ৰাজামৌলীৰ চিনেমাত মহেশ বাবু-প্ৰিয়ংকা চোপ্ৰা

প্ৰখ্যাত ভাৰতীয় চলচ্চিত্ৰ নিৰ্মাতা এছ এছ ৰাজামৌলিৰ ছবিৰ বাবে মানুহে আগ্ৰহেৰে অপেক্ষা কৰি থাকে । মহেশ বাবু আৰু প্ৰিয়ংকা চোপ্ৰা অভিনীত ৰাজামৌলিৰ আগন্তুক ছবিখনো যথেষ্ট প্ৰত্যাশাৰ সন্মুখীন হৈছে । ১০০০ কোটি টকাৰ বাজেটেৰে নিৰ্মাণ হ’বলগা ছবিখনৰ বাবে কেইবাটাও আংশিক টাইটেল ওলাইছে যদিও আজি ১৫ নৱেম্বৰত ঘোষণা কৰা হ’ব আনুষ্ঠানিক টাইটেল । ছবিখনৰ বাবে হায়দৰাবাদত এক বিশেষ অনুষ্ঠানৰ আয়োজন কৰা হৈছে ।

এই ছবিখনৰ বাবে মহেশ বাবুৰ অনুৰাগীসকল অতিশয় উৎসাহিত আৰু এই অনুষ্ঠানৰ আয়োজন কৰা হৈছে হায়দৰাবাদৰ ৰামোজী ফিল্ম চিটিত । এই অনুষ্ঠানত ছবিখনৰ টাইটেলৰ লগতে মহেশ বাবু, প্ৰিয়ংকা চোপ্ৰা আৰু পৃথ্বীৰাজ সুকুমাৰণৰ ফাৰ্ষ্ট লুকো প্ৰকাশ পাব । উল্লেখযোগ্য যে অনুৰাগীসকলেও এই অনুষ্ঠানত উপস্থিত থাকিব পাৰিব, কিন্তু অনুষ্ঠানসমূহত শেহতীয়াকৈ হোৱা সমস্যাসমূহৰ প্ৰতি লক্ষ্য ৰাখি এই অনুষ্ঠানৰ বাবে কঠোৰ নিৰ্দেশনা দিয়া হৈছে ।

গ্ল’ব ট্ৰটাৰ ইভেণ্টৰ বাবে নিৰ্মাতাসকলে আমন্ত্ৰণ পাছ জাৰি কৰিছে, যিবোৰ ভুৱা পাছপ’ৰ্ট যেন দেখা গৈছে । ইয়াৰ লগতে এটা বাৰ্তাও আছে: “দুবছৰ আগতে আমি এনে কাহিনীৰ সন্ধানত ওলাইছিলো যাৰ কোনো মানচিত্ৰ নাই । আজি সেই যাত্ৰাই ইতিহাসৰ সীমাত থিয় দিছে, আপোনালোকক আমাৰ পৃথিৱীলৈ আদৰিবলৈ টাইটেল আৰু প্ৰিভিউ উন্মোচন কৰিব ওলাইছো । আহক আমি এই মুহূৰ্তটো একেলগে, নিৰাপদে আৰু গৌৰৱেৰে উদযাপন কৰোঁ ।”

অনুষ্ঠানৰ স্থানৰ ওচৰৰ পৰা ছ’চিয়েল মিডিয়াত কেইবাটাও ভিডিঅ’ ওলাইছে, য’ত দেখা গৈছে যে অনুৰাগীসকলে নিজৰ বাহনত ভিৰ কৰি আহিছে । অৱশ্যে মেকাৰে প্ৰদান কৰা এণ্ট্ৰি পাছ নথকাসকল উপস্থিত থাকিব নোৱাৰিব । উল্লেখ্য যে, এই অনুষ্ঠানৰ হোষ্ট কৰিব ইউটিউবাৰ আশীষ চঞ্চলানীয়ে । খবৰ অনুসৰি এই অনুষ্ঠানত ৫০ হাজাৰৰো অধিক লোক উপস্থিত হোৱাৰ সম্ভাৱনা আছে ।

লগতে পঢ়ক : বিবাহ বাৰ্ষিকীৰ বিশেষ উপহাৰ;ৰাজকুমাৰ ৰাওৰ ঘৰলৈ আহিল দেৱকন্যা