ইউপিপিএল-এ ঘোষণা কৰিলে সাতজনীয়া প্ৰাৰ্থীৰ তালিকা, তামুলপুৰত প্ৰমোদ বড়োক প্ৰাৰ্থিত্ব

March 17, 2026 · Time8

প্ৰমোদ বড়োৱে ৪৩ নং তামুলপুৰ সমষ্টিৰ পৰা প্ৰতিদ্বন্দিতা কৰিব

৯ এপ্ৰিলত অনুষ্ঠিত হ’বলগীয়া অসম বিধানসভা নিৰ্বাচনৰ বাবে ইউপিপিএল দলে সাতটা সমষ্টিৰ বাবে প্ৰাৰ্থী তালিকা ঘোষণা কৰিছে । সোমবাৰে নিশা দলটোৱে প্ৰকাশ কৰা তালিকা অনুসৰি ইউপিপিএলৰ সভাপতি তথা BTRৰ প্ৰাক্তন মুখ্য কাৰ্যবাহী সদস্য প্ৰমোদ বড়োৱে কেন্দ্ৰীয় কাৰ্যকৰী সমিতি আৰু ক’ৰ কমিটীৰ পৰামৰ্শৰ ভিত্তিত এই মনোনয়নত অনুমোদন জনাইছে ।

ঘোষণা অনুসৰি, অনিন্দ বসুমতাৰীয়ে ১ নং গোসাঁইগাঁও সমষ্টিৰ পৰা প্ৰতিদ্বন্দিতা কৰিব আৰু ৰাজু কুমাৰ নাৰ্জাৰীক ২ নং ডটমা (ST) সমষ্টিৰ বাবে প্ৰাৰ্থিত্ব প্ৰদান কৰা হৈছে । আনহাতে, লৰেঞ্চ ইছলাৰীয়ে ৩ নং কোকৰাঝাৰ (ST) সমষ্টিৰ পৰা নিৰ্বাচনত অৱতীৰ্ণ হ’ব ।

দলৰ সভাপতি প্ৰমোদ বড়োৱে নিজেই ৪৩ নং তামুলপুৰ (ST) সমষ্টিৰ পৰা প্ৰতিদ্বন্দিতা কৰিব । ইয়াৰ উপৰিও দলটোৱে ৪৫ নং ভেৰগাঁৱৰ পৰা নেৰ্ছোন বড়ো, ৪৬ নং ওদালগুৰি (ST) সমষ্টিৰ পৰা দীপেন বড়ো আৰু ২০ নং বিজনী সমষ্টিৰ পৰা কমলসিং নাৰ্জাৰীক প্ৰাৰ্থিত্ব প্ৰদান কৰিছে ।

উল্লেখ্য যে, ভাৰতীয় নিৰ্বাচন আয়োগে নিৰ্বাচনী আচৰণ বিধি বলবৎ কৰাৰ পিছত ৰাজ্যৰ বিভিন্ন ৰাজনৈতিক দলসমূহে নিৰ্বাচনী প্ৰস্তুতি তীব্ৰতৰ কৰি তুলিছে আৰু ইয়াৰ মাজতে ইউপিপিএল-এ প্ৰাৰ্থী তালিকা ঘোষণা কৰিছে ।

লগতে পঢ়ক : মমতাৰ দুৰ্গত শুভেন্দুৰ প্ৰত্যাহ্বান, হাই ভল্টেজ যুঁজৰ সাক্ষী হ’ব ভৱানীপুৰ

BPF ৰ সৈতে চৰকাৰ কৰাত আগ্ৰহ UPPLৰ; প্ৰমোদ বড়ো

September 27, 2025 · Arabinda

BPF ৰ সৈতে চৰকাৰ কৰাত আগ্ৰহ UPPLৰ

বড়োলেণ্ডৰ পৰিষদীয় নিৰ্বাচনত মুখ থেকেচা খালে UPPL ৰ প্ৰমোদ বড়োৱে।তাৰ পিছতে এখন সংবাদমেল যোগে এক ডাঙৰ ঘোষণা কৰিছ প্ৰমোদ বড়োৱে।

তেওঁ কয় যে, ‘বড়োলেণ্ডবাসীৰ মনৰ কথা নুবুজিলো, সেয়েহে আমি হাগ্ৰামা মহিলাৰীক ধন্যবাদ দিছো।BPF ৰ লগত চৰকাৰ গঠন কৰাৰ আগ্ৰহ আছে UPPLৰ’।

‘ বিপিএফ এ বিচাৰিলে দলৰ মাজত আলোচনা কৰি সিদ্ধান্ত ল’ম। আমি সদায় বড়োলেণ্ডৰ স্বাৰ্থত কাম কৰিবলৈ বিপিএফক সমৰ্থন কৰি যাম। BTC চুক্তিৰ বাবে BPF চৰকাৰক সদায় সহযোগ কৰি যাম’।

এই ফলাফলক লৈ মুখ্যমন্ত্ৰী গৰাকীয়ে কয় যে, ‘হাগ্ৰামা মোৰ বন্ধু। হাগ্ৰামা মহিলাৰী সদায় বিজেপিৰ লগত থাকিব।হাগ্ৰামা মহিলাৰীৰ বিজয় মানেই BJPৰ বিজয়। BTRৰ ৪০ খন আসনেই NDAৰ দখলত।

লগতে পঢ়ক: বড়োভূমিত উৰিল BPF ৰ পতাকা; গাদীচ্যুত প্ৰমোদ বড়ো

বড়োভূমিত উৰিল BPF ৰ পতাকা; গাদীচ্যুত প্ৰমোদ বড়ো

September 27, 2025 · Arabinda

গাদীচ্যুত প্ৰমোদ বড়ো

আনুষ্ঠানিক ভাবে ঘোষণা হ’ল BTCৰ চূড়ান্ত ফলাফল। BPFয়ে দখল কৰিলে বড়োভূমি। বি টি চিৰ নিৰ্বাচনত একক সংখ্যা গৰিষ্ঠতা লাভেৰে অভূতপূৰ্ব বিজয় সাব্যস্ত কৰিলে হাগ্ৰামা নেতৃত্বাধীন বি পি এফে।মুঠ ৪০ খন আসনৰ ভিতৰত BPFৰ দখললৈ আহিল ২৮খনকৈ আসন।

প্ৰবল আত্মবিশ্বাসেৰে বিটিচিৰ মচনদলৈ আকৌ আহিল হাগ্ৰামা মহিলাৰী।ইফালে মাত্ৰ ৭ খন আসনহে দখল কৰিলে প্ৰমোদ বড়োৰ UPPL এ। গাদীচ্যুত হ’ল প্ৰমোদ বড়ো।

ইফালে মাত্ৰ ৫ খন আসনতে বিজেপি থমকি ৰোৱাৰ লগতে বিটিচি পৰিষদীয় নিৰ্বাচনত এখনো আসন নাপালে কংগ্ৰেছে।

পৰ্বতঝোৰা, গুমা, জামদুৱাৰ, চৰাইবিল, কচুগাঁও, দতমা, ফকিৰাগ্ৰাম, বানৰগাঁও, দেৱৰগাঁও,বাওঁখুংগ্ৰী, চালাকাটি, চিৰাং, কাজলগাঁও, নিচিমা, সবাইঝাৰ, থুৰীবাৰী, মাথাংগুৰি, ছালবাৰী, দিহিৰা, শুক্লাই চেৰফাং, গুৰেশ্বৰ,খৈৰৰাবাৰী, ননৈ চেৰফাং, হৰিশিঙা, ধনশ্ৰী, ভৈৰৱকুণ্ড, পাঁচনৈ চেৰফাং, ৰৌতাত BPFৰ বিজয়।

লগতে পঢ়ক: BTCত হাগ্ৰামাৰ COMEBACK; চৰকাৰ গঠনৰ দিশে হাগ্ৰামা মহিলাৰীৰ BPF