ভাৰত AI Impact Summit ২০২৬ অহা ১৬ ফেব্ৰুৱাৰীৰ পৰা ২০ ফেব্ৰুৱাৰীলৈ নতুন দিল্লীৰ ভাৰত মণ্ডপামত অনুষ্ঠিত হ’ব।

কাইলৈৰ পৰা ভাৰতত আৰম্ভ হ’ব AI Impact Summit। এই অনুষ্ঠানটো নতুন দিল্লীত অনুষ্ঠিত হ’ব, য’ত ভাৰত আৰু বিশ্বৰ বহু বিশিষ্ট নেতা আৰু কোম্পানী সমূহৰ CEO ই অংশগ্ৰহণ কৰিব।কিন্তু Nvidia ৰ CEO জেনচেন হুয়াঙে এই অনুষ্ঠানত অংশগ্ৰহণ নকৰে। Nvidia এ এই তথ্য শ্বেয়াৰ কৰিছে।

Nvidia কোম্পানীটোয়ে এআই চিপছেট প্ৰস্তুত কৰে, যিবোৰ ডাটা চেণ্টাৰ আৰু ডিভাইচৰ বাবে অতি উপযোগী। এনে পৰিস্থিতিত ভাৰতত অনুষ্ঠিত হ’বলগীয়া অনুষ্ঠানটোত Nvidia ৰ CEO ৰ অনুপস্থিতিও এক শ্বক বুলি বিবেচিত হৈছে। কাৰণ তেওঁ এই সন্মিলনৰ অন্যতম মূল বক্তা আছিল।

বৃহস্পতিবাৰে প্ৰধানমন্ত্ৰী নৰেন্দ্ৰ মোদীয়ে AI Impact Summit উদ্বোধন কৰিব। পুৰণি সূচী অনুসৰি বুধবাৰে নতুন দিল্লীত সংবাদ মাধ্যমৰ অনুষ্ঠানত হুয়াঙে অংশগ্ৰহণ কৰিব লাগিছিল।

ভাৰতত হ’বলগীয়া পাঁচদিনীয়া AI Impact Summit ৰ সন্দৰ্ভত এনভিডিয়াই কয় যে অভাৱনীয় পৰিস্থিতিৰ বাবে মুখ্য কাৰ্যবাহী বিষয়াগৰাকীয়ে যাত্ৰা কৰিব নোৱাৰিব।

কোম্পানীটোয়ে আৰু কয় যে, AI Impact Summit আৰু তীব্ৰবেগত বৃদ্ধি পোৱা ভাৰতৰ এআই পৰিৱেশ তন্ত্ৰৰ প্ৰতি তেওঁলোক প্ৰতিবদ্ধ।

হুয়াঙৰ অনুপস্থিতিৰ পিছতো কোম্পানীটোৱে কয় যে ভাৰতত হ’বলগীয়া অনুষ্ঠানৰ সময়ত তেওঁৰ উপস্থিতি চিহ্নিত কৰিব।

AI Impact Summit ত OpenAI ৰ CEO ছেম অল্টমেন, আলফাবেটৰ চিইঅ’ সুন্দৰ পিচাই, গুগল ডিপমাইণ্ডৰ চিইঅ’ ডেমিছ হাছাবিছ, এন্থ্ৰপিক চিইঅ’ ডাৰিয়া আমোদেইৰ নাম অন্তৰ্ভুক্ত কৰা হৈছে।

লগতে পঢ়ক: ভাৰতৰ প্ৰথটো Rail cum Road tunnel হ’ব অসমত; অসমবাসীক কেইবাটাও ভাল খবৰ দিলে মুখ্যমন্ত্ৰীয়ে