“অসাধাৰণ,এই বয়সত আমি টাং গুটিও খেলিব পৰা নাছিলো”; বৈভৱ সূৰ্যবংশীৰ প্ৰশংসাত পঞ্চমুখ অমিতাভ বচ্চন
আই পি এলৰ পৰা ৰাজস্থান ৰয়েলছ বাহিৰ হোৱাৰ পিছত ১৫ বছৰীয়া তাৰকা ক্ৰিকেটাৰ বৈভৱ সূৰ্য্যবংশী যথেষ্ট আৱেগিক হৈ পৰা দেখা গৈছিল। বৈভৱৰ খেলি দেখি প্ৰশংসা অমিতাভ বচ্চনৰ
আইপিএলৰ কোৱালিফায়াৰ-২ ত শুকুৰবাৰে ৰাজস্থান ৰয়েলছ গুজৰাট টাইটানছৰ হাতত পৰাস্ত হয়। এই পৰাজয়ৰ সৈতে দলটো টুৰ্ণামেণ্টৰ পৰা বাহিৰ হৈ পৰে, কিন্তু এই মেচখনত ১৫ বছৰীয়া যুৱ ক্ৰিকেটাৰ বৈভৱ সূৰ্যবংশীয়ে নিজৰ প্ৰতিভাৰ পৰিচয় দাঙি ধৰে। অৱশ্যে, মেচৰ পৰাজয়ৰ পিছত বৈভৱ আৱেগিক হৈ পৰা ভিডিঅ’ ছ’চিয়েল মিডিয়াত ভাইৰেল হৈ পৰে, যাক লৈ বলীউডৰ মহানায়ক অমিতাভ বচ্চনে তেওঁক সম্পূৰ্ণ সমৰ্থন আগবঢ়ায়।
১৫ বছৰীয়া যুৱ বেটাৰ বৈভৱ সূৰ্যবংশীয়ে নিজৰ ধাৰাবাহিক বেটিঙেৰে সকলোৰে দৃষ্টি আকৰ্ষণ কৰে। তেওঁ ৪৭টা বলত ৯৬ ৰানৰ এক বিস্ফোৰক ইনিংছ খেলি দলটোক প্ৰতিযোগিতাত বৰ্তাই ৰাখিবলৈ সম্পূৰ্ণ চেষ্টা কৰিছিল।
মেচখন শেষ হোৱাৰ পিছত বৈভৱক ডাগআউটত হতাশ আৰু আৱেগিক দেখা গৈছিল। ছ’চিয়েল মিডিয়াত তেওঁৰ কেইবাটাও ভিডিঅ’ ভাইৰেল হৈছিল, য’ত দলটো প্ৰতিযোগিতাৰ পৰা বাহিৰ হোৱাৰ বেদনা তেওঁৰ মুখত স্পষ্টকৈ দেখা গৈছিল। ক্ৰিকেট অনুৰাগীসকলেও যুৱ খেলুৱৈগৰাকীৰ প্ৰদৰ্শনৰ প্ৰশংসা কৰি তেওঁৰ সাহস বঢ়ায়। এই তালিকাত অমিতাভ বচ্চনৰ নামো অন্তৰ্ভুক্ত হৈছে।
বৈভৱক আৱেগিক হোৱা দেখি এতিয়া বলীউডৰ মেগাষ্টাৰ অমিতাভ বচ্চনে তেওঁক সমৰ্থন আৰু মনোবল বৃদ্ধিৰ বাবে আগবাঢ়িছে।বৈভৱ সূৰ্যবংশীৰ সমৰ্থনত অমিতাভে নিজৰ এক্স হেণ্ডেলত এটা পোষ্ট শ্বেয়াৰ কৰিছে।বৈভৱক প্ৰশংসা কৰি বিগ বিয়ে মন্তব্য কৰে যে সেই বয়সত তেওঁ নিজেও টাং গুটিও ভালকৈ খেলিবও নোৱাৰিলে।
বৈভৱ সূৰ্য্যবংশীৰ সমৰ্থনত অমিতাভ বচ্চনে লিখিছে—অসাধাৰণ ১৫ বছৰীয়া সূৰ্য্য। সেই বয়সত আমি মাৰ্বল বা টাং গুটিও সঠিকভাৱে খেলিব পৰা নাছিলো।
লগতে পঢ়ক: মুক্তিৰ বাবে সাজু মুখ্যমন্ত্ৰী বিজয়ৰ পুত্ৰ জেছন সঞ্জয়ৰ প্ৰথম ছবি ‘চিগমা’
