-মহানগৰীৰ ৰাজভৱনৰ সমীপত ১৬৩ BNS ধাৰা জাৰি
-১ কিঃমিঃ ব্যসাৰ্ধজুৰি অঞ্চলত ১৬৩ BNS জাৰি
-একত্ৰিত হ’ব নোৱাৰিব ৫গৰাকীতকৈ অধিক লোক
-প্ৰতিবাদ-আন্দোলন ৰোধ কৰিবলৈ ১৬৩ ধাৰা প্ৰযোজ্য
-অনিৰ্দিষ্টকাললৈ এই নিৰ্দেশনা জাৰি কৰিছে মহানগৰ আৰক্ষীয়ে
-অনুমতিবিহীন কোনো ৰেলী উলিয়াব নোৱাৰিব ৰাজভৱনৰ সমীপত
-অকৰ্তৃত্বশীল যান-বাহনৰ চলাচলতো বাধা আৰোপ
-আইন উলংঘা কৰিলেই সন্মুখীন হ’ব শাস্তিৰ
মণিপুৰৰ ৰাজধানী ইম্ফলত পুনৰ সশস্ত্ৰ বাহিনী বিশেষ ক্ষমতা আইন জাপি দিয়াৰ লগতে জিৰিবামত তিনিটি শিশু আৰু তিনিগৰাকী মহিলাক হত্যা কৰাৰ প্ৰতিবাদত শতাধিক লোকে প্ৰতিবাদী সমদল বাহিৰ কৰে । ইম্ফল পশ্চিমৰ থাউ খেলপথাৰৰ পৰা আৰম্ভ হোৱা এই সমদল পাঁচ কিলোমিটাৰ দূৰত্ব অতিক্ৰম কৰি খুমান লম্পক ষ্টেডিয়ামত উপনীত হয় । প্ৰতিবাদকাৰীসকলে প্লেকাৰ্ড লৈ মণিপুৰ ধ্বংস নকৰিব আৰু মণিপুৰ বচাওক শ্লোগানেৰে পৰিৱেশ উত্তাল কৰি তোলে । লগতে প্ৰতিবাদকাৰীসকলে আফছপা (AFSPA) অপসাৰণৰ দাবী জনায় ।
মানৱ অধিকাৰ দিৱস উপলক্ষে আয়োজন ৰেলী-
মানৱ অধিকাৰ দিৱস উপলক্ষে অল মণিপুৰ ইউনাইটেড ক্লাবছ অৰ্গেনাইজেশ্যন, পইৰেই লিমাৰোল মীৰা পাইবি আপুনবা মণিপুৰ, সদৌ মণিপুৰ মহিলা স্বেচ্ছাসেৱী সন্থা, মানৱ অধিকাৰ সমিতি আৰু মণিপুৰ ছাত্ৰ ফেডাৰেচনৰ যৌথ উদ্যোগত অনুষ্ঠিত হয় এই সমাৱেশ ।
ৰেলী সন্দৰ্ভত এগৰাকী মহিলা প্ৰতিবাদকাৰীয়ে কয়, ‘মানৱ অধিকাৰ দিৱস উপলক্ষে আমি পুনৰ দৃঢ়তাৰে ক’ব বিচাৰিছো যে মণিপুৰৰ জনসাধাৰণে ৰাজ্যত আফছপা ৰূপায়ণৰ লগতে ইম্ফল উপত্যকাত কুকি আৰু জো উগ্ৰপন্থীয়ে মহিলা আৰু শিশুক হত্যা কৰাৰ বিৰুদ্ধে দৃঢ়তাৰে থিয় দিছে । আফছপাৰ বাবে ইম্ফল উপত্যকা আৰু নগা অঞ্চলত বহু ক্ষতিসাধন হৈছে । উগ্ৰবাদৰ বিৰুদ্ধে যুঁজ দিয়াৰ নামত অসামৰিক লোকক হত্যা কৰাৰ ই এটা সঁজুলি ।”
আৰক্ষীয়ে জনোৱা মতে, এই সমাৱেশৰ পৰিপ্ৰেক্ষিতত ৰাজধানীত নিৰাপত্তা বৃদ্ধি কৰা হৈছে । ৰেলীৰ সময়ত কোনো ধৰণৰ অপ্ৰীতিকৰ ঘটনাৰ কোনো তথ্য পোৱা নাই । উল্লেখ্য যে শেহতীয়াকৈ কেন্দ্ৰই মণিপুৰৰ ছখন আৰক্ষী থানাত পুনৰ আফছপা কাৰ্যকৰী কৰিছিল ।
বাংলাদেশৰ হিন্দুৰ ওপৰত চলি থকা অত্যাচাৰৰ বিৰুদ্ধে দিল্লীত বৃহৎ বিক্ষোভ প্ৰদৰ্শন । বাংলাদেশ উচ্চায়ুক্তৰ বাহিৰত বিভিন্ন শ্লোগানেৰে এই বিক্ষোভ প্ৰদৰ্শন কৰিছে হাজাৰ হাজাৰ প্ৰতিবাদকাৰীয়ে । প্ৰতিবাদকাৰীসকলৰ ভিতৰত সাধু-সন্ত আৰু মহিলাও অন্তৰ্ভুক্ত আছে । প্ৰতিবাদত বাংলাদেশত হিন্দুৰ ওপৰত চলি থকা অত্যাচাৰ বন্ধ কৰাৰ দাবী উত্থাপন কৰিছে প্ৰতিবাদকাৰীসকলে ।
উল্লেখ্য যে, শ্বেখ হাছিনাৰ চৰকাৰ উৎখাত হোৱাৰ পিছত বাংলাদেশত সংখ্যালঘু, বিশেষকৈ হিন্দুৰ ওপৰত আক্ৰমণৰ ঘটনা বৃদ্ধি পাইছে । যোৱা মাহত হিন্দু ধৰ্মগুৰু চিন্ময় কৃষ্ণ দাসক গ্ৰেপ্তাৰ কৰাৰ পিছত এই আক্ৰমণ আৰু অধিক বৃদ্ধি পাইছিল ।
ভাৰতৰ বৈদেশিক সচিব বিক্ৰম মিশ্ৰী ঢাকাত থকাৰ সময়তে বাংলাদেশ উচ্চায়ুক্তৰ বাহিৰত এই বিক্ষোভ সংঘটিত হৈছে । মাত্ৰ এদিন পূৰ্বে বৈদেশিক সচিব মিশ্ৰীয়ে হিন্দুসকলৰ ওপৰত অত্যাচাৰৰ বিষয়টো উত্থাপন কৰিছিল । বিক্ৰম মিশ্ৰীয়ে এই বিষয়টো বাংলাদেশৰ বিদেশ উপদেষ্টা মহম্মদ তৌহিদ হুছেইনৰ আগত উত্থাপন কৰিছিল । হুছেইনক সাক্ষাৎ কৰাৰ পাছত বৈদেশিক সচিব মিশ্ৰীয়ে কয়, ‘… আমিও শেহতীয়া পৰিঘটনাসমূহৰ বিষয়ে আলোচনা কৰি সংখ্যালঘুৰ সুৰক্ষা আৰু কল্যাণ সন্দৰ্ভত আমাৰ উদ্বেগ প্ৰকাশ কৰিলোঁ… সাংস্কৃতিক আৰু ধৰ্মীয় সম্পত্তিৰ ওপৰত আক্ৰমণৰ দুখজনক ঘটনাক লৈ আমি উদ্বেগ প্ৰকাশ কৰিলোঁ ।’
ইয়াৰ পূৰ্বে চিন্ময় কৃষ্ণ দাসক গ্ৰেপ্তাৰ কৰা ঘটনাক ভাৰতৰ বৈদেশিক মন্ত্ৰালয়ে গৰিহণা দিছিল । বৈদেশিক পৰিক্ৰমা মন্ত্ৰালয়ে নিজৰ বিবৃতিত উল্লেখ কৰিছিল যে সংখ্যালঘু লোকৰ ঘৰ-দোকান অগ্নিসংযোগ আৰু লুণ্ঠনৰ লগতে মন্দিৰ অপবিত্ৰ কৰাৰ কেইবাটাও গোচৰ পঞ্জীয়ন কৰা হৈছে । এই ঘটনাৰ দোষীয়ে এতিয়াও মুক্তভাৱে ঘূৰি ফুৰিছে, আনহাতে শান্তিপূৰ্ণভাৱে বৈধ দাবী উত্থাপন কৰা ধৰ্মগুৰুসকলৰ বিৰুদ্ধে অভিযোগ উত্থাপন হৈছে ।
বাংলাদেশত সংখ্যালঘু হিন্দুসকলৰ ওপৰত সংঘটিত হোৱা অত্যাচাৰৰ বিৰুদ্ধে পশ্চিমবংগৰ বিভিন্ন প্ৰান্তত প্ৰতিবাদ । কলকাতা, কান্তি, কাকদ্বীপ, সন্দেশখালী আৰু পুৰুলিয়াত হিন্দুত্ববাদী সংগঠনৰ উদ্যোগত আয়োজিত ৰেলীত শতাধিক লোকে অংশগ্ৰহণ কৰে । এই বিক্ষোভত ৰাইজে হিন্দু পুৰোহিত চিন্ময় কৃষ্ণ দাসকো শীঘ্ৰে মুক্তিৰ দাবী উত্থাপন কৰে ।
কলকাতাৰ ছল্ট লেক আন্তঃৰাষ্ট্ৰীয় বাছ টাৰ্মিনাছৰ সমীপত বাংলাদেশৰ জমদানী শাৰী জ্বলাই প্ৰতিবাদ সাব্যস্ত কৰে প্ৰতিবাদকাৰীসকলে । প্ৰতিবাদকাৰীসকলে বাংলাদেশী সামগ্ৰী বৰ্জনৰ আহ্বান জনাই ত্ৰিৰংগক অপমান আৰু হিন্দুৰ ওপৰত আক্ৰমণ অব্যাহত থাকিলে ভাৰতৰ জনসাধাৰণ মনে মনে নাথাকিব বুলি সকীয়াই দিয়ে ।
বাংলাদেশী সামগ্ৰী বৰ্জন কৰিবলৈ আহ্বান-
প্ৰতিবাদকাৰীসকলে কয়, বাংলাদেশত হিন্দুসকলক অহৰহ লক্ষ্য কৰি লোৱা আৰু ভাৰত বিৰোধী ঘৃণা বিয়পাই থকাক তীব্ৰ গৰিহণা দিছো । আমি মনে মনে বহি নাথাকো । গতিকে এই শাৰীবোৰ জ্বলাই আমি বাংলাদেশী সামগ্ৰী বৰ্জন কৰিবলৈ আহ্বান জনাইছো । আন এজন প্ৰতিবাদকাৰীয়ে কয়, এইখন কেনেকুৱা বাংলাদেশ ? যিসকলে ১৯৭১ চনৰ স্বাধীনতা সংগ্ৰামত যুঁজিছিল তেওঁলোকে এতিয়া তেওঁলোকৰ ঐতিহাসিক ঐতিহ্য মচি পেলাবলৈ চেষ্টা কৰি আছে ।
কান্তীত সুবেন্দু অধিকাৰীৰ নেতৃত্বত প্ৰতিবাদী সমাৱেশ
কান্তীত অনুষ্ঠিত প্ৰতিবাদী সমদলৰ নেতৃত্বত ৰাজ্যিক বিৰোধী দলপতি সুবেন্দু অধিকাৰী-
তেওঁ কয়, বাংলাদেশৰ মৌলবাদী শক্তিৰ বিৰুদ্ধে সকলো সনাতনী একত্ৰিত । তেওঁ কয়, ১৯৭১ চনত বাংলাদেশৰ স্বাধীনতা সংগ্ৰামত ৩০ হাজাৰৰো অধিক ভাৰতীয়ৰ শ্বহীদ হোৱাৰ কথা তাত থকা চৰমপন্থীয়ে এতিয়া পাহৰি গৈছে । আজিৰ এই সমাৱেশ সীমান্তৰ সিপাৰৰ উপাদানসমূহক এনে ঘৃণামূলক ভাষণ বন্ধ কৰিবলৈ সতৰ্কবাণী । লগতে আন্তঃৰাষ্ট্ৰীয় প্ৰট’কল আৰু ৰাষ্ট্ৰসংঘৰ নীতি-নিৰ্দেশনা মানি নৰেন্দ্ৰ মোদী চৰকাৰে উপযুক্ত পদক্ষেপ গ্ৰহণ কৰাৰ বাবে দাবী জনায় তেওঁ ।
পাকিস্তানৰ খাইবাৰ পখতুনখোৱা অঞ্চলত ছিয়া আৰু চুন্নীৰ মাজত বিবাদ অব্যাহত আছে। ২১ নৱেম্বৰত সংঘটিত আক্ৰমণৰ পিছৰে পৰা অঞ্চলটোত ১২৪ জন লোকৰ মৃত্যু হৈছে। শ শ লোক আহত হৈছে। এতিয়া ইয়াত যুদ্ধবিৰতিৰ বাবে প্ৰচেষ্টা চলোৱা হৈছে।
পাকিস্তানৰ উত্তৰ-পশ্চিম খাইবাৰ পখতুনখোৱা প্ৰদেশৰ কুৰৰাম জিলাত সাম্প্ৰদায়িক হিংসাত মৃত্যু হোৱা লোকৰ সংখ্যা ১২৪ জনলৈ বৃদ্ধি পাইছে। যোৱা ২৪ ঘন্টাত সশস্ত্ৰ সংঘৰ্ষত আৰু ১৬জন লোকৰ মৃত্যু হোৱাৰ পিছত মৃত্যুৰ সংখ্যা বৃদ্ধি পাইছে। ইয়াৰ উপৰিও ১৭০ জনৰো অধিক লোক আহত হৈছে। আহতসকলৰ অধিকাংশকে চিকিৎসালয়ত ভৰ্তি কৰা হৈছে, ইয়াৰে কিছুমানৰ অৱস্থা সংকটজনক।
যোৱা ২১ নৱেম্বৰত জিলাখনৰ মন্দোৰী প্ৰপ’ৰ্ট এলেকাৰ পাৰাচিনাৰ অঞ্চলৰ পৰা অহা যাত্ৰীবাহী বাহনৰ কনভয়ত অস্ত্ৰধাৰীয়ে আক্ৰমণ চলাই শিশু আৰু মহিলাকে ধৰি ৫২ জন লোকৰ মৃত্যু হয়।এই ঘটনাৰ পিছত ছিয়া আৰু চুন্নী মুছলমানকে ধৰি দুটা গোটৰ মাজত সশস্ত্ৰ সংঘৰ্ষ আৰু আক্ৰমণ আৰম্ভ হয়।