সুনীতা আহুজাই কিছুদিন পূৰ্বে স্বামী গোবিন্দাৰ অবৈধ প্ৰেমৰ কথাক লৈ মন্তব্য কৰে। তাৰ পিছতেই মুখ খুলিছে অভিনেতা গোবিন্দাই।

বলীউডৰ তাৰকা গোবিন্দা আৰু সুনীতা আহুজাৰ সম্পৰ্কই বিগত এবছৰ ধৰি ধাৰাবাহিকভাৱে বাতৰিৰ শিৰোনাম দখল কৰি আহিছে।

শেহতীয়াকৈ সুনীতাই গোবিন্দাৰ একাধিক প্ৰেমৰ সম্পৰ্ক থকাৰ বাবে কেতিয়াও ক্ষমা নকৰে বুলি অভিযোগ কৰি শিৰোনাম দখল কৰিছিল।এই অভিযোগৰ প্ৰতি এতিয়া প্ৰতিক্ৰিয়া প্ৰকাশ কৰি গোবিন্দাই কয় যে সুনীতাক ষড়যন্ত্ৰৰ বাবে ব্যৱহাৰ কৰা হৈছে।

এটা সাক্ষাৎকাৰত গোবিন্দই কয় যে,শেহতীয়াকৈ মই লক্ষ্য কৰিছোঁ যে মই যেতিয়া নিমাত হৈ থাকোঁ,হয়টো মোক দুৰ্বল যেন লাগে, নহলেবা এনেকুৱা লাগে যে ময়েই সমস্যাৰ মূল….সেই কাৰণে আজি মই উত্তৰ দিম।

মোক কোৱা হৈছিল যে মোৰ পৰিয়ালৰ সদস্যসকল হয়তো অজানিতে জড়িত হৈ আছে,আৰু তেওঁলোকে গম নাপাব যে তেওঁলোকক এক বৃহৎ ষড়যন্ত্ৰৰ প্ৰাৰম্ভিক পৰ্যায়ত ব্যৱহাৰ কৰা হৈছে…কিন্তু তাই (সুনীতাই) কেতিয়াও কল্পনা কৰিব নোৱাৰে যে সুনীতা নিজেই অজানিতে এটা ডাঙৰ ষড়যন্ত্ৰত আবদ্ধ হৈ পৰিছে,আৰু তেওঁক অ’পেনিং বেটছমেন হিচাপে খেলপথাৰলৈ প্ৰেৰণ কৰা হৈছে।

অভিনেতাজনে কয় যে “তেওঁক শক্তিশালী লোকে লক্ষ্য কৰি লৈছে।কাৰোবাৰ সুনাম কলংকিত কৰি তেওঁলোকৰ ওপৰত কিবা এটা জাপি দিবলৈ,যেনেকৈ এজন অতি বিপজ্জনক মানুহে মোক আৰম্ভণিতে অভিযোগ কৰিছিল,আৰু পিছত সেই মানুহজনো উন্মোচিত হ’ল।”

“যেতিয়া চলচ্চিত্ৰ জগতত আপোনাৰ জনপ্ৰিয়তাই এটা সীমা অতিক্ৰম কৰে,তেন্তে বহু মানুহ আগবাঢ়ি আহে আপোনাক ধ্বংস কৰিবলৈ।এই সমস্যাৰ পৰা মোক বচাবলৈ ভগৱানৰ ওচৰত প্ৰাৰ্থনা কৰো।”

“আৰু মোৰ সন্তানৰ মংগলৰ বাবেও প্ৰাৰ্থনা কৰোঁ।মই প্ৰাৰ্থনা কৰোঁ যাতে কোনো ভুল বুজাবুজি নহয় আৰু মোৰ শ্বাসৰুদ্ধ হোৱা যেন নালাগে।বিশেষকৈ মোৰ পৰিয়াললৈ এক বিনম্ৰ অনুৰোধ।”

লগতে পঢ়ক: ‘গোবিন্দাক কেতিয়াও ক্ষমা নকৰো’; স্বামীৰ অবৈধ প্ৰেমক লৈ মুখখুলিলে সুনিতা আহুজাই

গোবিন্দা অবৈধ প্ৰেমক লৈ মৌনতা ভংগ কৰিছে পত্নী সুনিতা আহুজাই। সুনিতাই কয় যে ‘গোবিন্দাক কেতিয়াও ক্ষমা নকৰো’।

বলীউডৰ হিৰো নম্বৰ ৱান গোবিন্দা আৰু সুনীতা আহুজা প্ৰায়ে তেওঁলোকৰ বিবাহিত জীৱনক লৈ শিৰোনামত থাকে।সুনীতাই প্ৰায়ে স্বামী গোবিন্দাৰ অবৈধ প্ৰেমক লৈ চৰ্চিত হৈ থকা উৰা বাতৰিক লৈ চলি থকাৰ কথা মুকলিকৈ কয়।

এতিয়া তেওঁ আকৌ এবাৰ স্বামীৰ অবিশ্বাসক লৈ নিজৰ মৌনতা ভংগ কৰি আচৰিত মন্তব্য কৰিছে,যিটো শুনি সকলো আচৰিত হৈছে।

এটা প’ডকাষ্টত সুনিতাই গোবিন্দাৰ অবৈধ প্ৰেমৰ কথা মুকলিকৈ কৈছে। লগতে সুনীতাই দাবী কৰে যে গোবিন্দই তেওঁৰ পুত্ৰ যশক তেওঁৰ কেৰিয়াৰত সহায় কৰা নাছিল।তেওঁ পিতৃ হিচাপে নিজৰ কৰ্তব্য পালন কৰা নাছিল।

গোবিন্দাৰ কথা উল্লেখ কৰি সুনিতাই কয় যে,মই গোবিন্দাক কেতিয়াও ক্ষমা নকৰো। মই নেপালৰ। মই যদি খুকুৰি উলিয়াবলৈ হ’লে সকলোৰে অৱস্থা বেয়া হ’ব। সেইবাবেই মই কৈছোঁ, সজাগ হওক বেটা, এতিয়াও সময় আছে।

অৱশ্যে এই প’ডকাষ্টৰ এটা প্ৰ’ম’ ভিডিঅ’হে এতিয়ালৈকে মুকলি কৰা হৈছে।কিন্তু সুনীতাই প্ৰ’ম’ত স্বামীৰ বিষয়ে স্পষ্টকৈ প্ৰকাশ কৰা কথাই আলোড়নৰ সৃষ্টি কৰিছে।

অবৈধ প্ৰেমৰ কথা ইংগিত দি সুনিতাই কয় যে,তেনেকুৱা ছোৱালী বহুত আছে।কিন্তু তুমি অলপ বুৰ্বক। তোমাৰ বয়স ৬৩ বছৰ।টিনাক বিয়া দিয়াৰ সময় আহিছে। যশৰ কেৰিয়াৰ বাজিত পৰিছে।এতিয়া সুনিতাই কোনজনী যুৱতীৰ কথা ইংগিত কৰিছে সেইটো তেওঁ হে ক’ব পাৰিব।

লগতে পঢ়ক: ‘১০ কোটি দিয়ক নহ’লে সমাধিস্থ কৰা হ’ব…’; কণ্ঠশিল্পী বি প্ৰাকক লৰেন্স গেঙৰ ভাবুকি

বলীউডৰ অভিনেতা গোবিন্দা তেওঁৰ সময়ৰ এগৰাকী চুপাৰষ্টাৰ আছিল, যিয়ে উৎকৃষ্ট অভিনয় আৰু চলচ্চিত্ৰৰ বাবে জনাজাত। কিন্তু বৰ্তমান সময়ত অভিনেতা গৰাকী তেওঁৰ ব্যক্তিগত জীৱনক লৈ শিৰোনামত আছে।

শেহতীয়াকৈ, গোবিন্দা আৰু সুনীতাৰ মাজৰ বিবাহ বিচ্ছেদৰ খবৰ পোৱা গৈছিল। জানিব পৰা মতে সুনীতাই ইতিমধ্যে গোবিন্দালৈ বিবাহ বিচ্ছেদৰ জাননী প্ৰেৰণ কৰিছে।

এনে পৰিস্থিতিত গোবিন্দাৰ পত্নী সুনীতাৰ এটা ভিডিঅ’ ছচিয়েল মিডিয়াত ভাইৰেল হৈ আছে, য’ত তেওঁ কৈছে যে কোনেও তেওঁলোকক  কোনেও পৃথক কৰিব নোৱাৰে।

ইফালে, সুনীতা আহুজাৰ পুত্ৰ যশবৰ্ধনে তেওঁৰ জন্মদিন উদযাপন কৰে আৰু সুনীতাই কেক কটা ভিডিঅ’ ছচিয়েল মিডিয়াত ভাইৰেল হৈ আছে।

এই সময়ছোৱাত, সুনীতা আহুজাই তেওঁৰ পুত্ৰ যশবৰ্ধনক জন্মদিনৰ শুভেচ্ছা জনাইছিল।বহুতো ব্যৱহাৰকাৰীয়ে তেওঁলোকৰ বিবাহ বিচ্ছেদ আৰু গোবিন্দাৰ বিষয়ে পোষ্টটোত মন্তব্য কৰিছে।

উল্লেখনীয় যে গোবিন্দা আৰু সুনীতা আহুজাই ১৯৮৭ চনত বিবাহ পাশত আৱদ্ধ হৈছিল। তেওঁলোকৰ বিয়াৰ ৩৮ বছৰ হ’ল। এই দম্পতীহালৰ দুটি সন্তান আছে।