শীঘ্ৰেই ভাৰতত আৰম্ভ হ’ব ষ্টাৰলিংকৰ সেৱা

যদি আপুনিও ইলন মাস্কৰ চেটেলাইট ভিত্তিক ইণ্টাৰনেট সেৱা ষ্টাৰলিংকৰ বাবে অপেক্ষা কৰি আছে, তেন্তে এটা ডাঙৰ আপডেট আহিছে।

এই কোম্পানীয়ে এতিয়া সকলো ভাৰতীয় ব্যৱহাৰকাৰীৰ তথ্য, যাতায়ত আৰু আনুষংগিক তথ্যক দেশৰ বাবে ঘৰুৱাভাৱে সংৰক্ষণ কৰিব।ইয়াৰ বাবে ই দেশতেই এটা ডাটা চেণ্টাৰ নিৰ্মাণ কৰিব।

বৃহস্পতিবাৰে সংসদত চৰকাৰে এই তথ্য প্ৰদান কৰে।এতিয়া কোম্পানীটোৱে আৰু কিছু পৰ্যায় অতিক্ৰম কৰিব লাগিব,ইয়াৰ পিছত ভাৰতত ইয়াৰ সেৱা আৰম্ভ কৰিব পাৰি। অৱশ্যে এই সন্দৰ্ভত এতিয়ালৈকে কোনো চৰকাৰী টাইমলাইনৰ কথা উল্লেখ কৰা হোৱা নাই।

টেলিকমিউনিকেচন বিভাগে ষ্টাৰলিংক চেটেলাইট কমিউনিকেচন প্ৰাইভেট লিমিটেডক ইউনিফাইড লাইচেন্স (UL) প্ৰদান কৰা হৈছে। কোম্পানীয়ে কঠোৰ সুৰক্ষা চৰ্তকে ধৰি চৰ্ত আৰু নিয়মসমূহ মানি লৈছে।

ৰাজ্যসভাত কেন্দ্ৰীয় যোগাযোগ আৰু গ্ৰামোন্নয়ন ৰাজ্যিক মন্ত্ৰী ড° পেম্মাছানি চন্দ্ৰশেখৰে এটা উত্তৰ দিছে। তেওঁ কয় যে নিৰাপত্তাৰ ক্ষেত্ৰত, ইয়াৰ ভিতৰত অন্যান্য বিষয়ৰ লগতে ভাৰতত উপগ্ৰহ ভিত্তিক যোগাযোগ সেৱা প্ৰদানৰ বাবে আৰ্থ ষ্টেচন গেটৱে স্থাপন কৰাটোও অন্তৰ্ভুক্ত।

তেওঁ আৰু কয় যে ভাৰতৰ পৰা সৃষ্টি হোৱা বা ভাৰতলৈ যোৱা কোনো ব্যৱহাৰকাৰীৰ ট্ৰেফিক দেশৰ বাহিৰত অৱস্থিত যিকোনো গেটৱেৰ জৰিয়তে ৰুট কৰা নহ’ব।

লগতে পঢ়ক: মহান মহাকাশচাৰী জিম লাভেলৰ মৃত্যু… কিশোৰ ৰকেট বিজ্ঞানীৰ পৰা চন্দ্ৰৰ কাষলৈ যাত্ৰা

হঠাৎ বিকল ষ্টাৰলিংক

ইলন মাস্কৰ চেটেলাইট ভিত্তিক ইণ্টাৰনেট সেৱা ষ্টাৰলিংকৰ চাৰ্ভাৰ আজি পুৱাই ডাউন হৈ যায়, যাৰ বাবে বিশ্বৰ ১৪০খন দেশত ইণ্টাৰনেট সেৱা ব্যাঘাত জন্মিছিল।ষ্টাৰলিংকৰ এই বিজুতি বিশ্বব্যাপী দেখা গৈছে।

সাধাৰণতে উপগ্ৰহ ভিত্তিক ইণ্টাৰনেট সেৱাত বিচ্ছিন্নতা দেখা নাযায়। উপগ্ৰহৰ সংযোগৰ বাবে কোনো ধৰণৰ বাধা নোহোৱাকৈ ইণ্টাৰনেট সেৱা প্ৰদান কৰা হৈছে, যাতে ব্যৱহাৰকাৰীয়ে জৰুৰীকালীন অৱস্থাত ইণ্টাৰনেট সেৱা উপভোগ কৰিব পাৰে।

আভ্যন্তৰীণ চফটৱেৰৰ সমস্যাৰ বাবে উপগ্ৰহ ভিত্তিক ইণ্টাৰনেট সেৱা ব্যাহত হৈছে। চফটৱেৰ বিকল হোৱাৰ বাবে হাজাৰ হাজাৰ ব্যৱহাৰকাৰীৰ ডিভাইচ অফলাইন হৈ গ’ল আৰু সংযোগ হেৰাই যায়।

ইলন মাস্কৰ শক্তিশালী চেটেলাইট ইণ্টাৰনেট ব্যৱস্থাত হোৱা এই বিজুতিৰ পিছত ব্যৱহাৰকাৰী সকলৰ মাজত হাহাকাৰ হৈছিল।

আমেৰিকা আৰু ইউৰোপৰ বহু ব্যৱহাৰকাৰীয়ে পুৱা প্ৰায় ১২:৩০ বজাত (ভাৰত সময় অনুসৰি) চেটেলাইট ইণ্টাৰনেট সেৱাত ব্যাঘাত জন্মা বুলি জনাইছে।

ইণ্টাৰনেট সেৱা অনুসৰণ কৰা ৱেবছাইট Downdetector ৰ মতে, ৬১ হাজাৰতকৈ অধিক ব্যৱহাৰকাৰীয়ে Starlink সেৱাত সমস্যাৰ কথা জনাইছিল।

কোম্পানীটোৱে এই সেৱাৰ অফিচিয়েল এক্স হেণ্ডেলৰ পৰা ডাউন হোৱাৰ তথ্য শ্বেয়াৰ কৰিছে। ইয়াৰ বাবে কোম্পানীটোৱে ব্যৱহাৰকাৰীসকলৰ ওচৰতো ক্ষমা বিচাৰিছে।

অৱশ্যে প্ৰায় ডেৰ-দুই ঘণ্টা বিচ্ছিন্ন হোৱাৰ পিছত পুনৰ ষ্টাৰলিংক সেৱা আৰম্ভ হ’ল। ইলন মাস্কৰ চেটেলাইট সেৱা কোম্পানীটোৰ বিশ্বজুৰি ৬০ লাখতকৈ অধিক ব্যৱহাৰকাৰী আছে।বৰ্তমান এই কোম্পানীটোৱে বিশ্বৰ ১৪০ খনতকৈও অধিক দেশত নিজৰ সেৱা আগবঢ়াই আছে।

সমগ্ৰ বিশ্বজুৰি এই Starlink চেটেলাইট ইণ্টাৰনেট বিকল হোৱাৰ ফলত ব্যৱহাৰকাৰী সকলে অসুবিধাৰ সন্মুখিন হোৱাৰ বাবে ইলন মাস্কে সকলোৰে ওচৰত বিচাৰিলে ক্ষমা।

লগতে পঢ়ক: অশ্লীল বিষয়বস্তু দেখুওৱা ২৫টা OTT প্লেটফৰ্মক নিষিদ্ধ চৰকাৰৰ…