সন্ত্ৰাসবাদীৰ লগত আছিল আন এখন বাহন!EcoSport ৰ সন্ধানত আৰক্ষী
দিল্লী বিস্ফোৰণ গোচৰৰ তদন্তৰ সময়ত আৰক্ষীয়ে এটা ডাঙৰ সূত্ৰ বিচাৰি পাইছে। তদন্তত প্ৰকাশ পাইছে যে সন্দেহযুক্ত লোকসকলৰ হাতত হুণ্ডাই i20 গাড়ীৰ বাহিৰে আন এখন গাড়ী আছিল।
ইয়াৰ পিছত দিল্লীৰ সকলো থানা, আৰক্ষী চকী আৰু সীমান্ত চেকপইণ্টক সতৰ্ক কৰি দিয়া হৈছে।DL10CK0458 নম্বৰৰ EcoSport বাহনখন উমৰ উন নবিৰ নামত পঞ্জীয়ন কৰা আছে।
দিল্লী আৰক্ষীয়ে সকলো আৰক্ষীকে ৰঙা ৰঙৰ ফৰ্ড EcoSport গাড়ীখন বিচাৰিবলৈ নিৰ্দেশ দিছে। এই গাড়ীখন সন্দৰ্ভত আৰক্ষীয় পাঁচটা দলে এতিয়া বিভিন্ন অঞ্চলত অবিৰতভাৱে অনুসন্ধান অভিযান চলাই আছে।
লগতে উত্তৰ প্ৰদেশ আৰু হাৰিয়ানা আৰক্ষীকো সতৰ্ক কৰি দিয়া হৈছে।ওচৰৰ সকলো টোল গেটৰ পৰাও গাড়ীখনৰ বিষয়ে তথ্য সংগ্ৰহ কৰা হৈছে।
তথ্য অনুসৰি আৰক্ষীক নিৰ্দেশ দিয়া হৈছে যে, DL10CK0458 নম্বৰৰ ৰঙা ৰঙৰ ফৰ্ড ইকোস্প’ৰ্ট বাহন খনক শীঘ্ৰেই ধৰিব লাগে।
বাহিৰত টহলদাৰী বা পিকেটত নিয়োজিত সকলো আৰক্ষীকে সম্পূৰ্ণ অস্ত্ৰ লৈ সাজু হৈ থাকিবলৈ নিৰ্দেশ দিয়া হৈছে।
তাৰ মাজতে ফৰিদাবাদৰ পৰা ২৯ অক্টোবৰৰ এটা নতুন ভিডিঅ’ পোহৰলৈ আহিছে। এই ফুটেজটো পেট্ৰ’ল পাম্পৰ ওচৰৰ, যিটো প্ৰদূষণ পৰীক্ষা কৰাৰ আগৰ বুলি কোৱা হয়। ভিডিঅ’টোত গাড়ীখনত তিনিজন লোকক দেখা গৈছে।
তদন্তকাৰী সংস্থাৰ মতে, উমৰ আৰু তাৰিক নিজে বাহনখনৰ প্ৰদূষণ পৰীক্ষা কৰিবলৈ গৈছিল।ভিডিঅ’টোত দুজন লোক দেখিবলৈ পোৱা গৈছে, যাক যাক উমৰ আৰু তাৰিক বুলি চিনাক্ত কৰা হৈছে।সমগ্ৰ ঘটনাক লৈ আৰক্ষীয়ে এতিয়া তদন্ত অব্যাহত ৰাখিছে।
লগতে পঢ়ক: দিল্লী বিস্ফোৰণক লৈ কি ক’লে আমেৰিকা-ৰাছিয়াই ? ইৰাণ-ইজৰাইলৰ শোক প্ৰকাশ
