশ্বকাপৰ খিতাপ দখল কৰিছিল ভাৰতীয় দলে । ২৯ জুনত অনুষ্ঠিত ফাইনেলত দক্ষিণ আফ্ৰিকাক ৭ ৰাণত পৰাস্ত কৰি দ্বিতীয়বাৰৰ বাবে টি-২০ বিশ্বকাপত জয়লাভ কৰে দলটোৱে । বাৰ্বাডোছত অনুষ্ঠিত এই ফাইনেলত জয়লাভ কৰাৰ পিছত কোহলী আৰু ৰোহিতে টি-২০ ইণ্টাৰনেশ্যনেলৰ পৰা অৱসৰ লোৱাৰ কথা ঘোষণা কৰে ।

এই ঘোষণাই অনুৰাগীসকলৰ মাজত জোকাৰণিৰ সৃষ্টি কৰিছিল । ইয়াৰ ঠিক পিছদিনা জাডেজায়ো অনুৰাগীক আচৰিত কৰি টি-২০ ইণ্টাৰনেশ্যনেলৰ পৰা অৱসৰ লোৱাৰ কথা ঘোষণা কৰে । এইদৰে বিশ্বকাপ জয়ৰ আনন্দৰ সমান্তৰালকৈ অনুৰাগীসকলে তিনি তাৰকা খেলুৱৈৰ অৱসৰৰ দুখো লাভ কৰে ।

জন্মদিনত অনুৰাগীক দুখ দিলে কাৰ্তিকে-

১ জুনত ভাৰতীয় দলৰ তাৰকা উইকেটকীপাৰ বেটছমেন দীনেশ কাৰ্তিকেও অনুৰাগীক আচৰিত কৰে । কাৰ্তিকৰ জন্মদিনো আছিল ১ জুনত । জন্মদিনৰ উপহাৰ হিচাপে এই দিনটোতে অনুৰাগীক দুখ দিয়ে খেলুৱৈগৰাকীয়ে । এই দিনটোতে কাৰ্তিকে ক্ৰিকেটৰ সকলো ফৰ্মেটৰ পৰা অৱসৰ গ্ৰহণ কৰাৰ কথা ঘোষণা কৰে ।

কেৱল জুন মাহতে চাৰিজনকৈ খেলুৱৈয়ে অৱসৰ লোৱাৰ পাছত আগষ্ট মাহত ভাৰতীয় দলটোৱে আন এক আঘাতৰ সন্মুখীন হয় । তাৰকা ভাৰতীয় অ’পেনাৰ শিখৰ ধাৱানে ২৪ আগষ্টত আন্তঃৰাষ্ট্ৰীয় আৰু ঘৰুৱা ক্ৰিকেটৰ পৰা অৱসৰ লোৱাৰ কথা ঘোষণা কৰি অনুৰাগীক আচৰিত কৰি তোলে । ২০১৩ চনত চেম্পিয়নছ ট্ৰফী জয় কৰা ভাৰতীয় দলৰ অংশ হিচাপেও ধাৱনে অংশ লৈছিল ।

অষ্ট্ৰেলিয়া ভ্ৰমণৰ ঠিক পূৰ্বে আন এক অৱসৰ-

বৰ্তমান অষ্ট্ৰেলিয়া ভ্ৰমণত থকা ভাৰতীয় দলটোৱে বৰ্ডাৰ-গাভাস্কাৰ ট্ৰফীৰ অধীনত পাঁচখনীয়া খেলৰ টেষ্ট শৃংখলা খেলি আছে । এই শৃংখলাৰ ঠিক পূৰ্বে নৱেম্বৰ মাহত অভিজ্ঞ উইকেটকীপাৰ বেটছমেন ঋদ্ধিমান সাহাই ক্ৰিকেটৰ পৰা বিদায় লয় । বংগৰ এই ৪০ বছৰীয়া উইকেটকীপাৰগৰাকীয়ে ২০১০ চনত আন্তঃৰাষ্ট্ৰীয় ক্ৰিকেটত অভিষেক ঘটোৱাৰ পিছত ৪০খন টেষ্ট আৰু ৯খন এদিনীয়া খেল খেলিছে ।

এই সকলোবোৰৰ উপৰিও ভাৰতীয় দলৰ তাৰকা খেলুৱৈ কেদাৰ যাদৱ, বৰুণ এৰন, বৰিন্দৰ শ্ৰান, সিদ্ধাৰ্থ কৌল আৰু সৌৰভ তিৱাৰীয়েও তিনিওটা ফৰ্মেটকে বিদায় দিছে ।

বছৰৰ শেষ আৰু আটাইতকৈ ডাঙৰ আঘাত দিলে অশ্বিনে-

বছৰটো শেষ হবলৈ মাত্ৰ কেইটামান দিন বাকী থকা অৱস্থাত তাৰকা স্পীনাৰ ৰবিচন্দ্ৰন অশ্বিনে ডাঙৰ আঘাত দিয়ে । বৰ্ডাৰ-গাভাস্কাৰ ট্ৰফীৰ মাজতে আন্তঃৰাষ্ট্ৰীয় ক্ৰিকেটৰ পৰা বিদায় ল’লে এই ষ্টাৰ স্পীন অল-ৰাউণ্ডাৰগৰাকীয়ে ।

ভাৰত আৰু অষ্ট্ৰেলিয়াৰ মাজত খেলা গাব্বা টেষ্ট ড্ৰ’ হোৱাৰ পিছতে বৃহস্পতিবাৰে (১৮ ডিচেম্বৰ) তেওঁ এই সিদ্ধান্ত গ্ৰহণ কৰে । এনে পৰিস্থিতিত ২০২৪ চনত মুঠ ১২ গৰাকী ভাৰতীয় ক্ৰিকেটাৰে অৱসৰ গ্ৰহণ কৰে । এক প্ৰকাৰে এয়া ভাৰতৰ বাবে অৱসৰ একাদশ হৈ পৰিছে ।

এই ১২ জন ভাৰতীয়ই ২০২৪ চনত অৱসৰ গ্ৰহণ কৰে-

– কোহলী, ৰোহিত, জাডেজাৰ টি-২০ আন্তঃৰাষ্ট্ৰীয়ৰ পৰা অৱসৰ গ্ৰহণ

– আন্তঃৰাষ্ট্ৰীয় ক্ৰিকেটৰ পৰা অশ্বিনৰ অৱসৰ

– দীনেশ কাৰ্তিক, শিখৰ ধাৱন, কেদাৰ যাদৱ, ঋদ্ধিমান সাহা, বৰুণ এৰণ, বৰিন্দৰ শ্ৰাণ, সিদ্ধাৰ্থ কৌল আৰু সৌৰভ তিৱাৰীয়ে তিনিওটা ফৰ্মেটৰ পৰা বিদায় লয়

ভাৰতীয় ক্ৰিকেট দলৰ বাবে ২০২৪ বৰ্ষটো উল্লেখনীয় আছিল । দলটোৱে আই চি চি ট্ৰফী (টি২০ বিশ্বকাপ ২০২৪) লাভ কৰি ১১ বছৰৰ অপেক্ষাৰ অন্ত পেলায় । এই বছৰটো দলৰ খেলুৱৈসকলৰ বাবে উত্থান-পতনেৰে ভৰি আছিল । ইয়াৰ মাজতে ৰোহিত শৰ্মা আৰু বিৰাট কোহলীয়ে টি-২০ আন্তঃৰাষ্ট্ৰীয় ক্ৰিকেটৰ পৰা অৱসৰ গ্ৰহণ কৰে । ভাৰতৰ টি-২০ দলৰ অধিনায়ক হয় সূৰ্যকুমাৰ যাদৱ । গতিকে এই বছৰ টিম ইণ্ডিয়াৰ এইসকল তাৰকা খেলুৱৈৰ বাবে কেনেকুৱা আছিল জানক-

ৰোহিত শৰ্মা-

ভাৰতীয় অধিনায়ক ৰোহিত শৰ্মাই চলিত বৰ্ষত এতিয়ালৈকে তিনিওটা ফৰ্মেটতে ২৭খন খেল খেলিছে । এই মেচসমূহৰ ৩৭টা ইনিংছত ৩৩.২৯ গড়ে ১১৩২ ৰান সংগ্ৰহ কৰিছে হিটমনে । এই সময়ছোৱাত তেওঁ ৩টা শতক আৰু ৭টা অৰ্ধশতক অৰ্জন কৰিছে । অৱশ্যে শেহতীয়াকৈ অষ্ট্ৰেলিয়াৰ বিৰুদ্ধে চলি থকা ৫খনীয়া মেচৰ টেষ্ট শৃংখলাত দুৰ্বল ফৰ্মৰ সৈতে যুঁজি থকা দেখা গৈছে অধিনায়কগৰাকীক ।

বিৰাট কোহলী-

ভাৰতীয় ক্ৰিকেট দলৰ তাৰকা বেটছমেন বিৰাট কোহলীয়ে চলিত বৰ্ষত এতিয়ালৈকে তিনিওটা ফৰ্মেটতে ২২খন মেচ খেলিছে । এই মেচসমূহৰ ২৯টা ইনিংছত বেটিং কৰি তেওঁ ২২.৬২ গড়ে ৬১১ ৰান সংগ্ৰহ কৰিছে । এই সময়ছোৱাত তেওঁ ১টা শতক আৰু ২টা অৰ্ধশতক অৰ্জন কৰিছে । অষ্ট্ৰেলিয়াৰ বিৰুদ্ধে চলি থকা বৰ্ডাৰ-গাভাস্কাৰ ট্ৰ্ফীৰ প্ৰথমখন মেচৰ দ্বিতীয় ইনিংছত অপৰাজিত শতক অৰ্জন কৰি পুনৰ ফৰ্মলৈ ঘূৰি অহাৰ ইংগিত দিছিল যদিও দ্বিতীয় আৰু তৃতীয় টেষ্টত বিশেষ প্ৰদৰ্শন কৰিব পৰা নাই কোহলীয়ে ।

সূৰ্যকুমাৰ যাদৱ-

সূৰ্যকুমাৰ যাদৱক এইবাৰ ভাৰতৰ টি-২০ দলৰ অধিনায়ক হিচাপে নিযুক্তি দিয়া হয় । ২০২৪ চনত এতিয়ালৈকে টিম ইণ্ডিয়াৰ হৈ ১৮খন খেল খেলিছে সূৰ্যই । এই মেচসমূহৰ ১টা ইনিংছত বেটিং কৰি তেওঁ ২৬.৮১ গড়ে ৪২৯ ৰান সংগ্ৰহ কৰিছে । এই সময়ছোৱাত তেওঁ ৪টা অৰ্ধশতক অৰ্জন কৰিছে ।

হাৰ্দিক পাণ্ডিয়া-

তাৰকা অল-ৰাউণ্ডাৰ হাৰ্দিক পাণ্ডিয়াই ২০২৪ চনত টিম ইণ্ডিয়াৰ হৈ এতিয়ালৈকে ১৭খন মেচ খেলিছে । এই মেচসমূহৰ ১৪টা ইনিংছত বেটিং কৰি হাৰ্দিকে গড়ে ৪৪.০০ ৰানত ৩৫২ ৰান সংগ্ৰহ কৰিছে । এই সময়ছোৱাত তেওঁ ১টা অৰ্ধশতক অৰ্জন কৰিছে । ইয়াৰ উপৰিও ১৬ টা ইনিংছত বলিং কৰাৰ সময়ত হাৰ্দিকে গড়ে ২৬.২৫ ৰানত ১৬টা উইকেট দখল কৰিছে, য’ত সৰ্বোত্তম সংখ্যা হৈছে ৩/২০ ।

২০২৪ বৰ্ষটো ক্ৰিকেট অনুৰাগীৰ বাবে যিমান সুখৰ আছিল সিমানেই দুখৰো আছিল । এই বৰ্যটোত বহু ক্ৰিকেটাৰে নিজৰ অনুৰাগীক এনে বহু সুযোগ দিছিল, যিটো তেওঁলোকে উপভোগ কৰিছিল । বহু তাৰকা ক্ৰিকেটাৰে ক্ৰিকেটৰ পৰা বিদায় লৈছিল, যিয়ে তেওঁলোকৰ অনুৰাগীৰ হৃদয় ভাঙিছিল । বিৰাট কোহলী আৰু ৰোহিত শৰ্মাকো এইবাৰ অৱসৰ লোৱা ক্ৰিকেটাৰৰ তালিকাত অন্তৰ্ভুক্ত কৰা হৈছে । দুয়োজন বেটছমেনে এটা ফৰ্মেটৰ পৰা বিদায় লয় । গতিকে এই বৰ্ষত কোনজন ক্ৰিকেটাৰ অৱসৰ ল’লে জানক ।

২০২৪ চনত ক্ৰিকেটৰ পৰা অৱসৰ লোৱা খেলুৱৈ-

এইবাৰ ক্ৰিকেটৰ পৰা অৱসৰ লোৱা ক্ৰিকেটাৰৰ তালিকাত ৰোহিত শৰ্মা আৰু বিৰাট কোহলীৰ নামো আছে । ২০২৪ চনৰ টি-২০ বিশ্বকাপত জয়লাভ কৰি ৰোহিত আৰু বিৰাটে টি-২০ ইণ্টাৰনেশ্যনেলৰ পৰা অৱসৰ লোৱাৰ সিদ্ধান্ত লৈছিল । কোহলী আৰু ৰোহিত শৰ্মাৰ লগতে টি-২০ ইণ্টাৰনেশ্যনেলৰ পৰা অৱসৰ গ্ৰহণ কৰে টিম ইণ্ডিয়াৰ তাৰকা অলৰাউণ্ডাৰ ৰবীন্দ্ৰ জাডেজাই ।

ইয়াৰ উপৰিও টিম ইণ্ডিয়াৰ তাৰকা বেটছমেন শিখৰ ধাৱান, উইকেটকীপাৰ বেটছমেন দীনেশ কাৰ্তিক আৰু উইকেটকীপাৰ বেটছমেন ঋদ্ধিমান সাহাই আন্তঃৰাষ্ট্ৰীয় ক্ৰিকেটৰ পৰা অৱসৰ লোৱাৰ সিদ্ধান্ত লয় । ধাৱানে বৰ্তমান নেপাল প্ৰিমিয়াৰ লীগ খেলিছে । ২০২৫ চনৰ আই পি এলত ৰয়েল চেলেঞ্জাৰছ বাংগালুৰুৰ বেটিং প্ৰশিক্ষক আৰু গুৰু হিচাপে দেখা যাব দীনেশ কাৰ্তিকক ।

এইসকল বিদেশী ক্ৰিকেটাৰেও অৱসৰ গ্ৰহণ কৰে-

ভাৰতীয় ক্ৰিকেটাৰৰ উপৰিও বহু বিদেশী ক্ৰিকেটাৰেও ২০২৪ চনত ক্ৰিকেটৰ পৰা অৱসৰ গ্ৰহণ কৰে । অষ্ট্ৰেলিয়াৰ তাৰকা বেটছমেন ডেভিদ ৱাৰ্নাৰে আন্তঃৰাষ্ট্ৰীয় ক্ৰিকেটৰ পৰা বিদায় লয় । ইয়াৰ উপৰিও ইংলেণ্ডৰ বেগী বলাৰ জেমছ এণ্ডাৰছনেও আন্তঃৰাষ্ট্ৰীয় ক্ৰিকেটৰ পৰা অৱসৰ গ্ৰহণ কৰে । অৱসৰৰ পিছত ২০২৫ চনৰ মেগা নিলামত এণ্ডাৰছনে নিজৰ নাম দিছিল যদিও কোনো দলে তেওঁক ক্ৰয় কৰা নাছিল ।

ইয়াৰ উপৰিও ইংলেণ্ডৰ অল-ৰাউণ্ডাৰ ম’ইন আলী, নিউজীলেণ্ডৰ বেগী বলাৰ নীল ৱেগনাৰ আৰু টিম ছাউথীয়েও এইবাৰ আন্তঃৰাষ্ট্ৰীয় ক্ৰিকেটৰ পৰা বিদায় লয় ।

উল্লেখ্য যে ২০২৪ চনত পাকিস্তানৰ বেগী বলাৰ মহম্মদ আমিৰ আৰু অলৰাউণ্ডাৰ ইমাদ ৱাছিমেও আন্তঃৰাষ্ট্ৰীয় ক্ৰিকেটক বিদায় দিছিল । যদিও ইয়াৰ পূৰ্বেও দুয়োজন পাকিস্তানী খেলুৱৈয়ে আন্তঃৰাষ্ট্ৰীয় ক্ৰিকেটৰ পৰা অৱসৰ লৈছিল । দুয়োগৰাকী পাকিস্তানী খেলুৱৈয়ে অৱসৰৰ পৰা উভতি আহি ২০২৪ চনৰ টি-২০ বিশ্বকাপত খেলিছিল ।