ৰাজ্যসভাত আম আদমী পাৰ্টীৰ ৭ গৰাকী সাংসদে বিজেপিত যোগদান কৰিছে। ৰাজ্যসভাৰ অধ্যক্ষই এই প্ৰস্তাৱত অনুমোদন জনাইছে।

আম আদমী পাৰ্টী আৰু অৰবিন্দ কেজৰিৱালে এক বৃহৎ বিপৰ্যয়ৰ সন্মুখীন হৈছে। ৰাঘৱ চাদ্দা আৰু সন্দীপ পাঠক সহ আম আদমি পাৰ্টীৰ ৭ গৰাকী সাংসদক বিজেপিত যোগদানৰ প্ৰস্তাৱত ৰাজ্যসভাৰ অধ্যক্ষই অনুমোদন জনাইছে।এই সন্দৰ্ভত আনুষ্ঠানিক অধিসূচনাও জাৰি কৰা হৈছে।য’ত বিজেপিৰ সাংসদৰ তালিকাত এই ৭ গৰাকী নেতাৰ নামো অন্তৰ্ভুক্ত।

আম আদমী পাৰ্টীৰ সাতজন সাংসদে বিজেপিত যোগদান কৰাৰ লগে লগে ৰাজ্যসভাত বিজেপিৰ মুঠ সাংসদৰ সংখ্যা ১১৩ গৰাকী হয়।ইয়াৰে পাঁচজন সদস্যক ৰাষ্ট্ৰপতিয়ে মনোনীত কৰিছে। বিজেপিত যোগদান কৰা আপৰ ৭ গৰাকী সাংসদ হৈছে ৰাঘৱ চাদ্দা, অশোক কুমাৰ মিত্তল, হৰভজন সিং, সন্দীপ কুমাৰ পাঠক, বিক্ৰমজিৎ সিং সাহনী, স্বাতী মালিৱাল, আৰু ৰাজেন্দ্ৰ গুপ্তা।

মন কৰিবলগীয়া যে শুকুৰবাৰে ৰাঘৱ চাদ্দা আৰু সন্দীপ পাঠকে বিজেপিত যোগদান কৰাৰ সিদ্ধান্ত ঘোষণা কৰিছিল। বিজেপিৰ সভাপতি নীতিন নবিনে সাংসদসকলক মিঠাই খোৱাই দললৈ আদৰণি জনায়।

আপৰ ৭ গৰাকী সাংসদ বিজেপিৰ সৈতে একত্ৰিত হোৱাৰ পিছত এতিয়া দলটোত মাত্ৰ ৩ গৰাকী সাংসদ হে বাকী আছে।তেওঁলোকৰ নাম হৈছে সঞ্জয় সিং, নাৰায়ণ দাস গুপ্ত, আৰু সন্ত বলবীৰ সিং।

লগতে পঢ়ক: “আজি শেষ প্ৰচাৰ,এতিয়া, মই শপত গ্ৰহণ অনুষ্ঠানলৈ হে আহিম”; বংগত  আত্মবিশ্বাসেৰে প্ৰধানমন্ত্ৰী মোদীৰ মন্তব্য

পঞ্জাৱৰ মুখ্যমন্ত্ৰী ভগৱন্ত মানে আপ ত্যাগ কৰা সাংসদসকলক সাতটা মছলাৰ সৈতে তুলনা কৰি কটাক্ষ কৰিছে।

আম আদমী পাৰ্টিৰ ভিতৰত সৃষ্টি হোৱা ৰাজনৈতিক অস্থিৰতাই এক বৃহৎ ধুমুহাৰ সৃষ্টি কৰিছে।ৰাঘৱ চাদ্দাকে ধৰি তিনিজন সাংসদে আপ ত্যাগ কৰি বিজেপিত যোগদান কৰিছে।ইফালে চাৰিজন সাংসদক লৈ এতিয়াও ছাচপেন্স অব্যাহত আছে।ইয়াৰ প্ৰতিক্ৰিয়া স্বৰূপে আপ নেতা তথা পঞ্জাৱৰ মুখ্যমন্ত্ৰী ভগৱন্ত মানে তেওঁলোকক কটাক্ষ কৰি পোষ্ট শ্বেয়াৰ কৰিছে।

ভগৱন্ত মানে  আপ এৰি বিজেপিত যোগদান কৰা আৰু যোগদান কৰাৰ সম্ভাৱনা থকা ৭ জন সাংসদৰ তুলনা ৭টা মছলাৰ লগত কৰিছে।তেওঁ এই মছলা সমূহৰ গুণাগুণৰ কথা উল্লেখ কৰি কয় যে, এই সমূহ তেতিয়ালৈকে হে উল্লেখযোগ্য হৈ থাকে যেতিয়ালৈকে কোনো খাদ্যত যোগ কৰা নহয়। নিজৰ মাজত ইহঁতৰ কোনো গুৰুত্ব নাই।

ভগৱন্ত মানে সামাজিক মাধ্যমত লিখিছে যে, আদা, নহৰু, জিৰা, মেথি গুড়ি, ৰঙা জলকীয়া, ক’লা জলকীয়া, আৰু ধনীয়া, এই ৭টা উপাদান মিলি খাদ্য সুস্বাদু কৰি তোলে, কিন্তু এইবোৰে অকলে কেতিয়াও চব্জী হ’ব নোৱাৰে।

লগতে পঢ়ক: আম আদমী পাৰ্টীৰ পৰা পদত্যাগ ৰাঘৱ চাদ্দাৰ; শীঘ্ৰেই পিন্ধিব গেৰুৱা বসন