ব্ৰিটেইনৰ বৈদেশিক মন্ত্ৰীৰ সৈতে বৈঠকত মিলিত প্ৰধানমন্ত্ৰী মোদী

শনিবাৰে ব্ৰিটিছ বৈদেশিক মন্ত্ৰী ডেভিদ লেমীৰ সৈতে বৈঠকত মিলিত হয় প্ৰধানমন্ত্ৰী নৰেন্দ্ৰ মোদী । বৈঠকত তেওঁলোকে সন্ত্ৰাসবাদ আৰু ইয়াক সমৰ্থন কৰাসকলৰ বিৰুদ্ধে নিৰ্ণায়ক বিশ্বব্যাপী ব্যৱস্থা গ্ৰহণৰ প্ৰয়োজনীয়তাৰ ওপৰত গুৰুত্ব আৰোপ কৰে । শনিবাৰে পুৱা দুদিনীয়া ভ্ৰমণসূচীৰে দুয়োখন দেশৰ কৌশলগত অংশীদাৰিত্বৰ বিভিন্ন দিশ পৰ্যালোচনা কৰিবলৈ নতুন দিল্লীত উপস্থিত হয় লেমী । ব্ৰিটিছ বৈদেশিক মন্ত্ৰীগৰাকীয়ে কয় যে সীমা অতিক্ৰম কৰা সন্ত্ৰাসবাদৰ বিৰুদ্ধে যুঁজত তেওঁৰ দেশ ভাৰতৰ সৈতে কান্ধত কান্ধ মিলাই থিয় দিছে । লগতে পহলগাম সন্ত্ৰাসবাদী আক্ৰমণক তীব্ৰ গৰিহণা দিয়ে লেমীয়ে ।

প্ৰধানমন্ত্ৰীৰ কাৰ্যালয়ে প্ৰকাশ কৰা এক বিবৃতিত কোৱা হৈছে যে প্ৰধানমন্ত্ৰী মোদীয়ে ভাৰত-ব্ৰিটেইনৰ মুক্ত বাণিজ্য চুক্তিৰ সফল সম্পাদনত সন্তুষ্টি প্ৰকাশ কৰাৰ লগতে এই মাইলৰ খুঁটিত উপনীত হ’বলৈ দুয়োপক্ষৰ গঠনমূলক সহযোগিতাৰ শলাগ লয় । বিবৃতিটোত কোৱা হৈছে যে দুয়োপক্ষই দ্বিপাক্ষিক সম্পৰ্ক সুদৃঢ় হোৱাত সন্তুষ্টি প্ৰকাশ কৰিছে । লেমীয়ে বাণিজ্য আৰু বিনিয়োগ, প্ৰতিৰক্ষা আৰু নিৰাপত্তা, প্ৰযুক্তি, উদ্ভাৱন আৰু স্বচ্ছ শক্তিকে ধৰি গুৰুত্বপূৰ্ণ ক্ষেত্ৰত সহযোগিতা আৰু অধিক বৃদ্ধিৰ বাবে ব্ৰিটেইনৰ প্ৰবল ইচ্ছা প্ৰকাশ কৰে ।

এফ টি এয়ে দুয়োখন দেশৰ বাবে নতুন অৰ্থনৈতিক সুযোগ মুকলি কৰিব বুলি তেওঁ আস্থা প্ৰকাশ কৰে । বিবৃতিটোত আৰু কোৱা হৈছে যে দুয়োগৰাকী নেতাই আঞ্চলিক আৰু বিশ্বজনীন বিষয়ত মত বিনিময় কৰে । ইফালে বৈদেশিক পৰিক্ৰমা মন্ত্ৰী এছ জয়শংকৰৰ সৈতেও আলোচনাত মিলিত হয় লেমী । জয়শংকৰে কয়, ভাৰতে আশা কৰিছে যে সন্ত্ৰাসবাদৰ বিৰুদ্ধে ভাৰতৰ শূন্য সহনশীলতা নীতি ব্ৰিটেইনে বুজিব ।

ব্ৰিটিছ উচ্চায়ুক্তত দিয়া এক সাক্ষাৎকাৰত ব্ৰিটেইনৰ বৈদেশিক মন্ত্ৰী লেমীয়ে কয় যে যোৱা মাহৰ আৰম্ভণিতে দুয়োখন দেশৰ মাজত মুক্ত বাণিজ্য চুক্তিৰ বাবে আলোচনা সম্পূৰ্ণ হৈছে । আমাৰ প্ৰধানমন্ত্ৰী কেইৰ ষ্টাৰমাৰে অতি শীঘ্ৰে ভাৰত ভ্ৰমণ কৰি মুক্ত বাণিজ্য চুক্তিত স্বাক্ষৰ কৰিবলৈ আগ্ৰহী । দুয়োখন দেশে একেলগে বহু কাম কৰিব পাৰে । তেওঁ কয় যে প্ৰধানমন্ত্ৰী মোদী আৰু বৈদেশিক মন্ত্ৰী জয়শংকৰৰ সৈতে বিশ্বৰ পঞ্চম আৰু ষষ্ঠ বৃহত্তম অৰ্থনীতিৰ মাজত ব্যৱসায়ৰ প্ৰসাৰৰ বিষয়েও আলোচনা কৰা হয় ।

লগতে পঢ়ক : জি-৭ শীৰ্ষ সন্মিলনত অংশগ্ৰহণ কৰিবলৈ কানাডালৈ যাব নৰেন্দ্ৰ মোদী ; প্ৰধানমন্ত্ৰী মাৰ্ক কাৰ্নীয়ে জনালে আমন্ত্ৰণ

পাকিস্তানক কঠোৰ বাৰ্তা প্ৰধানমন্ত্ৰী মোদীৰ

গুজৰাটৰ ভূজত এখন জন সভাত প্ৰধানমন্ত্ৰী নৰেন্দ্ৰ মোদীয়ে এক শক্তিশালী ভাষণ প্ৰদান কৰে । তেওঁ কয় যে ভাৰতে পৰ্যটনত বিশ্বাস কৰে কাৰণ পৰ্যটনে মানুহক সংযোগ কৰে আৰু বহুজাতিক বন্ধুত্বক শক্তিশালী কৰে । এই সভাৰ পৰাই তেওঁ পাকিস্তানক কঠোৰ বাৰ্তা প্ৰেৰণ কৰে । তেওঁ পাকিস্তানৰ কঠোৰ সকিয়নী দি কয় যে, “পাকিস্তানে সন্ত্ৰাসবাদক পৰ্যটন বুলি গণ্য কৰে, যিটো সমগ্ৰ বিশ্বৰ বাবে এক ডাঙৰ ভাবুকি” আৰু “অপাৰেচন সিন্দুৰ হৈছে সন্ত্ৰাসবাদৰ অন্ত পেলোৱাৰ এক অভিযান ।”

কচ্চৰ উন্নয়ন সন্দৰ্ভত উল্লেখ কৰি প্ৰধানমন্ত্ৰী মোদীয়ে কয় যে পূৰ্বতে কচ্চৰ যিকোনো মুখ্যমন্ত্ৰী বা মন্ত্ৰীৰ ভাষণ পাকিস্তানৰ পৰা আৰম্ভ হৈ শেষ হৈছিল যদিও তেওঁ ২০০১ চনত সিদ্ধান্ত লৈছিল যে তেওঁ এই বিষয়ত সময় নষ্ট নকৰে বৰঞ্চ কচ্চৰ সম্ভাৱনাক উজ্জ্বল কৰি তুলিব যাতে পাকিস্তানে ঈৰ্ষা কৰে । তেওঁ কয়, “আমি এনেকুৱা এক কচ্চ সৃষ্টি কৰিছো যে ইয়াৰ বিকাশ দেখি শত্ৰুৱে ঈৰ্ষা কৰে ।”

অপাৰেচন সিন্দুৰৰ লক্ষ্য হৈছে সন্ত্ৰাসবাদৰ অন্ত পেলোৱা !

প্ৰধানমন্ত্ৰীয়ে সন্ত্ৰাসবাদৰ বিৰুদ্ধে ভাৰতৰ শূন্য সহনশীল নীতিৰ কথা উল্লেখ কৰি পাকিস্তানক কঠোৰ বাৰ্তা দি কয় যে, “যিয়ে আমাৰ তেজ বোৱাবলৈ চেষ্টা কৰিব তেওঁলোকক তেওঁলোকৰ নিজৰ ভাষাত উত্তৰ দিয়া হ’ব । ভাৰতৰ বিৰুদ্ধে চকু উঠোৱা সকলে মূল্য দিব লাগিব ।” লগতে তেওঁ অপাৰেচন সিন্দুৰৰ সফলতাৰ কথা উল্লেখ কৰি কয় যে এই অভিযানৰ লক্ষ্য হৈছে সন্ত্ৰাসবাদ নিৰ্মূল আৰু মানৱতাক ৰক্ষা কৰা ।

প্ৰধানমন্ত্ৰী মোদীয়ে কয় যে ২২ মে’ৰ পিছত তেওঁ চেষ্টাত কোনো ত্ৰুটি ৰখা নাছিল । আনকি তেওঁ বিহাৰত মুকলিকৈ ঘোষণা কৰিছিল যে তেওঁ সন্ত্ৰাসবাদৰ আত্মগোপন স্থানসমূহ নিৰ্মূল কৰিবলৈ প্ৰতিশ্ৰুতিবদ্ধ । তেওঁ কয় যে ১৫ দিন অপেক্ষা কৰাৰ পিছত যেতিয়া পাকিস্তানে কোনো ব্যৱস্থা গ্ৰহণ কৰা নাছিল তেতিয়া সেনাবাহিনীক সম্পূৰ্ণ স্বাধীনতা দিয়া হৈছিল । শ কিলোমিটাৰ দূৰলৈ গৈ সন্ত্ৰাসবাদীৰ আত্মগোপন স্থান ধ্বংস কৰে ভাৰতীয় সেনাই ।

পাকিস্তানী এয়াৰবেছ এতিয়াও আই চি ইউত!

প্ৰধানমন্ত্ৰীয়ে কয় যে ১৯৭১ চনৰ যুদ্ধত ভূজ বিমান ঘাটিত পাকিস্তানী সেনাই আক্ৰমণ কৰিছিল যদিও আমাৰ সাহসী মহিলাসকলে ইয়াৰ মুখামুখি হৈছিল । লগতে তেওঁ কয় যে ভাৰতীয় সেনাই সেই আক্ৰমণৰ প্ৰত্যুত্তৰ ইমান শক্তিৰে দিছিল যে পাকিস্তানৰ বিমান ঘাটিসমূহ এতিয়াও আই চি ইউত আছে ।

পাকিস্তানক কঠোৰ বাৰ্তা-

প্ৰধানমন্ত্ৰী মোদীয়ে কচ্চৰ পৰা পাকিস্তানৰ জনসাধাৰণক আহ্বান জনাই যে যদি সন্ত্ৰাসবাদ ত্যাগ নকৰে তেন্তে তেওঁলোকৰ সন্তানৰ ভৱিষ্যত অন্ধকাৰত পৰিব । তেওঁ পাকিস্তানৰ যুৱক-যুৱতীসকলক বুজাবলৈ চেষ্টা কৰে যে সন্ত্ৰাসবাদ পাকিস্তানৰ বাবে ধ্বংসাত্মক ।

লগতে পঢ়ক : ‘ধ্বংস অনিবাৰ্য…’ গুজৰাটৰ পৰা সন্ত্ৰাসবাদীৰ বিৰুদ্ধে প্ৰধানমন্ত্ৰী মোদীৰ গৰ্জন

মন কি বাত

প্ৰধানমন্ত্ৰী নৰেন্দ্ৰ মোদীয়ে দেওবাৰে তেওঁৰ ৰেডিঅ’ অনুষ্ঠান ‘মন কি বাত’ৰ ১২২ সংখ্যক খণ্ডত সন্ত্ৰাসবাদৰ কথা উল্লেখ কৰে । সন্ত্ৰাসবাদৰ বিৰুদ্ধে একত্ৰিত হোৱা দেশবাসীক প্ৰশংসা কৰে । তেওঁ আৰু কয় যে আমি সন্ত্ৰাসবাদৰ অন্ত পেলাব লাগিব সেয়া আমাৰ সংকল্প ।

‘মন কি বাত’ত প্ৰধানমন্ত্ৰী মোদীয়ে কয়, “আজি সমগ্ৰ দেশ সন্ত্ৰাসবাদৰ বিৰুদ্ধে একত্ৰিত, ক্ষোভেৰে ভৰা আৰু দৃঢ়প্ৰতিজ্ঞ । আজি প্ৰতিজন ভাৰতীয়ৰ সংকল্প আছে যে আমি সন্ত্ৰাসবাদৰ অন্ত পেলাবই লাগিব । বন্ধুসকল, ‘অপাৰেচন সিন্দুৰ’ৰ সময়ত আমাৰ বাহিনীয়ে যি বীৰত্ব দেখুৱাইছে, সেই বীৰত্বই প্ৰতিজন হিন্দুস্তানীক গৌৰৱান্বিত কৰি তুলিছে । যি বিশুদ্ধতা, যি সঠিকতাৰে আমাৰ বাহিনীয়ে সন্ত্ৰাসবাদী আত্মগোপন স্থানসমূহ ধ্বংস কৰিছে সেয়া আচৰিত ।”

প্ৰধানমন্ত্ৰী মোদীয়ে কয়, “‘অপাৰেচন সিন্দুৰ’এ সমগ্ৰ বিশ্বতে সন্ত্ৰাসবাদৰ বিৰুদ্ধে যুঁজখনক নতুন আত্মবিশ্বাস আৰু উৎসাহ প্ৰদান কৰিছে । ‘অপাৰেচন সিন্দুৰ’ কেৱল সামৰিক অভিযান নহয়, ই আমাৰ সংকল্প, সাহস আৰু পৰিৱৰ্তনশীল ভাৰতৰ ছবি আৰু এই ছবিখনে সমগ্ৰ দেশখনকে দেশপ্ৰেমমূলক অনুভূতিৰে ভৰাই তুলিছে ।”

ত্ৰিৰংগা যাত্ৰাৰ কথা উল্লেখ কৰে প্ৰধানমন্ত্ৰী মোদীয়ে-

‘মন কি বাত’তত্ৰিৰংগা যাত্ৰাৰ কথা উল্লেখ কৰি প্ৰধানমন্ত্ৰী মোদীয়ে কয়, “আপোনালোকে নিশ্চয় দেখিছে যে দেশৰ বহু চহৰ, গাঁও আৰু সৰু চহৰত ত্ৰিৰংগা যাত্ৰা বাহিৰ কৰা হৈছিল । হাতত ত্ৰিৰংগা লৈ হাজাৰ হাজাৰ লোক ওলাই আহি দেশৰ সেনাবাহিনীক প্ৰণাম, অভিনন্দন জনাইছিল । বহু চহৰত বৃহৎ সংখ্যক যুৱক-যুৱতী একত্ৰিত হৈ অসামৰিক প্ৰতিৰক্ষাৰ স্বেচ্ছাসেৱক হ’ল আৰু আমি দেখিলোঁ যে চণ্ডীগড়ৰ ভিডিঅ’বোৰ ভাইৰেল হৈ পৰিল । ছ’চিয়েল মিডিয়াত কবিতা লিখা হৈছিল, সংকল্প গীত গোৱা হৈছিল । সৰু ল’ৰা-ছোৱালীয়ে এনেকুৱা ছবি আঁকিছিল য’ত ডাঙৰ ডাঙৰ বাৰ্তা লুকুই আছিল ।”

‘অপাৰেচন সিন্দুৰ’এ মানুহক গভীৰভাৱে প্ৰভাৱিত কৰিছিলঃ প্ৰধানমন্ত্ৰী মোদী

প্ৰধানমন্ত্ৰী মোদীয়ে বিকানেৰ ভ্ৰমণৰ সময়ত শিশুৰ সৈতে হোৱা সাক্ষাৎৰ কথাও উল্লেখ কৰে । তেওঁ কয়, “মই মাত্ৰ তিনিদিন পূৰ্বে বিকানেৰলৈ গৈছিলো । তাত শিশুসকলে মোক উপহাৰ দিছিল একেধৰণৰ এখন ছবি । ‘অপাৰেচন সিন্দুৰ’এ দেশৰ জনসাধাৰণক ইমানেই প্ৰভাৱিত কৰিছে যে বহু পৰিয়ালে ইয়াক নিজৰ জীৱনৰ অংশ কৰি তুলিছে । বিহাৰৰ কাটিহাৰ, উত্তৰ প্ৰদেশৰ কুশীনগৰ আৰু আন বহু চহৰত সেই সময়ছোৱাত জন্ম হোৱা সন্তানক ‘সিন্দুৰ’ নামেৰে নামাকৰণ কৰা হৈছে ।”

লগতে পঢ়ক : ‘কোনো লক্ষ্য অসম্ভৱ নহয়…’ নীতি আয়োগৰ বৈঠকত প্ৰধানমন্ত্ৰী মোদী