মহাবিকাশ আঘাড়ীৰ নেতাসকলে দেওবাৰে মহাৰাষ্ট্ৰৰ মুখ্যমন্ত্ৰী দেৱেন্দ্ৰ ফাড়নৱিছক সাক্ষাৎ কৰে । তেওঁলোকে বিৰোধী মিত্ৰজোঁটৰ এটা গঠনকাৰী দলৰ পৰা উপাধ্যক্ষৰ পদ বিচাৰিছিল । মিত্ৰজোঁটে মুখ্যমন্ত্ৰী ফাড়নৱিছক কয় যে বিৰোধীয়ে বিধানসভাৰ অধ্যক্ষক বিনা প্ৰতিদ্বন্দ্বিতাৰে নিৰ্বাচিত কৰিবলৈ অনুমতি দিব, কিন্তু একে সময়তে তেওঁলোকে বিচাৰে যে শাসকীয় পক্ষই প্ৰট’কল মানি উপাধ্যক্ষৰ পদ দিব । পিছত এম ভি এৰ নেতাসকলে বিধানসভাত মিত্ৰতাৰ কৌশল সম্পৰ্কে আলোচনা কৰিবলৈ এখন বৈঠক অনুষ্ঠিত কৰে ।

শপত গ্ৰহণ অনুষ্ঠানৰ সময়ত সোণৰ চেইনকে ধৰি ১২ লাখ টকা চুৰি-

মুম্বাইৰ আজাদ ময়দান মহাযুটী চৰকাৰৰ শপতগ্ৰহণৰ সময়ত মুঠ ১২ লাখ টকাৰ সোণৰ চেইন, মোবাইল ফোন আৰু নগদ ধন চুৰি হয় । ঘটনা সন্দৰ্ভত অজ্ঞাত লোকৰ বিৰুদ্ধে গোচৰ ৰুজু কৰি গ্ৰেপ্তাৰ কৰাৰ চেষ্টা অব্যাহত আছে । আজাদ ময়দান থানাৰ বিষয়াই এই তথ্য প্ৰদান কৰিছে ।

উল্লেখ্য যে আজাদ ময়দানত মহাযুটী চৰকাৰৰ শপত গ্ৰহণ অনুষ্ঠানত বিজেপি নেতা দেৱেন্দ্ৰ ফাড়নৱিছে মহাৰাষ্ট্ৰৰ মুখ্যমন্ত্ৰী হিচাপে শপত গ্ৰহণ কৰিছিল । তেওঁৰ পিছত একনাথ শিন্দে আৰু অজিত পাৱাৰে উপ মুখ্যমন্ত্ৰী হিচাপে শপত গ্ৰহণ কৰে । এই অনুষ্ঠানত প্ৰধানমন্ত্ৰী নৰেন্দ্ৰ মোদীকে ধৰি ৰাজনীতি আৰু চিনেমা জগতৰ বহু তাৰকা উপস্থিত থাকে ।

ভাৰতীয় জনতা পাৰ্টিৰ বিধায়ক কালিদাস কোলাম্বকাৰে শুকুৰবাৰে মহাৰাষ্ট্ৰ বিধানসভাৰ প্ৰ’ টেম অধ্যক্ষ হিচাপে শপত গ্ৰহণ কৰে । মহাৰাষ্ট্ৰ বিধানসভাৰ তিনিদিনীয়া বিশেষ অধিৱেশন আৰম্ভ হোৱাৰ এদিন পূৰ্বে শপত গ্ৰহণ কৰে কোলাম্বকাৰে । তেওঁ ৯ বাৰ বিধায়ক হৈ ৰূপে নিৰ্বাচিত হৈছে । ৰাজ্যপাল চি পি ৰাধাকৃষ্ণনে তেওঁক শপত গ্ৰহণ কৰোৱাই ।

‘প্ৰ’ টেম অধ্যক্ষ’ হিচাপে তেওঁ ২৮৮গৰাকী নৱনিৰ্বাচিত বিধায়কক শপত বাক্য পাঠ কৰোৱাব । ইয়াৰ পিছত ৭ ডিচেম্বৰৰ পৰা আৰম্ভ হ’বলগীয়া ১৫ সংখ্যক বিধানসভাৰ তিনিদিনীয়া বিশেষ অধিৱেশনৰ সময়ত তেওঁ বিধানসভাৰ অধ্যক্ষৰ নিৰ্বাচন পৰিচালনা কৰিব । অহা ৯ ডিচেম্বৰত অনুষ্ঠিত হ’ব বিধানসভাৰ অধ্যক্ষৰ নিৰ্বাচন, তাৰ পিছত দেৱেন্দ্ৰ ফাড়নৱিছৰ নেতৃত্বত গ্ৰেণ্ড এলায়েন্স চৰকাৰে আস্থা ভোট বিচাৰিব । ১৬ ডিচেম্বৰৰ পৰা ২১ ডিচেম্বৰলৈ নাগপুৰত অনুষ্ঠিত হ’ব ৰাজ্যৰ বিধান মণ্ডলৰ শীতকালীন অধিৱেশন ।

ইয়াৰ পূর্বে বৃহস্পতিবাৰে সন্ধিয়া ফাড়নৱীছে ৰাজ্যখনৰ মুখ্যমন্ত্রী হিচাপে শপত লোৱাৰ বিপৰীতে বিজেপি নেতৃত্বাধীন মহাযুটীৰ মিত্রজোঁটৰ নেতা একনাথ শিন্দে আৰু অজিত পাৱাৰে দক্ষিণ মুম্বাইৰ আজাদ ময়দানত অনুষ্ঠিত এক অনুষ্ঠানত উপ-মুখ্যমন্ত্রী হিচাপে শপত গ্ৰহণ কৰে । ২০ নৱেম্বৰত মহাৰাষ্ট্ৰত অনুষ্ঠিত হোৱা নিৰ্বাচনত বিজেপি-শিৱসেনা-এন চি পিৰ মহাযটী মিত্ৰজোঁটে ২৮৮খন বিধানসভাৰ আসনৰ ভিতৰত ২৩০খন আসন লাভ কৰিছিল ।

উপ মুখ্যমন্ত্ৰী একনাথ শিন্দেই বিজেপিৰ পৰা গৃহ বিভাগৰ বাবে অনুৰোধ কৰিছে : গোগাৱলে

শিৱসেনাৰ বিধায়ক ভাৰত গোগাৱলে কয় যে মহাৰাষ্ট্ৰৰ উপ মুখ্যমন্ত্ৰী একনাথ শিন্দেই বিজেপিৰ পৰা গৃহ বিভাগৰ দাবী জনাইছে । বিভাগৰ আৱণ্টন সন্দৰ্ভত আলোচনা চলি আছে । ৰাজ্যিক বিধানসভাৰ শীতকালীন অধিৱেশনৰ ঠিক পূৰ্বে ১১ৰ পৰা ১৬ ডিচেম্বৰৰ ভিতৰত কেবিনেট সম্প্ৰসাৰণ হোৱাৰ সম্ভাৱনা আছে । দেৱেন্দ্ৰ ফাড়নৱিছ যেতিয়া উপ-মুখ্যমন্ত্ৰী আছিল তেতিয়া তেওঁ হোম পৰ্টফলিঅ’তো আছিল । পূৰ্বৰ মহাযুটী চৰকাৰত শিৱসেনাই যি বিভাগ পাতিছিল সেই বিভাগসমূহ সলনি কৰাৰ প্ৰয়াস কৰা হৈছে । দুদিনত সম্পূৰ্ণ হ’ব দপ্তৰ আবণ্টনৰ আলোচনা ।

বিজেপি বিধায়িনী দলৰ বৈঠকত নেতা নিৰ্বাচিত হোৱাৰ পিছতে বিধায়কসকলক সম্বোধন কৰে দেৱেন্দ্ৰ ফাড়নবৱিছে । এই সময়ছোৱাত তেওঁ পৰ্যবেক্ষক নিৰ্মলা সীতাৰমণ, বিজয় ৰূপানীকে ধৰি দলৰ বিধায়কসকলৰ প্ৰতি কৃতজ্ঞতা জ্ঞাপন কৰে । লগতে বিজেপি হাইকমাণ্ডলৈ ধন্যবাদ আৰু কৃতজ্ঞতা জ্ঞাপন কৰে । নিৰ্বাচনৰ সময়ত দিয়া শ্লোগান পুনৰবাৰ উল্লেখ কৰি ফড়নৱিছে কয় যে এক থাকিলে নিৰাপদ আৰু মোদী থাকিলে সকলো সম্ভৱ ।

ডাঙৰ লক্ষ্যৰ দিশে আগবাঢ়িছেঃ দেৱেন্দ্ৰ ফাড়নৱিছ

দেৱেন্দ্ৰ ফাড়নৱিছে কয় যে বৃহৎ জনাদেশৰ পিছত আমাৰ ওপৰত এক বৃহৎ দায়িত্ব আছে । আমি জনসাধাৰণৰ বাবে অবিৰতভাৱে কাম কৰি থাকিব লাগিব । আমি ৰাজনীতিত এটা ডাঙৰ লক্ষ্যৰ ৰাখিছো । মোক মুখ্যমন্ত্ৰী বনোৱাৰ বাবে প্ৰধানমন্ত্ৰী মোদীক ধন্যবাদ । প্ৰধানমন্ত্ৰী মোদীৰ নেতৃত্বত এখন নতুন ভাৰত নিৰ্মাণ কৰা হৈছে ।

যি প্ৰতিশ্ৰুতি দিছিলো পূৰণ কৰিম : দেৱেন্দ্ৰ ফাড়নৱিছ

ফাড়নৱিছে কয় যে এইটো এনে এক আদেশ যিয়ে আমাক দায়িত্বশীল অনুভৱ কৰায় । আমি দিয়া প্ৰতিশ্ৰুতি পূৰণ কৰাটোৱেই আমাৰ দায়িত্ব নহয়, ৰাজ্যখনক আগুৱাই নিয়াৰ বাবেও আমি কঠোৰ পৰিশ্ৰম কৰিব লাগিব । উল্লেখ্য যে দেৱেন্দ্ৰ ফাড়নৱিছে তৃতীয়বাৰৰ বাবে মহাৰাষ্ট্ৰৰ মুখ্যমন্ত্ৰী হ’বলৈ গৈ আছে । বৃহস্পতিবাৰে সন্ধিয়া ৫ বজাত তেওঁ মুখ্যমন্ত্ৰী হিচাপে শপত গ্ৰহণ কৰিব ।

এই নেতাসকলে প্ৰস্তাৱক সমৰ্থন কৰে-

উল্লেখ্য যে বৃহস্পতিবাৰে বিজেপিৰ জ্যেষ্ঠ নেতা দেৱেন্দ্ৰ ফাড়নৱিছে মহাৰাষ্ট্ৰৰ মুখ্যমন্ত্ৰী হিচাপে শপত গ্ৰহণ কৰিব । বুধবাৰে অনুষ্ঠিত হোৱা বিধায়িনী দলৰ বৈঠকত তেওঁ নেতা নিৰ্বাচিত হয় । চন্দ্ৰকান্ত পাটিলে দেৱেন্দ্ৰ ফাড়নৱিছৰ নাম প্ৰস্তাৱ কৰিছিল । দ্বিতীয়টো প্ৰস্তাৱ উত্থাপন কৰে সুধিৰ মুংগনতিৱাৰে । ইয়াৰ পিছত পংকজা মুণ্ডে, প্ৰবীণ দাৰেকৰ, ৰবীন্দ্ৰ চাৱন, সঞ্জয় কুন্তে, প্ৰাক্তন মন্ত্ৰী বিধায়ক অশোক উইকে, মেঘনা বৰ্দিকাৰ, যোগেশ সাগৰ, সম্ভাজী পাটিল নীলাংগেকাৰ, গোপিচান্দ পদলকাৰ, আশীষ শেলাৰে প্ৰস্তাৱৰ সমৰ্থন কৰে ।

বুধবাৰে (৪ ডিচেম্বৰ) ৰাজ্যপাল চি পি ৰাধাকৃষ্ণনৰ সাক্ষাৎৰ সময় বিচাৰিছে মহাযুটীৰ নেতাসকলে । বিয়লি ৩.৩০ বজাত মহাযুটীৰ নেতাসকলে ৰাজ্যপালক সাক্ষাৎ কৰি চৰকাৰ গঠনৰ দাবীত উত্থাপন কৰিব । প্ৰকৃততে দুপৰীয়া ১.৩০ বজাৰ ভিতৰত বিজেপি বিধায়িনী দলৰ নেতা নিৰ্বাচিত হ’ব । ইয়াৰ পিছতে চৰকাৰ গঠনৰ দাবী উত্থাপন কৰিব । বুধবাৰে বিজেপিৰ বিধায়িনী দলৰ বৈঠক অনুষ্ঠিত হ’ব ।

মুম্বাইত উপস্থিত বিজয় ৰূপানী-

সূত্ৰ অনুসৰি বিধায়িনী দলৰ নেতা নিৰ্বাচনৰ পূৰ্বে পুৱা ১০ বজাত বিজেপিৰ মূল সমিতিৰ বৈঠক অনুষ্ঠিত হ’ব । ইফালে, মঙলবাৰে সন্ধিয়া মহাৰাষ্ট্ৰৰ বিজেপিৰ পৰ্যবেক্ষক বিজয় ৰূপানীয়ে মুম্বাইত উপস্থিত হয় । তেওঁ কয় যে আমি পৰ্যবেক্ষক আৰু আমি নিজৰ কাম কৰি আছো । দেৱেন্দ্ৰ ফাড়নৱীছ মহাৰাষ্ট্ৰৰ মুখ্যমন্ত্ৰী হ’ব নে নহয় সেই প্ৰশ্নৰ সন্দৰ্ভত তেওঁ কয় যে কাইলৈৰ বৈঠকৰ পিছত জানিব পাৰিব মহাৰাষ্ট্ৰৰ মুখ্যমন্ত্ৰী কোন হ’ব ।

শিণ্ডেক সাক্ষাৎ ফাড়নবিছৰ-

ইফালে মঙলবাৰে বৰ্ষা বাংলোত ভাৰপ্ৰাপ্ত মুখ্যমন্ত্ৰী একনাথ শিণ্ডেক সাক্ষাৎ কৰে দেৱেন্দ্ৰ ফাড়নবিছে । যোৱা সপ্তাহত দিল্লীত অমিত শ্বাহৰ সৈতে হোৱা বৈঠকৰ পাছত এইখন আছিল শিণ্ডে আৰু ফাড়নৱীছৰ প্ৰথমখন বৈঠক ।

শিণ্ডে উপ মুখ্যমন্ত্ৰী হ’বনে ?

একনাথ শিণ্ডে উপ মুখ্যমন্ত্ৰী হ’ব নেকি সেই প্ৰশ্নও মহাৰাষ্ট্ৰত প্ৰচাৰিত হৈছে । এই সন্দৰ্ভত শিৱসেনাৰ নেতা ভাৰত গোগাৱালে কয় যে কোনো সমস্যা নাই । আমি তাত (আজাদ ময়দান) শিণ্ডেৰ লগত থাকিবলৈ ওলাইছো । আমি যি বিভাগ পাওঁ তাক ন্যায় দিম । তেওঁ কয়, “সিদ্ধান্ত লোৱাৰ পিছত একনাথ শিণ্ডেই শপত গ্ৰহণ কৰিব । সিদ্ধান্ত লবলৈ দিয়ক । বিজেপি বিধায়িনী দলৰ নেতাৰ নিৰ্বাচন হবলৈ দিয়ক ।”

ভাৰত গোগাৱালে কয়, “তেওঁৰ স্বাস্থ্য ভাল নহয়, গতিকে তেওঁ কাকো লগ কৰা নাছিল । আজিও তেওঁ মুখ্যমন্ত্ৰী হিচাপে কাম চম্ভালি আছে । আমাৰ বিধায়ক আৰু প্ৰাক্তন মন্ত্ৰীসকলক লগ কৰি আছে । ক্ষোভৰ প্ৰশ্ন নাই ।”