ধনশ্ৰীৰ পিছত আৰ জে মাহৱাশৰ সৈতেও বিচ্ছেদ যুজবেন্দ্ৰ চাহালৰ
শ্ব’বিজ জগতৰ পৰা এক আচৰিত খবৰ আহিছে।ভাৰতীয় ক্ৰিকেটাৰ যুজবেন্দ্ৰ চাহাল আৰু অভিনেত্ৰী আৰ জে মাহৱাশৰ সম্পৰ্কত মেলিছে ফাঁট।
ধনশ্ৰী ভাৰ্মাৰ পিছত ক্ৰিকেটাৰ যুজবেন্দ্ৰ চাহালৰ নাম আৰ জে মাহৱাশৰ সৈতে জড়িত হৈ পৰিছিল।দুয়োকে প্ৰায়ে বহুবাৰ একেলগে দেখা গৈছিল।
ইয়াৰ পিছত সংবাদ মাধ্যমত চৰ্চা হৈছিল যে যুজবেন্দ্ৰ চাহাল আৰু আৰ জে মাহৱাশে ইজনে সিজনৰ লগত ডেট কৰি আছে।অৱশ্যে দুয়োজনে কেতিয়াও নিজৰ সম্পৰ্কৰ কথা মুকলিকৈ কোৱা নাছিল।
কিন্তু এতিয়া যুজবেন্দ্ৰ চাহাল আৰু আৰ জে মাহৱাশক লৈ এক নতুন খবৰ ওলাইছে।ক্ৰিকেটাৰ যুজবেন্দ্ৰ চাহাল আৰু আৰ জে মাহৱাশৰ সম্পৰ্কত মেলিছে ফাঁট। দুয়োগৰাকীয়ে ইনষ্টাগ্ৰামত ইজনে লিজনক আনফ’ল’ কৰিছে।এই খবৰটো ছ’চিয়েল মিডিয়াত দ্ৰুতগতিত বিয়পি পৰাত ৰাইজৰ মাজত এক নতুন চৰ্চা লাভ কৰিছে।
এতিয়া এই দূৰত্ব কেৱল ছ’চিয়েল মিডিয়াত আছে নে প্ৰকৃততে দুয়োৰে মাজত বিচ্ছেদ হৈছে সেয়া ক’ব নোৱাৰি।এই সন্দৰ্ভত এতিয়ালৈকে চাহাল বা মাহৱাশ কোনোৱেই আনুষ্ঠানিকভাৱে কোনো মন্তব্য কৰা নাই।এইটো নিশ্চিত যে দুয়োৰে অনুৰাগীৰ বাবে এইটো আচৰিত কথা।
২০২৫ চনত ধনশ্ৰী ভাৰ্মাৰ সৈতে বিবাহ বিচ্ছেদ হোৱাৰ পিছৰে পৰা চাহল আৰু মাহৱাশৰ সম্পৰ্কক লৈ জল্পনা-কল্পনাৰ সৃষ্টি হৈছিল।
লগতে পঢ়ক: ৰোহিত-কোহলীৰ কোটি কোটি টকা পাৰিশ্ৰমিক কৰ্তন ! কেন্দ্ৰীয় চুক্তি সলনি কৰাৰ পথত বিচিচিআই
