মহাৰাষ্ট্ৰৰ জিলা পৰিষদ আৰু পঞ্চায়ত সমিতিৰ নিৰ্বাচনত বিজেপি নেতৃত্বাধীন মহাযুতিয়ে আধিপত্য বিস্তাৰ কৰে । এই জয়ৰ পিছতেই প্ৰধানমন্ত্ৰী নৰেন্দ্ৰ মোদীয়ে মহাৰাষ্ট্ৰবাসীৰ প্ৰতি কৃতজ্ঞতা জ্ঞাপন কৰে ।

মহাৰাষ্ট্ৰৰ জিলা পৰিষদ আৰু পঞ্চায়ত সমিতিৰ নিৰ্বাচনত বিজেপি নেতৃত্বাধীন মহাযুতিয়ে আধিপত্য বিস্তাৰ কৰে । এই জয়ৰ পিছতেই প্ৰধানমন্ত্ৰী নৰেন্দ্ৰ মোদীয়ে মহাৰাষ্ট্ৰবাসীৰ প্ৰতি কৃতজ্ঞতা জ্ঞাপন কৰে । সমাজিক মাধ্যমৰ এটা পোষ্টত প্ৰধানমন্ত্ৰী মোদীয়ে কয়, “আকৌ এবাৰ মহাৰাষ্ট্ৰই বিজেপি আৰু মহাযুতিক সমৰ্থন আগবঢ়াইছে । এইটো স্পষ্ট যে ৰাজ্যখনৰ জনসাধাৰণে, সমগ্ৰ গ্ৰাম্য আৰু নগৰীয়া মহাৰাষ্ট্ৰৰ ৰাইজে সুশাসন আৰু ৰাজ্যৰ গৌৰৱময় সংস্কৃতিৰ মনোভাৱেৰে কাম কৰা মিত্ৰজোঁট বিচাৰে ।”

প্ৰধানমন্ত্ৰী মোদীয়ে কয় যে, “মই মহাৰাষ্ট্ৰৰ মোৰ ভাই-ভনীসকলৰ প্ৰতি মোৰ কৃতজ্ঞতা প্ৰকাশ কৰিছো । তৃণমূলত তেওঁলোকৰ অক্লান্ত কৰ্মৰ বাবে আৰু মহাৰাষ্ট্ৰ চৰকাৰৰ শক্তিশালী ট্ৰেক ৰেকৰ্ড আৰু এন ডি এৰ সুশাসনৰ দৃষ্টিভংগীৰ বিষয়ে বিশদভাৱে উল্লেখ কৰাৰ বাবে প্ৰতিজন মহাযুতি কৰ্মীলৈ মোৰ শুভেচ্ছা জনাইছো ।” মহাৰাষ্ট্ৰৰ জিলা পৰিষদ আৰু পঞ্চায়ত সমিতিৰ নিৰ্বাচনত বিজেপি আৰু মহাযুতিয়ে বিজয় সাব্যস্ত কৰাৰ কথা উল্লেখ কৰে মহাৰাষ্ট্ৰৰ মুখ্যমন্ত্ৰী দেৱেন্দ্ৰ ফাড়নৱীছে ।

“বিৰোধীৰ যুঁজিবলৈ কোনো ইচ্ছাশক্তিয়েই বাকী নাই”

মুখ্যমন্ত্ৰী দেৱেন্দ্ৰ ফাড়নৱীছে কয়, “গ্ৰাম্য মহাৰাষ্ট্ৰই বিজেপি আৰু মহাযুতিৰ প্ৰতি বিশ্বাস প্ৰদৰ্শন কৰিছে । এই জয়ৰ বাবে ৰাইজ আৰু বিজেপিৰ কৰ্মীসকলক অভিনন্দন জনাইছো । পৌৰসভা, পৌৰনিগম আৰু জিলা পৰিষদৰ নিৰ্বাচনত গ্ৰাম্য জনসাধাৰণে আমাৰ কামৰ ওপৰত দৃঢ় আস্থা প্ৰকাশ কৰিছে । বিৰোধীৰ যুঁজিবলৈ কোনো ইচ্ছাশক্তিয়েই বাকী নাই । বিৰোধী দল কেৱল সংবাদ মাধ্যমতহে দেখা যায়, জনসাধাৰণৰ মাজত নহয় ।”

লগতে পঢ়ক : জিলা পৰিষদ-পঞ্চায়ত সমিতিৰ নিৰ্বাচনত মহাযুতিৰ হেট্ৰিক…